གཏེར་ཆུ།

གཏེར་ཆུ། དྭངས་གཙང་གིས་ཕྱུག་པའི་རླབས་ཕྲེང་དང་འགྲོགས་ཏེ།

སྤང་ལྗོངས་ཀྱི་མེ་ཏོག་དང་།

ལྡེམ་ལྡེམ་ལྗང་བུས་ལང་ཚོ་ངོམ་པའི་འཁོར་ཡུག་ཞིག་ཏུ།

སྙན་འཇེབས་ཀྱི་རོལ་དབྱངས་དཀྲོལ་ནས་འཕྱོ་བཞིན་པའི་ཁྱོད།

མཁའ་དབྱིངས་ནས་འཕོས་པའི་ཆར་ཆུ་མིན་ལ། གྲང་ངར་གྱིས་བཞེངས་པའི་གས་ཆུ་ཞིག་དེ་བས་ཀྱང་ག་ལ་ཡིན།

གཏེར་ཆུ། དེ་བས་ཀྱང་།

གནའ་སྔ་མོ་ཞིག་ནས་ཉེར་གཅིག་པའི་ཧྲག་བར་འདིར་བཞུར་ཀྱང་།

བྱིན་རླབས་ཀྱི་ཐིག་པ་ཉམས་མྱོང་བ་ཞིག་གཏན་ནས་མིན།

དེའི་ཕྱིར་རིང་གྲགས་པའི་ལོ་རྒྱུས་ཀྱི་སྔོན་རོལ་ནས།

ཁྱེད་ཀྱི་གནས་ལུགས་འཚོལ་ཆོག། གཏེར་ཆུ།

དགུན་གསུམ་གྱི་འཇིག་རྟེན་པ་ཚོར་གྲང་རང་གྱི་མནར་གཅོད་ཅི་ལྟར་བགྱིས་ཀྱང་། འཁྱགས་རུམ་འོག་ནས་མགོ་འཕང་མ་དམའ་བའི་ཁྱེད།

ངོ་མཚར་གྱི་རང་བྱུང་གསོན་པོ་ཞེས།

ང་དང་ང་ཚོས་ཡིད་སྨོན་གྱི་ཐལ་མོ་ཟུམ་བཞིན།

དགེ་མཚན་གྱིས་གླིང་མོལ་བགྱིས་ནས་ཡོད། ༢༠༡༡ ༣ ༢༢ ཉིན་ཁྱུང་ཡུལ་ནས།