སྒྲིག་འཇུག...
 
ཟིན་བྲིས་ལི་ཐོ།
སྒྲིག་འཇུག...
སྤྱི་བསྒྲགས།
སྒྲིག་འཇུག...
ཆེད་སྒྲིག་རྣམ་དབྱེ།
སྒྲིག་འཇུག...
ཟིན་ཐོ་གསར་བ།
སྒྲིག་འཇུག...
དཔྱད་གཏམ་གསར་བ།
སྒྲིག་འཇུག...
ཆེམས་གསར་བ།
སྒྲིག་འཇུག...
འཚོལ་བཤེར།
སྦྲེལ་མཐུད།
ཐོན་བྲིས་སྤྱི་བསྡོམས།
སྒྲིག་འཇུག...


 
ཁྲེལ་མེད་དེ་མང་དྲགས།
[ 2014/2/15 11:18:00 | By: vase ]
 
ཁྲེལ་མེད་དེ་མང་དྲགས།
                     
       
         གོང་མའི་ལྷ་ལ་གུས་གུས་མ་མྱོང་།།
      བར་མའི་རྒན་ལ་གུས་བཀུར་མི་ཤེས།།
    འོག་མའི་རོགས་ལ་མཐུན་སྒྲིལ་མེད་པའི།།
     ང་བོས་ཁེངས་པའི་སློབ་ཕྲུག་མང་དྲགས།།
     
       བལྟ་བའི་ལྟད་མོ་མི་གཙང་ཟློས་གར།།
     ཁ་བཤད་གཏམ་ཡོད་ཆགས་སྲེད་ཕུང་པོ།།
     གོམ་སྟབས་སྤྱོད་པ་མགོ་དམར་འདྲ་བའི།།
       ངོ་ཚ་ཁྲེལ་མེད་ན་གཞོན་མང་དྲགས།།

      ཁུག་སོ་ཞིག་ཏུ་ཁུངས་ལུང་མེད་པར།།
     ཧམ་ཚོད་གཏམ་གྱི་བགྲོ་གླེང་དུ་མ།།
   མངོན་སུམ་རྫུན་གྱིས་མི་མགོ་རྐོ་གཡོག།
    ཚོད་དཔག་ཅན་གྱི་ཞིབ་དཔྱོད་མང་དྲགས།།

      ལྟག་སྒོ་བྲག་གི་རྔམ་ཁ་ཡོད་ན།།
ཕན་ཚུན་ནག་ཉེས་བཤད་དབང་མེད་པར།།
  རྒྱུ་འབྲས་བསླུ་མེད་རྡོག་བརྫིས་བཏང་བའི།།
     ངོ་ཚ་ཁྲེལ་མེད་བོད་མི་མང་དྲགས།།
    
       ལྐོག་ཟས་ནག་པོ་ཟ་ལམ་བྱང་སྟེ།།
    དལ་འབྱོར་གསེར་ཕུང་རླུང་ལ་བསྐུར་ནས།།
     ཕར་ཀའི་བདེན་གཏམ་ཁུང་དུ་མ་བཅོལ།།
 ཡོ་ཕྱོགས་མཁས་པའི་ཁྲིམས་གཅོད་མང་དྲགས།།
    
       ངོ་དབྱིབས་གོས་ཟས་གོམ་སྟབས་ཞན་ན།།
     ཁྲག་རྩ་གཅིག་པའི་སྤུན་ཟླ་ཡིན་ཡང་།།
     ངོས་སུ་འཕྲད་དུས་ཉེ་ཕྱོགས་མིན་མདོག།
       ཨ་མྱེ་གཅིག་པའི་སྤུན་ཟླ་མང་དྲགས།།

        རྒྱུ་དང་གོ་སའི་བདག་པོ་མཐོང་དུས།།
     རིཊ་རུས་གཅིག་མདོག་ཁུངས་མེད་ལྷུ་བསྒྲིག།
    ཨེར་ནད་ཡོད་ཀྱང་འཛེམས་དོགས་མེད་པའི།།
          མཐོ་དད་ཆེ་བའི་མི་བུ་མང་དྲགས།།
           
      ནག་ཉེས་སྐྱོན་ཕུང་བསློག་འདོད་མེད་ཀྱང་།།
   མཐུན་རྐྱེན་ཚོགས་པའི་ཉེར་གཅིག་དུས་འདིར།།
   ཚོད་མེད་ནག་ཉེས་བསགས་པའི་དགོས་ཆུང་།།
      རན་ཚོད་བཟུང་བའི་རེ་བ་ཙམ་ཡིན།།
     ༢༠༡༤-༢-༡༥-ཁྱུང་བསོད་བློ།
           
        
 
 
དཔྱད་གཏམ་སྤེལ་བ།
སྒྲིག་འཇུག...
Powered by Oblog.