སེམས་གཏམ་དམར་སྡང་མ།

གཡུ་ཆུང་དྲུག་དཀར།།

མདང་དགོང་ངས་ཁྱེད་རང་རྨི་ལམ་དུ་རྨིས་བྱུང་། 

བརྩེ་བའི་དམ་ཚིག་གི་མདུད་རྒྱ་གྲོལ་དཀའ་བའི་ང་ཡི་རྨི་ལམ་དུ་འཁོར་ཡོང་། 

བརྩེ་བ་ནི་དྲོལ་ཁོལ་ཞིག་དང་དུངས་བ་ནི་སྡུག་བསྔལ་ཞིག་ལས་མ་འདས་པས། ཞོགས་པའི་ཉི་མ་གཞོན་ནུ་དང་མཚན་མོ་ཟླ་བའི་སྐྱོ་གདུང་ལ་ཅེར་ནས་གྱེས་བྲལ་གྱི་ལོ་ཟླ་འདི་ཆང་རག་གིས་བཟི་བའི་འཁྱམ་པོ་ཞིག་དང་འདྲ་བར་དྲན་གདུང་གིས་བསྐྱལ། 

གཡ་ཆུང་དྲུག་དཀར། 

མདོང་དགོང་ངའི་ཁྱེད་རང་རྨི་ལམ་དུ་རྨིས་བྱུང་། 

རྨི་ལམ་འདི་ཐེངས་སྔོན་མ་དང་སྡུར་ན་ཁྱད་མཚར་ལ། 

རྨི་ལམ་འདིས་བསམ་བཞིན་དུ་བུ་ལོ་ཞིག་གི་བརྩེ་སེམས་དྲོན་མོར་གཏམ་རྒྱུད་ཆད་པའི་ཁ་བ་ལྷབ་ལྷུབ་ཞིག་བབས་སུ་བཅུག་ན་བསམ་ཡོད་འདྲ། 

དེ་བས། སྙིང་སྡུག་མ། མདང་དགོང་གི་རྨི་ལམ་འདིར་གཞིགས་ན། 

ང་ཁྱེད་ལ་དགའ་དྲགས་པ་ཡིན་ནམ། ཁྱེད་རང་ང་ལ་------------ 

གཡུ་ཆུང་དྲུག་དཀར།  

དགའ་རུང་། སྐྱོ་རུང་། སྡུག་རུང་། ཁྱོད་ནི་ངའི་མི་ཚེ་ཡིན། 

ཁྱོད་ནི་ངའི་གསོན་ཤུགས་ཡིན། 

ཁྱོད་དང་འཕྲད་པས། ངའི་རང་གི་དགའ་བ་རྙེད་སོང་། 

ངས་རང་གི་དུངས་བ་ཤེས་སོང་། 

ཁྱོད་དང་འཕྲད་པའི་ང་མི་ཚེ་འདིར་ཡོང་བ་དོན་སྙིང་ལྡན་པར་རློམ་ཡོད། 

གཡུ་ཆུང་དྲུག་དཀར། 

ཁྱོད་ཀྱིས་ང་དགའ་རུ་འཇུག་ཐུབ་ལ། 

ཁྱོད་ཀྱིས་ང་སྡུག་གི་ཡང་འཇུག་ཐུབ།

2013.10.14ཉིན།