གཡུང་དྲུང་བོན་ནི་གངས་ཅན་བོད་པའི་ཤེས་རིག་ཡོད་ཚད་ཀྱི་མ་མ་ཡིན་ཀྱང་དུས་ཡུན་རིང་པོ་ཞིག་ལ་འཁྱོག་བཤད་ཀྱི་འགོ་ལོ་རྒོད་པོས་རིས་མལ་རིས་རྒྱུགས་ཀྱི་རྣམ་པས་བདེན་མཐའ་གསལ་བའི་བགོ་སྐལ་སྨིན་དུ་མ་བཅུག       ད་ནི་མཁས་བརྒྱ་འགྲན་གླེང་དང་མེ་ཏོག་མཉམ་བཞད་ཀྱི་བགོ་སྐལ་བཟང་པོ་ས་ཆེན་པོ་འདིའི་རྒྱན་ལྟ་བུར་གྱུར་ནས་འདུག་པས་ཡུན་རིང་པོར་རང་རེའི་ཕག་ཏུ་གབ་ནས་ཡོད་པའི་བདེན་མཐའ་དག་གསལ་བའི་སྟ་གོན་དང་ལག་ལེན་ལ་རོལ་དགོས།       གནས་འདི་ནི་བདེན་པ་བརྡར་བའི་དོ་ར་བཟང་པོ་ཞིག་དང་བདེན་མཐའ་གསལ་བའི་མེ་ལོང་ཡག་པོ་ཞིག་ཀྱང་ཡིན་པས་ཀུན་གྱིས་གཅེས་པར་མཛོད་ཅིག      འོད་ཟེར་སྟོང་དང་ལྡན་པའི་ཞིང་ཁམས་འདི་ནས་རང་རེས་བདེན་པ་བོན་གྱི་འཁོར་ལོ་སྐོར་བར་སྙིང་ནས་རེ།     རང་ཉིད་ནས་གསོ་རིག་གི་ཤེས་བྱ་གཙོས་པའི་དོན་གནད་འགའ་ཞིག་ཀུན་གྱི་སྤྱན་ལམ་དུ་འདི་ནས་ཡོངས་སུ་བསྟར་བར་འདོད།

                                                                                ཁྱུང་འཚོ་བྱེད་ཟླ་འོད་པས།