དྲན་རྟེན་གྱི་གླུ།

མ་ཡུམ་སློབ་གླིང་དང་ཁ་བྲལ་ཁར་དྲན་རྟེན་དུ་བཞག་པ།

^{_{རྒྱལ་བ་དངོས་བྱོན་གྱི་མུ་ལ་མ་ཏིས།།}}

^{_{བཀའ་དམ་གཉེར་གཏད་ཀྱི་བསྟན་སྲུང་རྒྱལ་མོ།།}}

^{_{མ་འོངས་མི་ཚེ་ཡི་བགྲོད་ལམ་སྟེང་གི།}}

^{_{འགལ་རྐྱེན་བར་ཆད་རྣམས་ཞི་བར་མཛོད་ཅིག།}}

^{_{མི་རྟག་འཇིག་རྟེན་ནས་མི་ལུས་བླངས་ཤིང་།།}}

^{_{མི་ཡུལ་ས་མཐའ་རུ་གྲྭ་སར་འགྲིམས་དུས།།}}

^{_{མི་མཆོག་བླ་མ་ཡི་ཐུགས་བརྩེའི་འོག་ནས།།}}

^{_{མི་ལུས་རིན་ཆེན་ལ་རིན་ཐང་ལྡན་སོང་།།}}

^{_{འདི་ནས་ཡར་བརྩིས་ཀྱི་བསྐལ་བཟང་ཞིག་ལ།།}}

^{_{ཅང་མེད་བུ་ཆུང་ང་སྔོན་ལས་ཤིག་གིས།།}}

^{_{མདོ་སྨད་སྣང་དགོན་འདིར་གྲྭ་སར་སླེབས་དུས།།}}

^{_{སྐྱབས་རྗེ་རྣམ་གཉིས་ཀྱི་སྐྱབས་འོག་ཚུད་སོང་།།}}

^{_{རིང་མིན་རྫོགས་ལྡན་གྱི་དུས་བཟང་ཚེས་ནས།།}}

^{_{བུ་ཆུང་སེམས་ནང་གི་རེ་བ་འགྲུབ་སོང་།།}}

^{_{གཡུང་དྲུང་བོན་བསྟན་གྱི་རྒྱལ་མཚན་སྒྲེང་བའི།།}}

^{_{མ་ཡུམ་སློབ་གླིང་གི་གསེར་ཞལ་མངོན་བྱུང་།།}}

^{_{ལས་དང་སྨོན་ལམ་གྱིས་སྣེ་ཁྲིད་བྱས་པའི།།}}

^{_{གཡུང་དྲུང་སྤུན་གྲོགས་ཚོའི་ལས་སྐལ་བཟང་པོས།།}}

^{_{མ་ཡུམ་སློབ་གླིང་འདིར་དངོས་ཞུགས་བྱེད་པའི།།}}

^{_{གོ་སྐལ་བཟང་པོ་དེ་ཡུན་གྱིས་ཐོབ་སོང་།།}}

^{_{རང་མོས་རང་དབང་གིས་སློབ་ར་འགྲིམས་ནས།།}}

^{_{མཚན་ལྡན་བཤེས་གཉེན་ཚོའི་མདུན་དུ་བཅར་ནས།།}}

^{_{གང་མོས་གང་འདོད་ཀྱིས་རིགས་ལམ་སྦྱོང་དུས།།}}

^{_{གཏན་གྱི་འདུན་མ་ཡི་ལམ་སྣེ་ཟིན་སོང་།།}}

^{_{དང་ཐོག་ང་རང་གིས་ཁྱབ་མཐའ་ཙམ་ཡང་།།}}

^{_{རང་གིས་རང་བློ་ལ་ངེས་པ་མེད་ཀྱང་།།}}

^{_{དེང་སང་རིགས་སྨྲ་ཚོའི་དབུས་ན་འགྱིང་བ།།}}

^{_{སྙིང་གི་སློབ་དཔོན་ཚོའི་གསུང་གི་དྲིན་ཡིན།།}}

^{_{གང་ལྟར་དུས་ཚོད་ནི་མི་སྡོད་གློག་བཞིན།།}}

^{_{དར་ཅིག་འཁྱུག་བཞིན་ལ་དེ་རིང་སླེབས་སོང་།།}}

^{_{རིང་མིན་ཡོད་ཚད་དང་གྱེས་དགོས་བསམས་ན།།}}

^{_{སེམས་ཀྱི་ཕུག་པ་འདི་དྲན་པའི་ཕྱི་རེད།།}}

^{_{ཚེ་རབས་སྔོན་མ་ཡི་ལས་འཕྲོ་ཞིག་གིས།།}}

^{_{རྣམ་དཔྱོད་ཤེས་རབ་ཀྱི་རིག་པ་བརྡར་རོགས།།}}

^{_{སྙིང་གྲོགས་ཚེ་འགྱུར་དང་བྲལ་དགོས་བྱུང་ཡང་།།}}

^{_{འུ་གཉིས་ནམ་ཡང་མ་གཅིག་གི་སྤུན་ཡིན།།}}

^{_{མཚན་ལྡན་བཤེས་གཉེན་དང་གཡུང་དྲུང་སྤུན་གྲོགས།།}}

^{_{འུ་ཅག་ད་ལོ་ནས་བྲལ་དགོས་བྱུང་ན།།}}

^{_{སྣང་ཡོར་སྒྱུ་ལུས་འདི་གྱེས་པ་བདེན་ཡང་།།}}

^{_{བརྩེ་བའི་སེམས་པ་ལ་བྲལ་ཐབས་ག་ཡོད།།}}

 ^{_{ང་དང་ཁྱེད་ཚོ་ནི་ནམ་ཡང་སྤུན་ཡིན།།}}

^{_{མ་ཡུམ་སློབ་གླིང་ནི་ང་ཚོའི་ཡུལ་ཡིན།།}}

^{_{དྲིན་ཆེན་དགེ་རྒན་ཚོ་ཁོག་གི་སྙིང་ཡིན།།}}

^{_{མ་འོངས་འུ་ཅག་ནི་བསྟན་པའི་རྒྱུན་ཡིན།།}}

^{_{གཤེན་རབ་མི་བོ་ནི་ང་ཚོའི་མགོན་ཡིན།།}}

^{_{གཤེན་བསྟན་དར་སྤེལ་ནི་ང་ཚོའི་འགན་ཡིན།།}}

^{_{གཤེན་རབ་རིག་གནས་ནི་ང་ཚོའི་སྲོག་ཡིན།།}}

^{_{ངེད་ཅག་ཚང་མ་ནི་དམིགས་ཡུལ་གཅིག་ཡིན།།}}

^{_{བྲིས་པའི་རྩོམ་ཐུང་འདིར་སྙན་ཆ་དབེན་ཀྱང་།།}}

^{_{དོན་གྱིས་བཤད་པ་འདི་སྙིང་གི་གཏམ་ཡིན།།}}

^{_{ལས་ཀྱི་དབང་ཤུགས་འདི་འཁོར་འགྲོས་བཙན་པས།།}}

^{_{འབྲལ་ཁའི་སེམས་གཏམ་འདི་སྙིང་ནས་བྲིས་སོ།།}}

^{_{༢༠༡༡/༩/༢༦ལ་རང་ཤག་ནས་བྲིས།}}