རི་སུལ་ནས་གྲགས་པའི་སེམས་གཞས།

མཛའ་བརྩེ་ཡི་སྤྲིན་དཀར་གསེབ་ན།།

དུང་སེམས་ཀྱི་སྦྲང་ཆར་སྦྲུམ་ཡོད།།

སེམས་པ་གཉིས་འདྲེས་མདོ་དེ་ལ།།

རེ་འབྲས་ཀྱི་འཇའ་ཚོན་བཀྲ་ཡོད།།

སྔར་བསགས་ཀྱི་ལས་ཏེ་མེད་ན།།

སང་ཉིན་ལ་སྒུག་ཀྱང་མི་འདུག།

རེ་སྒུག་གི་སྨུག་ཀློང་ཁྲོད་ན།།

མཇལ་འཛོམས་ལ་རྫོགས་ཚིག་བཀོད་འདུག།

ཕྱིར་དྲན་གྱི་མཚོ་མོའི་ངོས་ལ།།

བརྩེ་བ་ཡི་འོ་སྤྲི་འཁྱིལ་འདུག།

དུང་སེམས་ཀྱི་མར་ལོ་སེར་པོ།།

ཟས་འགོ་ཡི་ལྷ་ལ་ཡང་མ་མཆོད།།

དབང་མེད་ཀྱི་མིག་ཆུའི་ཐིགས་པ།།

དྭངས་གཙང་གི་ངོ་བོར་གྲུབ་ཀྱང་།

རྒྱུས་ཡོད་ཀྱི་བྱམས་པའི་མཐོང་ཚེ།།

དྲན་གདུང་གི་ལོ་རྒྱུས་བྲིས་ཡོད།།

རྨི་ལམ་རྫོགས་མཐའ་ཞིག་མེད་ཀྱང་།

བར་ཆད་དུས་ཚིགས་ཞིག་ངེས་པས།།

ཐུན་གསུམ་རྨི་ལམ་གྱི་མཇལ་འཛོམས།།