གསེར་གྱི་ཨ་ལོང་།

གཡས་འཁོར་ཨ་ལོང་སིལ་སིལ།།

གཡོན་འཁོར་ཡང་ལོང་སིལ་སིལ།།

ཕྱི་སྦྲེལ་ནང་སྦྲེལ་བཏང་བའི།།

གསེར་གྱི་ཨ་ལོང་སིལ་སིལ།།

སིལ་སིལ་སྒྲ་དབྱངས་སྙན་མོ།།

དྲི་བཞོན་རླུང་གིས་སྐྱོར་ཡོད།།

རླུང་བུ་ཡ།  ལ་ཐང་མེད་པར་གཡུགས་ཤོག

སིལ་སིལ་དབྱངས་ཀྱི་མཆོད་པ།།

འགག་པ་མེད་པའི་སྨོན་ལམ།།

གཡས་འཁོར་དགའ་འཛུམ་ལྷུག་ལྷུག།

གཡོན་འཁོར་དགོད་འཛུམ་ལྷུག་ལྷུག།

སེམས་པ་སེམས་དང་འདྲེས་པའི།།

མཐུན་པའི་འཛུམ་དཀར་ལྷུག་ལྷུག།

འཛུམ་ཆུང་ལས་ཀྱི་རི་མོ།།

ཡིད་ཆེས་སྣང་བས་སྐྱོར་ཡོད།།

སྣང་བ་ཡ།  ཕྱི་ནང་མེད་པར་རྐྱོངས་ཤོག།

ལྷུག་ལྷུག་འཛུམ་དཀར་མེ་ཏོག།

ཡལ་བ་མེད་པའི་སྨོན་ལམ།།

༡༠༡༡   ལོའི་ཟླ ༩ པའི་ཚེས ༡༨ ཉིན་རོང་བོ་ནས།