སྨོན་འདུན།

                     གངས་རྒྱལ་ཏི་སེ་ང་ཡི་བླ་རི་ཡིན།།

     དྭངས་གཙང་གངས་ཆུ་ང་ཡི་ཁྲག་རྒྱུན་ཡིན།།

གངས་རིའི་ཞིང་ཁམས་ང་ཡི་ཕ་ཡུལ་ཡིན།།

མདོ་དབུས་ཁམས་གསུམ་ང་ཡི་སྤུན་ཟླ་ཡིན།།

རྒྱལ་བ་སྨན་རི་སེམས་ཀྱི་བསྟེན་གནས་ཡིན།།

མཁན་སློབ་ཉི་ཟླ་འདི་ཕྱིའི་སྐྱབས་གནས་ཡིན།།

མདོ་སྔགས་སེམས་གསུམ་སེམས་ཀྱི་ནོར་བུ་ཡིན།།

རྣམ་དཀར་ཡོན་ཏན་ང་ཡི་བསོད་ནམས་ཡིན།།

འདི་ནི་འཛམ་གླིང་ཀུན་གྱི་ཡང་རྩེ་ཡིན།།

འདི་ནི་ཕྱོགས་བཞིའི་ཆུ་ཡི་འབྱུང་གནས་ཡིན།།

འདི་ནི་ཆོས་འགོ་བོན་གྱི་སྒྲོམ་གཞི་ཡིན།།

འདི་ནི་བུ་ངའི་དཔྲལ་བའི་མིག་ཟུང་ཡིན།།