ཁྲ་ལུང་གི་གཟི་བརྗིད།    

གངས་དཀར་ལྭ་བ་སྒེག་ཉམས་ཆེ་སྟེ་དཀར་ཕྱོགས་ཁྲ་རྗེ་དཀར་པོའི་ལྷ།།

གཡུ་རལ་སྔོན་མོ་དགུང་ལ་མཉམ་པའི་སྨུག་མོ་རི་རྩེའི་གནས་བདག་རྔམ།།

དབྱར་རྩ་དགུན་འབུའི་གཏེར་ཁ་ཕྱུག་པ་ཁྲ་ཡི་ལུང་ཆེན་བཅོ་བརྒྱད་སྣུམ།།

གསེར་བུམ་སེར་པོ་ཐང་ལ་གདལ་འདྲའི་གསེར་ཁོལ་རིན་ཆེན་འབར་བ་མཛེས།།  

ཝ་ཆུ་སྔོན་མོ་གཡས་ནས་ལྷུང་ལྷུང་ཁྲ་ཆུ་ཟེགས་མ་གཡོན་ནས་བཤམ།།

ཉ་ཆུང་གསེར་མིག་གཡས་འཁྱུག་གཡོན་འཁྱུག་རྔུལ་ཆུ་གཙང་པོའི་གཞུང་དུ་གཤོས།།  

འབུ་རྫ་ཡང་གསུམ་འབེལ་ཁ་བཙན་ཏེ་ཀླུ་རྒྱལ་གཙུག་གི་མཛོད་ཕུག་གཅིག།     ཤ་རྣ་རྒོ་རྐྱང་རྩེད་བྲོ་མཛེས་ཏེ་རྫ་སྤང་འདྲེས་མའི་འཁོར་ཡུག་གཙང་།།   

ཁྱུང་པོ་ནག་རུ་བཅོ་བརྒྱད་ཤུག་གིས་བུམ་གཏེར་སྦས་སའི་ཆུ་མགོའི་སྦུག།   དབྱར་རྩའི་བུ་ཕོ་བརྒྱ་ཡི་ནང་ལས་འབུར་དུ་གྲགས་པ་ཁྲ་ལྕམ་འབུ།།    

ས་སྒང་གསེར་གྱི་གོ་ལའི་ཁྱོན་དུ་ས་གྲགས་གནམ་གྲགས་རྡི་རི་རི།།   

རྒྱུ་ངོ་ཤེས་ན་སེར་པོ་གསེར་གྱི་རྭ་ལག་ཡོངས་རྩེ་རང་གི་རྒྱུ།།     

རྒྱུ་ངོ་མ་ཤེས་མགོ་འཐོམ་བུ་ལ་གསེར་དང་རག་གན་ཁྱད་མེད་དོ།།    

རང་གི་ཁོར་ཡུག་རང་གིས་གཅེས་རྒྱུ་རང་གི་འཚོ་བའི་ཆ་རྐྱེན་རེད།།

རང་ལུས་གསོན་པོའི་གསེར་ཕོར་སེར་པོ་རང་གིས་རང་ལ་ཉམ་རྩ་ཞིག།

རང་གི་མེས་པོའི་ཡུར་རྐའི་ཆུ་ལ་སྙིགས་རྡུལ་གད་ཀྱི་གཙང་ཕྱག་ཞིག།

༢༠༡༣-༡༡-༢     ཁྱུང་བསོད་བློ།