དྲན་པའི་དུངས་བ་ཁོག་ན་ལྗིད་རྡིག་རྡིག།།
སྐྱོ་བའི་དངན་པས་སེམས་པ་གསོད་ཤག་ཤག།།
ཁེར་རྐྱང་རྒྱང་ན་ལུས་པའི་མཉོམ་ཆུང་དེས།།
ཡུལ་གྱི་ཡབ་ཡུམ་གཉེན་ཉེ་དྲན་ལྷང་ལྷང།།

མུན་ཁུང་ཀློང་གི་མཚན་མོ་ཁུ་སིམ་སིམ།།
མཁའ་ལ་ཕག་པའི་ཟླ་འོད་ཞེ་ཐོགས་ཐོགས།།
བཅུ་དྲུག་ལང་ཚོ་རྫོགས་པའི་མདངས་ལྡན་མ།།
ཤ་གསེང་རུས་པའི་གཏིང་ནས་དྲན་ལྷང་ལྷང།།

འཁྱེར་བདེའི་ལག་འཕྲིན་སྐད་སྒྲ་སྙན་འཇེབ་འཇེབ།།

སྟབས་བདེའི་འཕྲིན་ཐུང་མིག་ལམ་གསལ་ཐིང་ཐིང།།
ཁ་ཞེ་ཡིད་སེམས་མཐུན་པའི་སྙིང་གཏམ་དག།།
ག་ལེར་སེམས་པར་འཛུལ་དུས་དྲོད་ཁོལ་ཁོལ།།