སེམས་ཀྱི་རྟོག་འགྱུ།
འགའ་ཡིས་ཡོད་ཅེས་ལབ་ནས་ཡི་རང་ཞུས།།
ཁྱོད་ཀྱིས་མེད་ཅེས་ལབ་ནས་སྣ་གཉེར་གྱིས།།
ཡོད་མེད་བདེན་སོ་གཅིག་ཏུ་མི་མཐུན་པས།།
ང་ཡིས་སེམས་ཀྱི་རྟོག་འགྱུ་སྤེལ་རྒྱུ་ཡིན།།
འཕྱ་སྨོད་དགའ་བ་རང་ཕྱོཊ་མི་ཡི་གཤིས།།
སྟོན་པས་བཀའ་ལ་མི་བརྩི་བདུད་སྲིད་པས།།
བདག་གི་གཏམ་ལ་ཀུན་མཐུན་ཨ་རྒྱང་རྒྱང་།།
གང་དྲན་སེམས་ཀྱི་རྟོག་འགྱུ་སྤེལ་རྒྱུ་ཡིན།།
མཁས་པས་ཁྱུང་གི་བུ་ཡི་ལོ་རྒྱུས་འཚོལ།།
བླུན་པོས་བློ་གྲོས་ང་ལ་བསྐུར་འདེབས་གྱིས།།
དཔང་པོས་སྐྱོན་ཡོན་སྲང་ཁའི་ཡངས་ལྕི་ཁྱོཊ།།
ང་ཡིས་སེམས་ཀྱི་རྟོག་འགྱུ་སྤེལ་རྒྱུ་ཡིན།།
མཁྱེན་པའི་མཐའ་རྒྱ་ཆོད་པའི་རྣམ་མཁྱེན་མིན།
རྟོཊ་པའི་གཤོཊ་རྩལ་རྫོཊ་པའི་ཁྱུང་མིན་ཀྱང་།།
བསླབ་གསུམ་གཞིས་སུ་མཐོ་བའི་གླིང་ཁ་ནས།།
ང་ཡིས་སེམས་ཀྱི་རྟོག་འགྱུ་སྤེལ་རྒྱུ་ཡིན།།
ཕྱུག་པོས་གྲྭ་རྐྱང་བདག་ལ་སྤྲང་རབས་ཤོད།།
སྤྲང་པོས་ཁེར་རྐྱང་ང་ལ་ཕྱུག་རབས་གླེང་།།
ཀུན་དགའི་སྒྲོ་ལོ་བདག་ལ་མ་ཕྱུག་ཀྱང་།།
ཡོད་པའི་སེམས་ཀྱི་རྟོག་འགྱུ་སྤེལ་རྒྱུ་ཡིན།།
མ་དགའི་བུ་ཡིས་བལྟས་ན་མ་འཇོན་མང་།།
དགའ་ཕྱོཊ་སྤུན་གྱིས་བལྟས་ན་འཇོན་ཕྱོཊ་མང་།
སུས་ཀྱང་ཀུན་ཡིད་འགུ་བའི་ཐབས་དཀོན་པས།
བདག་གི་སེམས་ཀྱི་རྟོག་འགྱུ་སྤེལ་རྒྱུ་ཡིན།།
༢༠༡༤-༦-༢༦-ཉིན་ཁྱུང་བསོད་བློ་ནས།
