བསིལ་ཟེར་ལགས།         ཁྱེད་ནུབ་རིར་གཟིམས་དོན་ཅིའི་ལན།  

ངེད་ཤུལ་ལུས་ཀྱི་དྭ་ཕྲུག་ཚོ་སྔོན་བསགས་བགོ་སྐལ་ཟད་པའི་ལནམ། 

ཡང་ན་གངས་ཅན་གྱི་བསྟན་འགྲོའི་དོན་དུ་བྱོན།   བསིལ་ཟེར་ལགས། 

ཁྱེད་ནུབ་རིའི་ཕག་ནས་ཡིབས་ཚུན་མགོན་མེད་དྭ་ཕྲུག་ཚོ་བྲང་ཁོག་ཟུག་ངུའི་ཁེངས། 

 སེམས་ཁོང་ལ་མུན་པས་གཡོག  སྨྲེ་ངག་གི་བྲན་གཡོག་ཏུ་གྱུར།   བསིལ་ཟེར་ལགས།  

ངེད་ཉམ་ཐག་དྭ་ཕྲུག་ཚོའི་བདེ་སྡུག་དང་རེ་བལྟོས་འཆའ་སའི་སྐྱབས་མགོན། 

ཐར་པའི་ལམ་སྣ་འདྲེན་པའི་དེད་དཔོན་བསྟན་འགྲོའི་སྤྱི་དཔལ་དུ། 

སླར་ཡང་ཤར་རིའི་རྩེ་ནས་ཡང་སྲིད་མྱུར་དུ་མཇལ་བར་སྨོན།།