སྐྱོན་བརྗོད།

ཁ་པར་ནི་སྤྲུལ་སྐུ་འགའི་དག་ཞིང་།

ཁ་པར་ནི་དཔོན་པོ་འགའི་ལྟག་སྒོ།

ཁ་པར་ནི་ཚོང་པ་འགའི་ཚོང་ཉེས།

ཁ་པར་ཆང་འཐུང་འགའི་ཆང་གཟི།

ཁ་པར་ནི་ཇ་འཐུང་འགའི་ཇ་རྒྱག

ཁ་པར་ནི་མྱང་འདས་ཀྱི་གཏན་གཞི།

ཁ་པར་ནི་བདེ་བ་ཡི་གཞི་མ།

ཁ་པར་ནི་རྒྱང་རིང་གི་གྲོགས་པོ།

ཁ་པར་ནི་སྤྲུལ་ལོ་ཚོའི་་ལྟ་བ།

ཁ་པར་ནི་སྤྲུལ་ལོ་ཚོའི་སྤྱོད་པ།

ཁ་པར་ནི་སྤྲུལ་ལོ་ཚོའི་སྒོམ་པ།

ཁ་པར་ནི་སྤྲུལ་ལོ་ཚོའི་དག་ཞིང་།

ཁ་པར་ནི་བརྩེ་བ་ཡི་བང་མཛོད།

ཁ་པར་ནི་ཁྱོད་གཉིས་ཀྱི་ལས་དབང་།

ཁ་པར་ནི་ཕོ་ཕྱུག་པོའི་ཕྱུག་ངོ་།

ཁ་པར་ནི་མོ་མཛངས་མའི་འཛུམ་ངོ།

ཁ་པར་ནི་རྒྱལ་ཡོངས་ཀྱི་བདེ་གནས།

ཁ་པར་ནི་རྒྱལ་ཁམས་ཀྱི་ལྟད་མོ།

ཁ་པར་ནི་ཁམས་བཟང་གི་སྐད་བཟང་།

ཁ་པར་ནི་ལམ་ཁ་ཡི་བདེ་འཇགས།

ཁ་པར་ནི་རླུང་འཁོར་གྱི་ཁ་ལོ།

ཁ་པར་ནི་ས་ཚིགས་ཀྱི་གནས་ཚང་།

ཁ་པར་ནི་དེ་རིང་གི་བདེ་མོ།

ཁ་པར་ནི་སང་ཉིན་གྱི་སྟ་བོན།

ཁ་པར་ནི་གནང་ཉིན་གྱི་ཚན་རྩལ།

ཁ་པར་ནི་མ་འོང་གི་མདུན་ལམ།

ཁ་པར་ནི་ཕྱི་མ་ཡི་ལམ་སྟོན།

ཁ་པར་ནི་མེད་ན་ཐབས་ཆགས།

ཁ་པར་ནི་སྤྱོད་ཤེས་ན་ཀུན་ཤེས།

ཁ་པར་ནི་ཉན་ཤེས་ན་བཀྲ་ཤིས།

ཁ་པར་ནི་གཏོང་ཤེས་ན་དོན་འགྲུབ།

ཁ་པར་ནི་ཡུན་རིང་པོར་བཞུགས་རོགས།

༢༠༡༣  ཟླ་ ༣ ཚེས་  ༣༠  དགོང་མོ་སྐར་མ་ལྔ་བཅུའི་རིང་ལ་ཆ་ཚང་བྲིས།  སྟེང་བསོད་བློ་ནས།