མདུན་ཤོག             རྒྱབ་ཤོག

        དགའ་སེམས་ཀྱི་གླེང་མོལ།

                         ༧ རྒན་ཁྱུང་སྨྱུག་མཛེས་ཀྱི་སྙན་དེབ་མཚམས་སྤྲིན་འོག་གི་སྨྱུག་འགྲོས་ལ་གླེང་བ།

  དེ་ཡང་སྙན་ངག་རིག་པ་ནི་རིག་པའི་གནས་ཆེན་པོ་ལྔ་ཡི་ཡ་རྒྱལ་དུ་གྱུར་པ་སྒྲ་

  རིག་པའི་ཁོངས་སུ་གཏོགས་ལ་དེ་ལྟ་བུའི་སྙན་ངག་ནི་རིམ་བཞིན་གོང་འཕེལ་

  སོང་བ་དང་བསྟུན་ནས་སྙན་ངག་གི་གཞུང་རྣམས་འཛམ་བུ་གླིང་གི་ཡུལ་གྲུ་གང་

  སར་དར་ཁྱབ་སོང་སྟེ་ལོ་ངོ་སྟོང་ཕྲག་དུ་མ་ཞིག་འདས་ཟིན་ནས་སྤྱི་བརྩིས་ཀྱི་དུས་

  རབས་ཉེར་གཅིག་པའི་མཚམས་འདིར་སླེབས་དུས།མེས་པོ་གོང་མས་ཤུལ་བཞགས་

  ཀྱི་རིག་གནས་ཏེ་སྙན་ངག་ལ་དགའ་ཞིང་། སྙན་ངག་པ། བྲིས་པ། མཚན་ཉིད་པ།

  སོགས་ཀྱི་རྣམ་ཐར་བསྐྱོངས་བའི་ན་གཞོན་སྨྱུག་འཛིན་པ་ཞིག་གིས་རིགས་གཅིག་

  སྤུན་ཟླར་ཕུལ་བའི་ལེགས་སྐྱེས་ཀྱིས་མཚོན་པའི་སྙན་ངག་ཞིག་སྟེ། སྲོལ་རྒྱུན་ངག་

  གི་མ་མ། ཀ་རྩོམ་གངས་རིའི་ལང་ཚོ། རང་མོས་དུས་ཀྱི་མངར་ཁ་སོགས་སྡེ་ཚན་

  གསུམ་མམ་རྩོམ་སྣ་བརྒྱ་དང་བཅུ་ཕྲག་གྲངས་མང་ལས་གྲུབ་པའི་ངག་རིག་གསར་

  པའི་སྦྲམ་བུ་སྟེ་མཚམས་སྤྲིན་འོག་གི་སྨྱུག་འགྲོས། དེ་ནི་རྩོམ་པ་པོ་རང་ཉིད་མི་ཚེ་

  དོན་གྱིས་ཕྱུག་པའི་གྲྭ་རྐྱང་ཞིག་ཡིན་པའི་ཆ་ནས་རྩོམ་ཡིག་དེ་རྣམས་ཀྱང་ནང་

ཆོས་ཀྱི་དྲི་བཟང་འཐུལ་བཞིན་ཡོད་ལ། ད་དུང་།

ཕྱི་ཚུལ་ཞི་དུལ་མཚོན་པའི་ཆོས་གོས་འོག་ནས།།

ནང་ཁྲིམས་དོན་གྱི་སློབ་པ་སད་རུལ་གྱུར་ཡང་།།

ཆེས་མཐོ་ཆོས་ཀྱི་ཁྲི་ལ་དྲེགས་པས་འགྱིང་བཞིན།།

རྒྱ་སོགས་རུལ་དཔོན་བྱེད་པའི་བླ་ཆེན་མང་ལུགས།།

ཐ་སྙད་ཤེས་བྱར་ཆུབ་པའི་སྐྱབས་པ་མགོན་པོས།།

རང་བསྟན་ཆོས་ཀྱི་ལ་རྒྱའི་ཞེན་ཕྱོགས་ཤིག་ལ།།

ཞྭ་དཀར་མདོ་རྒྱུད་དག་ལས་མངོན་གསལ་མིན་པའི།།

བརྡོལ་འཁྱལ་བོན་གསར་གཏོད་དགོས་ཐུགས་ཁག་མི་འདུག  །

  ཞེས་པ་ལྟ་བུ་དེང་དུས་ཚུལ་མཆོས་པ་རེ་འགས་བསྐྱོངས་བའི་མཛད་པ་དེ་དག་ལ་མི་

  འདོད་པའི་རྣམ་འགྱུར་ཤུག་ལ་སྟོན་པ་དང་།

                  གཞུང་མང་མགོ་མཐོང་དུམ་བུས་ངེས་འབྱུང་ཞིག།

                  དམར་སེར་རྒྱན་གོས་གཙང་མ་མཛེས་སྣང་ཞིག །

                  ཤེས་རིག་མེ་ཏོག་གླིང་ལ་དགའ་ཚུལ་ཞིག །

                  འཚོ་བའི་ཁ་ཕྱོགས་འདོམ་པའི་བཙུན་ཆུང་ཡིན།        

  ཞེས་པ་ལྟ་བུ་རང་ཉིད་ངེས་འབྱུང་ཞིག་གིས་གཞུང་ཆེན་དུ་མར་ཐོས་བསམ་གྱི་བྲོ་

  བ་མྱོང་བཞིན་འཚོ་བའི་ཁ་ཕྱོགས་ལྔ་རིག་གི་གནས་ལ་འདེམ་པའི་དྭངས་གཙང་

  གི་གཤིས་ཀ་ཅན་ཞིག་ཡིན་པར་མཚོན་གྱི་འདུག་ལ་དེའི་མ་ཚད་ཁོང་གི་བསམ་

  གཞིགས་ལས་གྲུབ་པའི་རྩོམ་ཡིག་འདི་དག་ནི་མངོན་བརྗོད་དང་བརྡ་བརྙིང་

  སོགས་ཀྱིས་མ་བརྒྱན་པས་ཀློག་པ་པོ་ཞིག་གིས་ངོས་བཤད་ན་གོ་སླ་བའི་ཁྱད་ཆོས་

  དུ་མར་ལྡན་ཞིང་བརྗོད་བྱ་ཟབ་པའི་ཚིག་སྦྱོར་ཤ་སྟག་ཞིག་ཏུ་ངེས།    

  དེ་ལྟར་སྨྲས་པའི་འཇུག་ཏུ་ཁོང་དང་ཁོང་གི་སྙན་དེབ་འདིའི་ཀློག་པ་ཡོངས་ཀྱི་

  བསམ་དོན་གེགས་མེད་དང་མཛད་འཕྲིན་ལྷུན་གྱིས་གྲུབ་པའི་སྨོན་འདུན་ཞུ།

                      ༢༠༡༡ ༩ ༡༢ ཉིན་གོང་གི་སློབ་འབངས་རྣམས་ཀྱི་གྲལ་དུ་ཚུད་པ་གཙང་ཚ་ གཡུང་དྲུང་གཙུག་ཕུད་ཀྱིས།