ལས་སྣང་འདི་ལ་བྲལ་འདོད་ཆེ།

སྟོན་པས་གཟིཊ་དུས་སྣང་བ་བདེན་པར་མེད།།

བདག་གི་ངོས་ལ་སྣང་བ་བདེན་པར་གྲུབ།།

གནས་སྣང་མི་མཐུན་འཛིན་པའི་ཅོལ་ཆུང་ང་།།

འདོད་ཡོན་སྣང་བ་འདི་ལས་ལྡོག་ཐབས་ཤིག།

ཉོ་ཕྱོཊ་སྤངས་ནས་ཆོག་ཤེས་ཁྲིམས་སུ་འཛུལ།།

སྡིག་ཕྱོཊ་སྤངས་ནས་དགེ་སྤྱོད་ཚུལ་དུ་འཆང་།།

ལེེཊ་ཚོཊ་དགེ་ལ་སྦྱོང་བའི་ཀུན་སློང་ལས།།

སྣང་བ་དཀར་དམར་འདི་ལས་ལྡོག་ཐབས་ཤིག།

ཨོ་ཟོབ་སྤངས་ནས་འདོད་ཆུང་ཆོག་ཁྲིམས་ཞུས།

རྒྱན་སྤྲས་སྤངས་ནས་ཁེར་རྐྱང་འཚོ་སྡོད་བྱས།།

མ་འོངས་ཕྱི་མར་གཙོ་བོ་ཁས་བླང་རྗེས།།

འདོད་ཡོན་སྣང་བ་འདི་ལས་ལྡོག་ཐབས་ཤིག།

རྩལ་གྱི་ནུས་ཤུགས་སྐད་ཡིག་འདི་ལ་འདོན།།

རིག་པའི་མ་ལག་བཅུ་རིག་གཞུང་ལ་སྦྱང་།།

རྣམ་དཔྱོད་སྦར་མོ་ཐོས་བསམ་བློ་ཡིས་བསྒྲད།།

ཀུན་དགའི་སྒྲོ་ལོ་འདི་ལས་བྲལ་ཐབས་ཤིག།

ལ་ལས་བདག་གི་སྤོབས་གཏམ་འཛིན་ཀྱང་ཆོག།

ལ་ལས་བློ་ལ་མི་འཐད་ལབ་ཀྱང་ཆོག།

གང་ལྟར་བདག་གི་རྒྱུན་གྱི་ཀུན་སློང་ལས།།

མ་མཐུན་མེད་པའི་དམ་བཅའ་ཡིན་ཀྱང་ཆོག།

༢༠༡༤-༤-༡༠-ཁྱུང་བསོད་བློ།