ཟིན་བྲིས་ལི་ཐོ།
<<  < 2021 - 10 >  >>
༧༡༢༣༤༥༦
1
2345678
9101112131415
16171819202122
23242526272829
3031
སྤྱི་བསྒྲགས།

 
ཚེ་ཡི་རིན་ཐང་འཆད་རྩོད་རྩོམ་ལ་མཇལ།།
དོན་གྱི་སྙིང་པོ་ཐོས་བསམ་སྒོམ་ལ་བརྩོན།།
གཞན་ཕན་སེམས་བཟུང་དྲང་བདེན་ལས་ལ་འཇུག།
དལ་འབྱོར་དོན་ཐོག་ཁེལ་ན་མི་ལུས་རབ།།
ཁ་པར་ཨང་གྲངས། 13638905268

ཆེད་སྒྲིག་རྣམ་དབྱེ།
ཟིན་ཐོ་གསར་བ།
དཔྱད་གཏམ་གསར་བ།
ཆེམས་གསར་བ།
འཚོལ་བཤེར།
སྦྲེལ་མཐུད།
ཐོན་བྲིས་སྤྱི་བསྡོམས།
  • ཟིན་ཐོ། 4
  • དཔྱད་བརྗོད། 117
  • ཆེམས། 0
  • ཀློག་གྲངས། 6499

  
Re:ལོག་བཤད་དུག་རླངས་གཏོར་བའི་དྲི་བཞོན།
[ 2011/11/14 22:40:50 | By: སྐུ་མགྲོན་138Ld5(སྐུ་མགྲོན།) ]
 
ཉེ་ཆར་ཁོ་བོ་ལས་དོན་ཙག་ཙིག་གིས་རྐྱེན་དུས་ཡུན་གང་འཚམས་ཅིག་གི་རིང་དྲྭ་བ་སྔོག་ཁོམ་མ་བྱུང་། དེ་རིང་དྲྭ་བ་སྔོག་སྐབས་ང་བདག་ལགས་ནས་ངས་ཉེ་སྔོན་ལན་ཁ་གསལ་དགོས་ཚུལ་གྱི་དྲི་བ་གཅིག་ལའང་ལན་བཏབ་མི་འདུག འོན་ཀྱང་ངས་ཉེ་སྔོན་ང་བདག་ལགས་ལ་དེང་སྐབས་ཕྱོགས་འཛིན་ཆེ་བའི་བན་དེ་འགའ་ཡིས་བོན་པོ་འདི་ནང་པ་ནས་འབུད་ཅི་ཐུབ་བྱ་བ་ལ་དམིགས་ཡུལ་དང་དགོས་པ་ཅི་ཡོད་རྗེས་སུ་གསལ་བཤད་བྱ་རྒྱུ་ཡིན་ཞེས་བཤད་ཡོད།   

བྱས་ཙང་དོན་དངོས་རས་སུ་བོར་ཏེ་བོན་འདི་ནང་པ་མིན་ཚུལ་གྱི་བབ་ཅོལ་གང་སར་བསྒྲགས་མཁན་རྣམས་ཀྱི་དོག་པ་དང་སེམས་ཁྲལ་ཅི་ཡིན་ངས་གཤམ་དུ་གསལ་བཤད་བྱ་ཡི་ལེགས་པར་ཉོན་ལ་གལ་སྲིད་ཁྱོད་རང་དེ་ལྟ་བུའི་སེམས་ཁྲལ་དང་དྭོགས་པས་བསླད་རིགས་རེད་མི་འདུག་ན་རྒྱུ་མཚན་ཅི་ཡང་མེད་པར་མ་མཐའི་གྲོང་གི་སྲང་ཁྱི་བཞིན་དུ་དེའོ་དེའོ་ཞེས་མ་ཟུག་ན་ལེགས།

བྱབས་ཆུང་དག་གི་བློ་མི་བདེ་ས་གཤམ་གསལ།

གལ་སྲིད་གཡུང་དྲུང་གི་བོན་འདི་ནང་པར་ཁས་བླངས་ན། སྟོན་པ་གཤེན་རབ་ནི་ཤཀ་ཐུབ་ཀྱི་ཡར་སྔོན་དུ་བྱུང་བ་ཞིབ་འཇུག་པ་རྣམས་ལ་ཡོངས་གྲགས་སུ་གྱུར། བསྟན་པ་གཅིག་ལ་སྟོན་པ་གཉིས་དགོས་པ་མེད་པ་ནི་བན་བོན་གཉིས་ཀ་ཁ་མཐུན།  དེས་ན་ཤཀ་ཐུབ་ཀྱི་ཡར་སྔོན་དུ་ནང་བསྟན་ཡོད་ཚེ་ཤཀྱ་ཐུབ་པ་ནི་བསྐལ་པ་འདིའི་སྟོན་པ་རུ་ཁས་ལེན་མི་ཐུབ་ཅིང་དེ་ལྟར་དུ་ཐལ་ཚེ་ང་ཚོས་མི་ལོ་བརྒྱ་ཕྲག་འགའ་ཡི་རིང་ཨུ་ཚུགས་བྱས་པའི་རྩ་བའི་དམ་བཅའ་ཉམས་པར་འགྱུར་རོ་སྙམས་པའི་དོག་གཞི་དེས་རྨིང་བྱས་ཏེ་ཐོག་མཐའ་བར་གསུམ་དུ་བོན་ལ་སྡང་ཟུག་བྱས།
  
གཞན་ཡང་ཁས་ལ་རྒྱ་འཁྱེར་ཞིང་ཁོག་སྒོར་མོ་ཁོ་ན་རྔམ་མཁན་གྱི་ཉིང་ཤ་ཉིང་གིས་ཟ་བ་པོ་འགའ་ཞིག་གིས་ཆོས་ལུགས་བར་གྱི་འགལ་ཟླ་དེ་བོད་མཐུན་སྒྲིལ་གྱི་གོང་བུ་གཏོར་བྱེད་དང་སྟོབས་ཤུགས་དམའ་རུ་གཏོང་བྱེད་ཀྱི་ཐོ་བ་ལེགས་ཤོས་སུ་ཤེས་ཏེ་སྐྱི་གཡའ་བའི་ལག་ཆ་དེ་བེད་སྤྱོད་བཞིན་ཡོད་དོ། 
དེ་མིན་བན་དེའི་ཁ་ཕོར་ནི་བོན་པོས་འཕྲོག་ཀྱང་མི་ཐུབ་ལ་འཕྲོག་དྭོགས་ཀྱང་མི་དགོས་ན་རྟག་ཏུ་སྡང་ཟུག་དགོས་དོན་མེད་ལ་དེ་ལས་ལྡོག་སྟེ་ཆོས་ལུགས་ཕན་ཚུན་མཐུན་སྒྲིལ་ཡོད་ཚེ་འདི་དང་ཕྱི་མ་གང་ལའང་ཕན་ཅི་ལ་མི་ཆེ།
ཧོམ་ཁུང་ནས།
 
 
Re:ལོག་བཤད་དུག་རླངས་གཏོར་བའི་དྲི་བཞོན།
[ 2011/11/13 14:52:05 | By: སྐུ་མགྲོན་0fv2YL(སྐུ་མགྲོན།) ]
 
འོ་ཡ་གྲོགས་པོ་ཁྱེད་ཀྱི་བཅོས་མེད་ཀྱི་ལྷག་བསམ་དང་།དྲང་བདེན་གྱི་ཐད་ཀར་གྱི་རང་གཤིས་ལ་ངས་ནམ་ཡང་ཡིད་རང་ཡོད།འདྲེས་མའམ་ཕྱི་མ་ནང་ངམ་དགོས་པ་ཆུང་བའི་ཅ་ཟིང་གཏམ་ཉོབ་དེ་དག་བྲག་ཆ་བྲག་ལ་འཐབ་པ་ལྟ་བུ་ལ་གཅིག་གཅིིག་གཉིས་གཉིས་་ཡ་ལེན་མི་བྱེད་པ་མཁྱེན།དགོས་པའི་དུས་ལ་སངས་རྒྱས་བསྟན་པ་སྤྱི་དང་ཁྱད་པར་གཡུང་དྲུང་བོན་གྱི་བསྟན་པའི་དོན་དུ་དེ་སྔོན་ལྟར་ལེགས་རྩོམ་ཡང་ཡང་སྤེལ་བའི་རེ་བ་ཞུ།གཙང་ཚ་ནས།
 
 
Re:ལོག་བཤད་དུག་རླངས་གཏོར་བའི་དྲི་བཞོན།
[ 2011/11/13 12:17:01 | By: སྐུ་མགྲོན་027Iy4(སྐུ་མགྲོན།) ]
 
འོ་ལགས་སོ། ཕ་ཆོས་གངས་རི་དཀར་པོའི་ཁོང་སེང་ན་འགྱིང་ཞིང་། ལ་རྒྱའི་གཡུ་རལ་སྔོན་མོ་དེ་ཕྱི་མིའི་སྟེང་ལ་ངོམ་པ་དང་། རྣམ་དཔྱོད་ཀྱི་ཤེས་རིག་ཡོད་པ་གཅིག་པུའི་མི་ཚད། གལ་པོ་ཆེའི་གནད་དོན་ལ་ཐུག་དུས་བསམ་ཕོད་པ་དང་བཤད་ཕོད་མདུན་དུ་མཆོང་ཕོད་པའི་རིག་པའི་དཔའ་བོ་གཙྭང་ཚ་པ་ལོས་བདེན།
ད་ལན་བདག་གི་ཧི་བོན་དྲྭ་ཚིག་ཐོག་ཏུ་ཟིན་བྲིས་གཅིག་གསར་དུ་སྤེལ་བ་ཡིན། དེ་ལས་འཕྲོས་ཏེ། སྤྲིན་མེད་པའི་ཡུལ་ནས་འབྲུག་གཅིག་གྲགས། དོན་མེད་པའི་རི་མགོ་ཐོག་གིས་གཏོར། གཟར་མེད་པའི་ས་ནས་རྦབ་གཅིག་འགྲིལ། དོན་མེད་པའི་མི་ཡིས་མགོ་བོ་རྙོག །་ཟེར་བ་ལྟར་མིང་མེད་པའི་བོན་པོ་ཡིན་མདོག་ཁག་གཅིག་གིས། གཅིག་ཤོར་དང་གཉིས་ཤོར་བྱེད་དེ་དོན་མེད་ཀྱི་རྩོད་རྙོག་ཁག་གཅིག་སློང་གི་འདུག །དཔེར་ན་ང་རིན་པོ་ཆེ་ཟེར་བ་དང་། ཡང་བོན་རང་ལུགས་འཛིན་པ་ཟེར་བ། ཡང་མིང་མེད་པའི་གཞན་ཞིག་བཅས་སོ། དེ་ཚོ་ནི་བོན་པོ་ཡིན་མདོག་བྱེད་པ་མ་གཏོགས། ང་རང་གི་བསམ་པ་ལ་བོན་པོ་ཡིན་ས་མ་རེད་བསམ་གྱིན་ཡོད། ད་ལེན་དམིགས་བསལ་སུ་ཁྱེད་ཀྱིས་གསུང་དོན་ལ་གཉན་ཆེན་ཐང་ལྷའི་མིང་འཛིན་འབྲོག་ཤོག་གི་གྲྭ་ཆུང་གཡུང་དྲུང་གཙུག་ཕུད་ལགས་ངེད་གཉིས་པོ་ནི་ཁ་ཕྱི་ལོག་ལ་བསྐོར་དགོས་པ་ལས་ནང་འཛིང་མི་ཉན་གསུང་པ་དེ་ཡི་རང་ཞུ། ཟུར་དུ་གྲྭ་ཆུང་གིས་གསུང་པ་ལ་ཤེར་བསྟན་གྱི་ངོས་ལེན་འདི་ཡང་དག་རེད་མི་འདུག་ལ། ལོག་བཤད་དེ་ནི་སྔོན་བཤད་ལྟར་འགྱུར་བ་ཕྱིན་མི་འདུག་བསམ་གྱིན་ཡོད་བཟོ་འདུག་མོད། རེད་དེ་ཁོ་པའི་གླུ་ཚིག་ལ་འགྱུར་བ་དངོས་གསལ་དོད་པོར་བྱུང་ཡོད། གང་ཞེ་ན། སྔོན་མའི་ཚིག་དེའི་གོ་དོན་ནི། ཕྱི་རོལ་གཤེན་གྱི་བསྟན་པ་ཟེར་བ་དེས་དངོས་སུམ་འཛེམས་མེད་ཀྱིས་གཤེན་བསྟན་ཕྱི་རོལ་མུ་སྟེགས་པ་རེད་ཟེར་བ་ལ་གོ་དགོས། རྗེས་མའི་འོད་སྡེར་གྱི་ནང་དོན་ལ་བསྒྱུར་བཅོས་གཏུགས་དོན་ནི། སངས་རྒྱས་ཆོས་དང་གཡུང་དྲུང་བོན་གྱི་ཆོས། རིས་སུ་བཅད་དེ་དགྲ་རུ་མ་འཛིན་དང་། འཚེ་མེད་བའི་ཞི་བའི་ཐབས་ལམ་གཅིག་མཚུངས་རེད། ཞེས་དང་། ཡང་། གཡུང་དྲུང་བོན་དང་ས་དགེ་བཀའ་རྙིང་རྣམས། ཁ་བ་ཅན་གྱི་བཀའ་རྟགས་ཕྱག་རྒྱ་ལྔ། བོད་མིའི་ལས་དབང་ཇི་སྲིད་གནས་ཀྱི་བར། ཆོས་རྒྱུད་འདི་རྣམས་ཡུན་རིང་གནས་པར་སྨོན། ཞེས་པའི་ཚིག་འདིས་བོན་པོ་སངས་རྒྱས་ཀྱི་ཆོས་ལུགས་ཡིན་ཟེར་བ་ཁ་གསལ་ཆེ་བའི་ཚིག་གཅིག་རེད། དཔེར་ན་ལུས་ཅན་ཀུན་ལ་འཚེ་བ་མེད་པ་དང་། ཕན་པ་དང་བདེ་བ་སྒྲུབ་བྱེད་ཀྱི་ཐབས་ལམ་ལ་བོན་བན་གཉིས་ནི་དབྱེ་བ་མེད་ཟེར་བ་ལ་གོ་དགོས། ད་དུང་གཡུང་དྲུང་གི་བོན་དང་གཅིག །དཔལ་ལྡན་ས་སྐྱ་བ་དང་གཉིས། རི་བོ་དགེ་ལྡན་པ་དང་གསུམ། རྒྱལ་བ་བཀའ་རྒྱུད་པ་དང་བཞི། དམ་ཆོས་རྙིང་མ་བ་ལྔ་ནི། གྲུབ་མཐའ་གཞན་ལས་ཁྱད་པར་དུ་འཕགས་པ་དང་ཁ་བ་གངས་ཅན་པའི་ཕ་ཆོས་ཡིན་ཞིང་ལྟ་བ་བཀའ་རྟགས་ཀྱི་ཕྱག་རྒྱ་རྣམ་བཞི་ཁས་ལེན་བའི་གྲུབ་མཐའ་ལྔ་ནི་དོན་གཅིག་མིང་གི་རྣམ་གྲངས་འཛིན་པ་རེད་ཟེར་བ་ལ་གོ་དགོས། སངས་རྒྱས་ཆོས་ལུགས་ཟེར་བའི་གོ་དོན་དེ་བན་དེ་གཅིག་པུར་ཞེ་འདོད་འཛིན་མཁན་དེང་དུས་སུ་མང་པོ་རེད་ལ། དེ་ནི་བན་དེ་གཅིག་པུའི་མི་ཚད་ལ་ང་ཚོའི་བོན་པོའི་ནང་ཁུལ་དུཡང་ཆེས་མཐོ་བའི་མིང་འཛིན་ཁག་གཅིག་གིས་བཤད་དང་བཤོད་བཞིན་པའི་སྐབས་རེད། འདིའི་རིགས་ལ་ལམ་སེང་དུ་བསྒྱུར་བཅོས་མ་ཐུབ་ནའང་ང་ཚོས་ཡུན་རིང་གི་ངང་རྒྱུད་བསྲིང་ཏེ་ལུང་རིག་གིས་སྒྲུབ་དགོས་པ་ལ་ཡིད་ཐང་ཆད་དགོས་མེད་ཞུ། གྲུབ་མཐའི་ཐ་དམ་གཅིག་ཅིང་། སྐྱེས་ཡུལ་འཛའ་བཤེས་གཅིག་པའི་གཙུན་ཆུང་གཡུང་དྲུང་གཙུག་ཕུད་ལ་ངས་ཀྱང་མི་འདོད་པའི་རྩོད་པ་མིན་ལ་རྗེས་མར་ཡང་ཁོང་གི་དཔྱད་རྩོམ་ལ་རྒྱབ་བཅོལ་བྱེད་ཀྱི་ཡིན།
བོན་གྱི་དགེ་མིང་འཛིན་པ་གཡུང་བསྟན་ནས།
 
 
Re:ལོག་བཤད་དུག་རླངས་གཏོར་བའི་དྲི་བཞོན།
[ 2011/11/13 11:09:10 | By: སྐུ་མགྲོན་NSJu4Y(སྐུ་མགྲོན།) ]
 
གཡུང་དྲུང་བསྟན་རྒྱལ་གྱི་རྩོམ་ཡིག་འདི་སྤེལ་བའི་སྐབས་དེར་གཡུང་དྲུང་རྒྱལ་སྒྱུ་རྩལ་ཁང་དུ་ཤེར་བསྟན་སོགས་ཨ་མདོ་གླུ་བ་ཁ་ཤས་གདན་ཞུས་བྱས་འདུག་ལ་ཧོར་ཁྱུང་ན་གཞོན་ཁྱུ་གཅིག་གི་ཤེར་བསྟན་ངོ་གདོང་ལ་གཡུང་དྲུང་རི་མོ་འབྲི་རྩིས་བྱས་འདུག ངས་ཚུལ་དེ་ཕྱོགས་ཀར་གཉིས་རྐྱེན་ངན་མི་འབྱུང་བའི་ཁྱད་དུ་གླུ་མ་སྒྲོན་པེ་ལ་དགག་ཡིག་སྤྲད་པ་དང་གནས་ཚུལ་རྣམས་བཤད་པས་ཤེར་བསྟན་བར་ཆད་ལས་གྲོལ་དགག་ཡིག་དེས་བླ་མ་དང་གླུ་བ་གཉིས་ཀ་ལ་ནོར་བ་ངོས་འཛིན་གྱི་ཁ་ཕྱོགས་གསར་བསྟོད་རྒྱུ་རྐྱེན་ཤུག་ཆེན་བྱས་པ་རེད།ད་རེས་ངའི་ཕ་ཡུལ་གཅིག་པའི་སྙིང་ཉེའི་གྲོགས་པོ་གཉིས་ཀྱི་དེའི་སྐོར་དཔྱད་གཏམ་ཡོད་ན་དཔྱད་གཏམ་དེའི་ཁ་ཕྱོགས་འབྲི་གུང་དཀོན་མཆོག་གི་ཐོག་དུ་བསྒྱུར་རོག་གནང་།གཙང་ཚས་གུས་ཞབས་དང་བཅས་ཕུལ།
 
 
Re:ལོག་བཤད་དུག་རླངས་གཏོར་བའི་དྲི་བཞོན།
[ 2011/11/13 10:13:34 | By: སྐུ་མགྲོན་NSJu4Y(སྐུ་མགྲོན།) ]
 
འདིའི་སྐབས་ཤེར་བསྟན་དང་ང་ཚོའི་བར་ཁ་པར་ནང་རྩོད་པ་ཤོར་བ་མ་ཚད།བོད་པའི་ལས་དབང་བསམ་མཁན་དང་བོན་པོ་ཕལ་ཆེར་གྱི་སེམས་ལ་ཕོག་ཐུག་བྱུང་ཡོད་ལ་གླུ་བ་ཁོང་ལ་ཁ་འདྲེ་དང་གྱོང་གུས་ཕོག་ཡོད།གཞས་སྔོན་རྗེས་གཉིས་ཀ་རྩོམ་པ་པོ་ཀ་ཐོག་པ་རེད།དེའི་བར་དེར་ཡང་མཆོག་གསུམ་སྐྱབས་སུ་འཛིན་ཞིང་ལས་རྒྱུ་འབྲས་ཁས་ལེན་གྱི་ཡོད་ན་སྐྱབས་སུ་མཆི་ལྟ་བུའི་གོ་དོན་ཡོད་པའི་འོད་སྡེར་ཤེར་བསྟན་དང་ངེད་གཉིས་ཀའི་གྲོགས་པོ་སོག་རྫོང་ལྷ་སྲུང་ཆོས་གྲགས་༼དགེ་ལུགས་པ་༽ལ་རྒྱུད་སྟེ་ཤེར་བསྟན་གྱི་བསྐུལ་འདུག ངས་འདི་ལ་དེ་ཙམ་དག་འབུད་དམ་མཐོལ་བཤགས་མི་འདུག་བཤད་པ་ཡིན།དེ་རྗེས་ཆོས་གྲགས་གིས་་ཤེར་བསྟན་ནས་དགོངས་དག་ཞུ་རྒྱུའི་བློ་འདོད་འདུག་གང་འདྲ་དགོས་ཟེར།ངས་མདོ་སྨད་སྣང་ཞིག་དགོན་ངམ་ལྷ་སར་༧རྒྱལ་བ་གཤེན་ཚང་༧དྲུང་དུ་ཕྱིན་སྟེ་བཤགས་པ་དང་རྗེས་སུ་ཁ་གསལ་གོ་བདེའི་འོད་སྡེར་སྤེལ་ན་ཕན་ཐོག་ཡོང་སྲིད་བཤད་པ་ཡིན།དེ་ནས་ཤེར་བསྟན་ལྷ་སར་ཡོང་རྒྱུ་དང་ངས་རོགས་པ་བྱས་ཏེ་༧གཤེན་ཚང༧་མཇལ་རྒྱུ་སོགས་བྱས་ཀྱང་སླེབ་མ་སོང་།ཉིན་གཅིག་ཆོས་གྲགས་ཀྱི་གོས་ཆེན་དང་དར་ཀ་པར་ཆས་སོགས་ཁྱེར་སྟེ་གྲོགས་པོ་ང་གཉིས་ཤེར་བསྟན་ཚབ་དུ་གཤེན་རིན་པོ་ཆེ་མཇལ་དུ་འགྲོ།པར་མར་བསྐུལ་སྟེ་ཤེར་བསྟན་གི་ཆེད་བསྒྲིག་ནང་འཇོག་གི་ཡིན་ཟེར།ངས་གྲོགས་པོ་ལགས་་ཤེར་བསྟན་གྱིས་གནམ་ས་མི་ཤོང་བའི་ནག་ཉེས་དེ་ང་གཉིས་ཚབ་མི་ལོ་ཁོ་པ་ཡོང་འདོད་མེད་ན་འབྱུང་འགྱུར་གྱི་གནས་ཚུལ་ཤེས་འོང་བཤད་པ་ཡིན།དེ་རྗེས༼སངས་རྒྱས་ཆོས་དང་གཡུང་དྲུང་བོན་གྱི་ཆོས་༽ཟེར་བའི་འོད་སྡེར་དེ་ཆོས་གྲགས་རྒྱུད་ང་ལ་སྤྲད་བྱུང་་ངེད་གཉིས་ཀྱི་ལྟས་རྗེས་གང་འདྲ་འདུག་ཟེར།ངས་༼ཨོ་ཙི་འདུག་ཡིན་ན་ད་དུང་ནང་ཚག་རྩིས་མི་འདུག་དཔེར་ན་༼དམ་པའི་ཆོས་དང་གཡུང་དྲུང་བོན་གྱི་ཆོས།༽ཟེར་བྲིས་ན་ཧ་ཅང་ཡག་པོ་འདུག བཤད་པ་ཡིན་ལ་མ་འོང་པར་ང་ཚོས་ཕན་ཚུན་མཐུན་ལམ་ལ་བསམ་གཞིག་བྱས་སྟེ་ང་ཚོས་འཁྲུག་པ་མཚམས་འཇོག་དང་གླུ་བ་ཁོང་གི་བོན་གྱི་གླུ་གཞས་གཏོང་བའི་རེ་བའང་བྱས་པ་ཡིན།གཙང་ཚས།
 
 
Re:ལོག་བཤད་དུག་རླངས་གཏོར་བའི་དྲི་བཞོན།
[ 2011/11/12 16:56:25 | By: སྐུ་མགྲོན་sWNa51(སྐུ་མགྲོན།) ]
 
འོ་ལགས་སོ་གཉན་ཆེན་ཐང་ལྷ། ཀ༔ཐོག་སྤྲུལ་ཚུལ་ཁྲིམས་བསྟན་འཛིན་གྱིས་བྱེད་ལས་ལ་བརྟེན་ཏེ་མགོ་ལོག་གི་ན་གཞོན་རྡུང་ལེན་བ་ཤེར་བསྟན་མདུན་དུ་ཐོན་ནས་རང་རེའི་ཆོས་ལུགས་ལ་དམའ་འབེབ་བྱས་པའི་འོད་སྡེར་ཞིག་གང་སར་འགྲིམས་སྤེལ་བྱས་པ་མཁྱེན་གསལ་རེད། དེར་འཕྲོས་རང་རེ་བོན་པོ་ཡོད་ཚད་ཀྱི་སེམས་ཁམས་དང་མི་འདོད་པའི་རྣམ་པ་གཅིག་ཤར་སྲིད་པ་རེད་ལ་ཤར་བ་ཡང་རེད། དེར་བརྟེན་རང་རེ་ཚང་མས་གཤེན་རབ་མཐུ་དང་དཔུང་ལ། ང་རོའི་སྒྲ་དང་ཆས་ཏེ་གཤེགས་དགོས་པ་ནི་ང་ཚོའི་ལྡོག་དུ་མེད་པའི་འོས་འགན་ཞིག་རེད་ལ་འགན་འཁྲི་ཡང་རེད། རྒྱུ་མཚན་དེ་ལས་དམིགས་ཏེ་ཨ་བྲས་ཆགས་ཚོད་ནི་མདའ་དང་། སྲེ་མོས་གྱི་ཆགས་ཚོད་གཞུ་ཟེར་བའི་དཔེ་ལྟར། ང་ཚོའི་ཕ་ཆོས་ཡིད་བཞིན་ནོར་བུ་སངས་རྒྱས་གཡུང་དྲུང་བོན་གྱི་རིང་ལུགས་འདི་ལ་སྡང་པའི་དགྲ་དང་གནོད་པའི་བགེགས་སུ་དང་གང་བྱུང་ན་རང་གར་ཡན་པོར་དུ་བཞགས་ཐབས་མེད། ཤེར་བསྟན་དང་ཚུལ་བསྟན་གཉིས་གྱི་ཕྱོགས་ལྷུང་གི་འཁྱོགས་བཤད་དེ་ནི་བརྒྱ་ཆ་བརྒྱ་ཐམ་པའི་ངོས་ལེན་དང་གསལ་བཤད་མེད་ཀྱང་། ཁོ་ཚོ་ནས་དགོངས་དག་ཐུག་དག་ཟེར་བའི་འོད་སྡེར་དེ་ཡིས། ཁོ་ཚོ་ལ་གནོན་ཤུགས་ཤིག་ཐེབས་པ་སྨྲོས་མེད་རེད་པས། ང་ཚོས་ཀྱང་འབད་བརྩོན་བྱས་པའི་འབྲས་བུ་ཞིག་ཡིན་ལ། སྤོབས་སེམས་ཀྱང་སྐྱེ་དགོས་པ་ཞིག་ལོས་ཡིན། སླད་མར་ཡང་། བོད་ལ་བདེ་སྐྱིད་བྱུང་ན་རྒྱལ་པོ་ཨ་ནེས་བྱས་ཀྱང་རུང་ཟེར་བ་ལྟར། རང་རེ་ཚོ་མཐོ་དམན་གྲགས་ཞན་ལ་མ་ལྟོས་པར། བོན་བསྟན་གཤེ་བསྐུར་འདེབས་མཁན་དག་ལ་ཕྱར་གྲུ་མཉམ་འདེགས་ཀྱི་ཐོག་ན་ཡིན་ལུགས་དང་མིན་ལུགས་ཀྱིས་རྒྱུ་མཚན་ཚང་མས་བཤོད་དགོས་ལ། དེ་རིགས་ལ་དགག་རྒྱག་བྱེད་པའི་སྤོབ་པ་དང་བློ་གྲོས་སུ་ལ་ཡོད་ན་དེ་ཉིད་ནི་བསྟན་པ་འཛིན་པའི་སྐྱེས་བུ་ཁྱད་པར་པ་ཞིག་ཡིན་པ་ལ་ཐེ་ཚོམ་ཅི་ དགོས།
བོན་བཤེས་གཡུང་བསྟན་ནས།
 
 
Re:ལོག་བཤད་དུག་རླངས་གཏོར་བའི་དྲི་བཞོན།
[ 2011/11/10 14:02:12 | By: yongdrom ]
 
གཡུང་དྲུང་བསྟན་རྒྱལ་མཆོག་གིས་དཔྱད་ཐུང་ཞིག་འབྲི་བའི་གོ་སྐབས་གནང་བས་རྐྱེན་ཏེ་གང་དྲན་གྱི་ཚིག་འབྲུ་རེ་ཟུང་རྣམ་པ་ཚོའི་མཐོང་ཡུལ་དུ་འབུལ་བ་ལ། དེ་ཡང་མདོ་སྨད་གཡུ་རྩེའི་འདབས་ནས་སྐྱེས་པའི་ན་གཞོན་གླུ་པ་ཤེར་བསྟན་མཆོག་གིས་དེ་སྔོན་ཕྱི་རོལ་གཤེན་གྱི་བསྟན་དབང་བསྒྱུར་དུས་ནང་པའི་ཆོས་སྡེ་ཐོག་མ་ཞེས་པའི་ཚིག་འདི་ཁོང་གི་མགྲིན་ལམ་ནས་ཐོན་ཏེ་མདོ་སྟོད་སྨད་ཀྱི་ཡུལ་གྲུ་གང་སར་འཚོ་བའི་མི་རིགས་གྲངས་མང་གི་གོ་ཐོས་ཀྱི་ཡུལ་དུ་གྱུར་པ་ལ་ཉེ་ཆར་གཡུང་དྲུང་བོན་པོས་དགེ་བཤེས་དང་ཆེ་མཁས་རེ་ཟུང་ནས་དགག་ལན་གྱི་ཚུལ་དུ་སྐད་ཆ་འགའ་གསུངས་ཟིན་པའི་རྗེས་སུ་ཤེར་བསྟན་ནས་འོད་སྡེར་ཞིག་བརྒྱུད་དེ་སངས་རྒྱས་ཆོས་དང་གཡུང་དྲུང་བོན་གྱི་ཆོས། །རིས་སུ་བཅད་དེ་དགྲ་རུ་མ་འཛིན་གནང་ཞེས་པའི་གཞས་ཚིག་ཅིག་སྙན་སྒྲོན་དུ་ཕུལ་བ་ལ། རིགས་དྲུག་ཆུ་ལ་མཐོང་སྣང་དྲུག་ཞེས་པ་ལྟར། གོང་གི་ཚིག་དེ་མི་རེ་འགའི་མཐོང་སྟང་ལ་ཡག་པོ་ཞིག་སེམས་ཤིང་། བདག་ལྟ་བུ་དོན་མེད་དོག་པ་ཆེ་བའི་བོན་པོ་རེ་ཟུང་གི་ཚིག་འདེ་ཐོག་མར་གོ་ནས་ཡག་པོ་ཞིག་བསམ་མྱོང་མེད། གང་ཞེ་ན། སངས་རྒྱས་ཆོས་དང་གཡུང་དྲུང་བོན་གྱི་ཆོས། རིས་སུ་བཅད་དེ་དགྲ་རུ་མ་འཛིན་གནང་ཞེས་པའི་ཚིག་འདིའི་ནང་དུ་སངས་རྒྱས་ཀྱི་ཆོས་དང་གཡུང་བོན་གྱི་ཆོས་གཉིས་སོ་སོར་དབྱེ་འདུག་མོད། གལ་སྲིད་གཡུང་དྲུང་བོན་འདི་སངས་རྒྱས་ཀྱི་ཆོས་ལུགས་ཤིག་ཡིན་པར་འདོད་པའི་ནང་པ་ཞིག་ཡིན་ན་ཚིག་གཅིག་གི་ནང་དུ་འདི་གཉིས་དབྱེ་བ་འབྱེད་དགོས་པའི་རྒྱུ་མཚན་ཞིག་གཏན་ནས་མེད་པར་སྙམ། འདི་ལྟར་དབྱེ་བ་འབྱེད་སྟང་ལ་གཞིག་ན་གཞས་ཚིག་དེ་འབྲི་མཁན་ཁོང་དང་གཞས་པ་ཤེར་བསྟན་གཉིས་ལ་གཡུང་བོན་གྱི་ཆོས་འདི་སངས་རྒྱས་ཀྱིས་ཆོལ་གྲལ་ཏུ་མི་འཛིན་པའི་པའི་བག་ཆགས་ཤིག་ཡོད་པ་ཐག་གིས་ཆོད་པར་སེམས། དེ་རིང་དུས་ཚོད་ཀྱིས་རྐྱེན་པས་བགྲོད་གླེང་གི་ཚུལ་སུ་གཏམ་ཐུང་འདི་ཙམ་ལས་འབྲི་རྒྱུ་མ་བྱུང་བས་རྗེས་སུ་སློབ་སྦྱང་གི་བར་གསེང་དུས་ཚོད་བདེ་མོ་རེ་བྱུང་ཚེ་ངོ་མ་འདི་དང་འབྲེལ་བའི་དཔྱད་ལན་ཞིག་འབྲི་བར་འདོད་ཀྱི་ཡོད།
 
 
Re:ལོག་བཤད་དུག་རླངས་གཏོར་བའི་དྲི་བཞོན།
[ 2011/11/7 22:42:52 | By: 668888k ]
 
ཤེར་བསྟན་གྱི་གཞས་ཚིག་ལ་སངས་རྒྱས་ཆོས་དང་གཡུང་དྲུང་བོན་གྱི་ཆོས་ཞེས་པ་འདི་ལ་དགག་ལེན་མཛད་པའི་བློ་སྤོབས་ཡོད་ན་སུ་དང་གང་
གིས་བཀག་མཁན་མི་འདུག་ལ་དགག་རྩོམ་གནད་ལ་ཁེལ་བ་ཞིག་ཁྱེད་ཀྱིས་
འབྲི་རྒྱུའི་རེ་སྒུག་ཡོད་ལ་ཡིད་རངས་དང་རྒྱབ་བཅོལ་ཡང་ཡོད།
ཕྱི་སྐྱ་ཁྲ་ཧོར་པའི་དགྲ་ཐོབ་མེད་ཅིང་། ནང་ཁུ་ལིང་མ་ཡི་སྡུག་འཛིན་དེ་མེད་ན་ལོས་འགྲིགས། གཡུང་བསྟན་ནས།
 
 
Re:ལོག་བཤད་དུག་རླངས་གཏོར་བའི་དྲི་བཞོན།
[ 2011/11/7 14:04:49 | By: yongdrom ]
 
གོང་གི་ཚིག་ལ་ལོགས་བཤད་དུ་བསམ་མཁན་ཞིག་གིས་ངོས་ནས་བཤད་ན། གོང་གི་གཞས་ཚིག་འདི་འདོན་མཁན་ཤེར་བསྟན་ནས་རྗེས་སུ་སངས་རྒྱས་ཆོས་དང་གཡུང་དྲུང་བོན་གྱི་ཆོས་ཞེས་པའི་ཚིག་འདི་ཡང་ཕྱི་རོལ་གཤེན་གྱི་བསྟན་པས་དབང་བསྒྱུར་དུས་ཞེས་པ་ལྟར་ལོགས་ཚིག་ཉེས་ཅན་ཞིག་རེད་འདུག་སྙམ།
 
 
Re:ལོག་བཤད་དུག་རླངས་གཏོར་བའི་དྲི་བཞོན།
[ 2011/11/1 21:03:32 | By: 668888k ]
 
གཡུང་དྲུང་གཙུག་ཕུད་ལགས། ཕེབས་པར་དགའ་བསུ་ཡོད།
 
 
ཐོག་ངོས། གོང་ངོས། འོག་ངོས། མཐའ་ངོས། ངོས་གྲངས། 1/9ངོས།  10ཟིན་ཐོ།/ངོས། ངོས་
དཔྱད་གཏམ་སྤེལ་བ།
粗体 斜体 下划线 插入引用 插入表情
Powered by Oblog.