སྟོད་བྱ་ཁྱུང་རྫ་རི་ཁ་བའི་གཡོགས་ཐ། །

རྨད་དགུ་ཆུ་སྔོན་མོ་འཁྱགས་པས་བདམས་ཐ། །

བར་རིག་འབྱུང་བུ་ལོས་སེམས་གཏམ་དྲོན་མོ། །

དགུན་ཁ་བའི་ཀློང་ནས་ཁྱེད་ལ་སྒུག་ཡོད། །

 

རོགས་མཛའ་མོ་གདོང་གི་འཛུམ་མདངས་མ་མཐོང་། །

ཚིག་ཁ་མཚར་སྙན་མོའི་སྐད་སྒྲ་མ་ཐོས། །

ཕྱི་འཇམ་ཤ་ལུས་ཀྱི་དྲོད་ཤར་མྱངས་བ། །

ངའི་སྐྱོ་གདུང་སེམས་པའི་རླབས་རྩེར་འཕྱོ་སོང་། །

 

དགུང་ན་མཚན་མོའི་ཟླ་འོད་དེ་མི་འདུག །

ས་ན་པད་མའི་འདབ་ལོ་ནི་མི་མཐོང་། །

རྒྱང་རིང་མཛའ་མོའི་སེམས་འཕྲིན་དེ་རུམ་ནས། །

ཁ་བའི་ཀློང་ལ་སྙན་ངག་རེ་བྲིས་ཡོད། །

 

དྲན་གདུང་སྙིང་གི་འཕར་རྩ་འདིར་བལྟས་ན། །

གང་མྱུར་ཁྱོད་ཡོད་ས་ཕྱོགས་དེར་སླེབས་འདོད། །

ཨ་མའི་སེམས་ཁུར་ལྕི་མོ་དེ་དྲན་ནས། །

སྤྲུལ་འགྱུར་ལྟ་བུའི་རྫུ་འཕྲུལ་བསམ་བྱུང་། །