ང་ཡང་འདི་གར་ཐོན་ཡོད།
ཁོ་བོས་གུས་ཤིང་བཀུར་བར་འོས་པའི་དྲ་གྲོགས་ལྷན་རྒྱས་ཁམས་བཟང་།བདག་གི་གསོན་མིང་ནི་ཡས་ན་ཟིན་བྲིས་ཀྱི་ཀླད་དུ་གསལ་བ་དེ་བཞིན་དང་།ཕ་ཡུལ་མཚོ་སྔོན་དུ་སྐྱེས་པའི་འབྲོག་ཕྲུག་སློབ་ལ་འཇུ་བ་ཞིག་ཡིན། དེ་སྔ་མཚོ་སྔོན་པོའི་ཟིན་བྲིས་དང་སེང་རྡོར་དྲ་བ་སོགས་སུ་༼གཤེན་སྐད་ཁྲ་བོ་༽དང་༼གཤེན་སྐད་ནག་པོ་༽ཞེས་པའི་ས་མིག་གཉིས་བཟུང་ཡོད་ཅིང་།བཅད་གསར་དུ་སྒྲོ་བཏགས་པའི་ཚིགས་བཅད་འགའ་རེའང་སྤེལ་མྱོང་མོད།དཔྱོད་ཤེས་པ་དང་བློ་འབྱེད་པ།སྙན་ངག་པ་དང་དགག་སྒྲུབ་པ་སོགས་ཀྱི་ཁུར་མིང་དེ་ད་དུང་དབང་མ་སོང་། ཀུ་རེ་ཡིན།དྲང་མོར་བཤད་ན། གུས་པ་བདག་ལ་མཚོན་ན་ཟིན་བྲིས་གཉེར་བ་ནི།གཅིག་ནས་རང་གིས་འབྲི་ཁུལ་བྱས་པ་དག་གཞན་གྱི་སྤྱན་ལམ་དུ་བསྟར་ཏེ་ལྟ་ཚུལ་ལྷུག་པོར་གནང་བར་རེ་བ་དང་།གཉིས་ནས་བོད་ཀྱི་དྲ་བའི་རིག་གནས་འདི་ཇི་ལྟར་དར་རྒྱས་སུ་འགྲོ་མིན་ཡང་རང་རེ་ན་གཞོན་རྩོམ་དགའ་དག་ལ་ཁུར་དང་མེད་ཅེས་སུས་ཀྱང་ཁ་ཚོན་གཅོད་མི་རི་བ་དང་། གསུམ་ནས་རང་གི་བསམ་བློ་དང་མི་ཚེའི་ལངས་ཕྱོགས་ཐད་ཀྱང་དྲང་ལྡོག་གང་རུང་བརྒྱུད་དེ་ཚོད་ལྟའི་གོ་རིམ་ནི་ཡོངས་སུ་རྫོགས་ན་སྙམ་པའི་ཀུན་སློང་བཅས་ཡིན་ན།ད་ཆ་རང་ཅག་༼ཧི་བོན་ཟིན་བྲིས་༽སུ་ས་མིག་ཅིག་གཉེར་དོན་ཡང་དྲིལ་ན་དེ་ལ་འདུས་པ་ཡིན་ལགས།དེ་འདྲ་ཡིན་ཙང་།དེ་རིང་ནས་བཟུང་། སྐྱ་སེར་གཉིས་འདུས་ཀྱི་མོས་མཐུན་འུ་ཅག་མ་བསྐུལ་རང་ཤུགས་ཀྱིས་གདན་ཐོག་གཅིག་ལ་འཛོམས་པར་དགའ་གུས་དང་འཚམ་འདྲི་ཡོད་པའི་རྣམ་འགྱུར་བསྟན་ཡོད་ལ། རྗེས་སོར་ཕན་ཚུན་ཤོང་ཡངས་པོ་དང་དཀྱེལ་ཆེན་པོ། དུངས་པ་དང་མཐུན་སྒྲིལ་ཡོད་ཐོག་དྲ་བའི་སྒྲིག་སྲོལ་དང་མ་འོངས་པའི་མདུན་ལྗོངས་དང་མ་འགལ་བའི་རྩོམ་གྱི་རྒྱུན་སྐྱོང་བར་ཁ་དྲོ་བཀྲ་ཤིས་ཞུས་པ་ལགས་སོ།།
ད་སོ་མར་ཁྲིན་ཏུའུའི་ཇ་ཁང་ཞིག་ཏུ།