སྐྱིད་སྡུག་གི་ཚོར་སྣང་། 

སྐྱིད་སྡུག་ཐམས་ཅད་བློས་བྱས་བོན་རེད།།

བོན་རྣམས་ཐམས་ཅད་སྒྱུ་མ་དངོས་རེད།།

སྒྱུ་མ་དེ་ལ་ཞེན་ཆགས་ཆེ་བས།།

མི་རིགས་ཁད་ཅིག་སྡུག་གི་གྲོགས་པོ།།

སེམས་ཀྱི་རྨ་ཁ་རུམ་ལ་ཉར་བའི། །

ཆོལ་གསུམ་སྤུན་ཟླའི་སྐྱིད་སྡུག་ཧྲིལ་པོ། །

ངག་རིགས་དབྱངས་ཀྱི་རྟ་ལ་ཞོན་ནས། །

ས་ཐག་རིང་པོའི་རོགས་མཇལ་ཕེབས་སོང་། །

གཞན་ཡུལ་འགྲིམ་པའི་བྱིའི་ཆུང་འཇོལ་མོ། །

ལས་དབང་ཞིག་གིས་མཇལ་ཁ་མ་རགས། །

སྐུ་ཁམས་བདེ་མིན་ཆ་འཕྲིན་མེད་པས། །

ཡ་ཆུང་མི་ཚེ་སྒུག་ནས་ཟད་སོང་།།

ཁྲི་གདུག་ཉི་མའི་ཚ་ཟེར་འོག་ཏུ། །

རླན་སྐྱེས་ཆུ་འབུའི་སྡུག་གི་ཨ་ཐང་། །

ཆད་ལ་ཁ་ལ་སྤྲིན་གྲིབ་འོག་ཏུ།  །

མ་ཆད་བ་ཞིག་འདི་གར་ལུས་ཡོད། །

མི་རིགས་འདི་ལ་ཤ་ཞེན་ཆེ་ཞིང་། །

སྐད་རིགས་འདི་ལ་དུང་བ་ཟབ་པའི། །

མི་རྟ་ཆོས་ཀྱི་སྐྱེ་འགྲོ་ཡོངས་ཀྱིས།  །

མཐུན་སྒྲིལ་དཔུང་པ་མཉམ་དུ་གཤིབ་དགོས། །

ང་བན་ཁྱོད་བོན་ཟེར་བའི་ང་རྒྱལ། །

ཁྱོད་བན་ང་བོན་བརྗོད་པའི་ཕྲག་དོག །

སོ་སོའི་གཞུང་ལ་རྨོངས་པའི་གཏི་མུག །

དེ་གསུམ་སྤང་བའི་ཐབས་ལ་འབད་དགོས། །

གོ་ལའི་ཡངས་རྩེའི་གཅེས་འོས་ནོར་བུ། །

ཀ་ཁ་ག་ངའི་དབྱངས་གསལ་སོ་བཞི ། །

འཛམ་གླིང་སྐད་རིགས་འགྲན་རར་ཕེབས་དུས། །

བཟང་པོའི་བྱ་དགའ་གཉིས་པ་ཐོབ་སོང་། །

སྤྱི་ཟླ  ༨   ཚེས    ༢༩  ཉིན་བྲིས། །