གནས་ཆེན་སྨན་མོ་བྲག་དཀར།

                         རྒྱལ་ཡུམ་བྱམས་མ་ཆེན་མོས་བྱིན་གྱིས་རླབས་པའི་གནས་མཆོག་

སྔོན་ཚེ་དམུ་རྒྱལ་མགོན་པོ་གནས་འདིར་རྫུ་འཕྲུལ་ཞབས་ཀྱི་བཅག་པ་དང་བར་དུ་

རིག་འཛིན་ཡབ་སྲས་ཀྱིས་བྱིན་རླབས་བཀའ་རྟགས་བཞག་ལ།མདོར་ན་ངོ་མཚར་

ཡིད་དུ་འོང་བའི་ཡུལ་ལྗོངས་འདིར་བོན་བན་གཉིས་ཀས་རང་རང་ལུགས་ལྟར་དད་

པའི་ཕྱག་བསྐོར་བྱེད་ཅིང་།དེང་སྐབས་ནག་ཆུ་ས་ཁུལ་གྱི་གནས་རི་རྩ་ཆེན་དང་མ་

འོང་ཡུལ་བསྐོར་གི་རྟེན་གཞི་བཅས་རེད།ཐོག་མར་གནས་སྒོ་འབྱེད་མཁན་མ་གསལ་

ཡང་དུས་རབ་བཅུ་གཉིས་པའི་ནང་དུ་ཡུལ་འདིར་་དགོན་གླང་མ་ལུང་དང་གནས་

མེ་མོ་བྲག་དཀར་ཡིན་པའི་ཤོད་རྒྱུན་འདུག ཡང་སྐབས་ཅིག་སྨད་ཉག་རོང་ནས་

བསྟོད་གཙང་ཕྱོགས་སུ་འགྲོ་མཁན་གྱི་གཅོད་པ་དྲག་རྩལ་ཅན་དམར་ཛར་མིག་ཡ་

མེད་པ་གཅིག་བོན་གཞུང་དུ་ཕེབས།གནས་མདའ་སྦྱོང་དང་མེ་མོ་བྲག་དཀར་ལ་

བསྐོར་བ་དང་སྒོམ་བསྒྲུབ་ཟླ་ཤས་བྱས་ཡུལ་བཙན་དང་དགེ་བསྙེན་ཐམས་ཅད་༼

ཉག་རོང་གཅོད་ཞར་༽བས་དམ་ལ་བཏག་བ་རེད་ཅེས་ཡུལ་མིའི་བཤད་རྒྱུན་ད་ལྟའི་

བར་དུ་གྲགས།གཅོད་བླ་ཁང་ཁྱི་གོང་བར་མ་མདོ་རུ་ཁྱིས་རྨུག་ལ་ཁད་དུ་བྲག་ཐོག་

འཛེག་པ་ལ་ཞབས་རྗེས་བཞག་པ་ད་ལྟ་མཇལ་རྒྱུ་ཡོད།དེ་རྗེ་མཉམ་མེད་ཆེན་པོ་

ཡིན་པར་ངོས་འཛིན་བྱེད་མཁན་ཡོད།དུས་རབ་བཅུ་བདུན་པར་ཧོར་ཚོ་སོ་དགུའི་

སྤྱི་ཆབ་རྒྱལ་རབ་བཅུ་བཞི་པ་ད་བཱེ་ཧུ་ཁྲི་རྒྱལ་རྗེ་བཙན་གནས་འདིར་ཞབས་བསྐོར་

ཕེབས་མྱོང་བར་གྲགས།ཁོང་ནི་སྲིད་པ་རྒྱུད་ཀྱི་ཁ་བྱང་ལས།ང་ཡི་མཆོག་གི་སྤྲུལ་པ་

ལས།སེ་ཆེན་རྒྱལ་པོའི་མཚན་ཅན་འབྱུང་།རྨེ་བ་ག་ཤའི་ཚུལ་དུ་ཡོད།དེ་ཡི་བསྟན་པ་

ཆ་གཅིག་འཛིན།གསུངས་པ་དེ་ཡིན་ལ།རྒྱ་བོད་ཡིག་ཚང་གི་བདག་པོ།ཧོར་སྦྲ་ཁྲི་

འདུས་སྟོང་ཤོང་ངམ་སྦྲ་ནག་ལིང་བཞི་མ་ཐོག་མར་གསར་བསྟོད་མཁན་དང་ཀླུ་

དགོན་མཁར་དམར་ནོར་བུའི་ཕོ་བྲང་ཕྱག་འདེབས་པ་པོ་ལྷ་སྲུང་ཞལ་གཟིགས་

ཐོབ་པའི་སྔགས་བླ་སྨན་པ་རྒྱ་བོད་ཧོར་གསུམ་གྱི་སྐད་ལ་མཁས་པ་སོགས་ཁྱད་

པར་ཅན་ཀླུ་དགོན་བླ་རབས་དང་པོ་བཅས་རེད།སྔར་འབྲོག་ཤོག་ཁུལ་འདིར་

རྙིང་མ་དང་བོན་པོ་འདྲེས་མ་ཡོད་པ་དེ་ཁོང་གི་གཅིག་གྱུར་བོན་བསྟན་འཛིན་

པར་བསྒྱུར་བ་རེད།