གཡུ་ཆུང་དྲུག་དཀར། །

ལྷ་ཆེན་ཚངས་པའི་སྲས་མོ་མིན་ཡང་། །

ལྷ་མོ་འདྲ་བའི་གཡུ་ཆུང་དྲུག་དཀར། །

སྐད་ངག་ཁུ་བྱུག་སྔོན་མོ་མིན་ཡང་། །

ཁ་ཚིག་འཇམ་པའི་གཡུ་ཆུང་དྲུག་དཀར། །

མི་ཚོགས་མང་པོའི་ཁྲོད་ནས་མ་འཕྲད། །

ཀྱག་ཀྱོག་སྲང་ལམ་ནང་ནས་མ་འཕྲད། །

སྡོམ་དྲ་ལྟ་བུའི་དྲ་རྒྱའི་ལམ་ནས། །

འུ་གཉིས་འཕྲད་པ་བྱེའུ་ཆུང་ཆ་གཅིག །

ཞེ་འདང་ཤ་མཆིན་བརླན་ས་ཁྱོད་ཡིན། །

བརྩེ་ཆེན་སེམས་པ་གཏད་ས་ཁྱོད་ཡིན། །

སྙིང་གཏམ་ཚིག་གསུམ་བཤད་ས་ཁྱོད་ཡིན། །

འདང་ཆེན་རོགས་ཀྱི་དྭངས་མ་ཁྱོད་ཡིན། །

དུངས་བའི་འཛུམ་མདངས་ཁྱོད་ཀྱིས་མངོན་ཤོག །

དྲན་པའི་གཏམ་རྒྱུད་ང་ཡིས་བཤད་ཡོང་། །

གཏན་འཛོམས་ཡོངས་བའི་སྨོན་ལམ་འདི་ནི། །

འུ་གཉིས་ལག་རྡང་སྦྲེལ་ནས་འདེབས་སོ། །

རེབ་སྐྱིད་ཡར་འཕེལ་ནས།

        2012.12.12.དགོང་མོར།