བཀའ་དྲིན་ཆེ་བ་གསུམ།
དཀར་ནུ་ཞོ་སྐྱོངས་བའི་ཨ་མ་དང་གཅིག།
དབྱང་ཀ་ཁ་བསླབ་པའི་ཨ་ཕ་དང་གཉིས།
ཟབ་གདམ་ངག་གནང་བའི་སློབ་དཔོན་དང་གསུམ།
བུ་ང་ཡི་དྲིན་ཆེན་རྣམ་གསུམ་ལོས་ཡིན།
རྒྱུན་འཚོ་བ་གནང་བའི་བླ་མ་དང་གཅིག།
འདོན་གྱེར་དབྱང་བསླབ་པའི་དགེ་རྒན་དང་གཉིས།
རང་དབང་མེད་བཀུག་པའི་དགེ་སྐོས་དང་གསུམ།
བུ་ང་ཡི་དྲིན་ཆེན་རྣམ་གསུམ་ལོས་ཡིན།
ངས་ལོག་རྟོག་བསལ་བའི་སྔ་རྒོལ་དང་གཅིག།
ངས་ཐལ་འགྱུར་འཕེན་སའི་ཕྱི་རྒོལ་དང་གཉིས།
བར་དྲང་བདེན་བརྗོད་པའི་དཔང་པོ་དང་གསུམ།
བུ་ང་ཡི་དྲིན་ཆེན་རྣམ་གསུམ་ལོས་ཡིན།
སྒོར་ཆད་མེད་གནང་བའི་ཁྱིམ་ཚང་དང་གཅིག།
དབྱར་མར་ཕྱུར་བྱིན་པའི་ལྷ་འབྲི་དང་གཉིས།
རང་ནད་མེད་བཟོ་བའི་སྨན་དགེ་དང་གསུམ།
བུ་ང་ཡི་དྲིན་ཆེན་རྣམ་གསུམ་ལོས་ཡིན།
གཞུང་འཆད་ར་འགྲིམས་པའི་མཆེད་གྲོགས་དང་གཅིག།
གྲོང་དྲྭ་བ་འགྲིམས་པའི་དྲྭ་གྲོགས་དང་གཉིས།
གསེར་ཞུན་མ་ལྟ་བུའི་གཞུང་ལུགས་དང་གསུམ།
བུ་ང་ཡིས་དྲིན་ཆེན་རྣམ་གསུམ་ལོས་ཡིན།
བསོད་བློས་སྤྱི་ཟླ་ ༦ ཚེས་ ༢༣ ཉིན་མོར་བྲིས།། 
