སྤྱི་བསྒྲགས།
སྒྲིག་འཇུག...
ལི་ཐོ།
སྒྲིག་འཇུག...
ཆེད་སྒྲིག་རྣམ་དབྱེ།
སྒྲིག་འཇུག...
ཟིན་ཐོ་གསར་བ།
སྒྲིག་འཇུག...
དཔྱད་གཏམ་གསར་བ།
སྒྲིག་འཇུག...
ཆེམས་གསར་བ།
སྒྲིག་འཇུག...
པར་མཛོད།
ནང་འཇུག
སྒྲིག་འཇུག...
དྲ་གྲོགས།
སྒྲིག་འཇུག...
སྦྲེལ་མཐུད།
ཟིན་བྲིས་ཆ་འཕྲིན།
སྒྲིག་འཇུག...
དྲི་བའི་གླིང་ཁ།། | 2012/8/24 21:41:00
དྲི་བའི་གླིང་ཁ།།
༡ རྗེའི་ཚད་མ་ལས། རྟགས་ཤེས་འདོད་བོན་ཅན་ལ་ཇི་ལྟར་བཀོད་པ་བཞིན་དུ་ངེས་རུང་ ངམ་དངོས་སུ་ངེས་པ་དེ་ཕྱོགས་ཀྱི་བོན་གྱི་མཚན་ཉིད་དུ་གསུངས་ལ། བཟང་རྒྱལ་རྟགས་རིགས་ལས་རང་ཉིད་ཕྱོགས་བོན་ཅན་དུ་སོང་བའི་གང་ཟག་གིས་རང་ཉིད་ཤེས་འདོད་བོན་ཅན་སྐྱོན་མེད་ལ་ཇི་ལྟར་བཀོད་པ་བཞིན་དུ་ཡོད་པ་ཉིད་དུ་དངོས་སུ་ངེས་པ་དེ་ཕྱོགས་བོན་གྱི་མཚན་ཉིད་ཞེས་གསུངས་པས། དེ་གཉིས་དོན་ དག་གཅིག་ཐོག་ཏུ་འགྲེལ་ཚུལ་ཡོད་དམ་མེད།
༢ ཡང་སློབ་དཔོན་ཡོན་ཏན་རྒྱ་མཚོས་མཛད་པའི་རྟགས་ཀྱི་རིགས་པའི་རྣམ་བཞག་ལས། དུ་ལྡན་ལ་ལ་བོན་ཅན། མེ་ཡོད་དེ། དུ་བ་ཡོད་པའི་ཕྱིར། ཞེས་བཀོད་པའི་རྟགས་དེའི་རྗེས་འགྲོའི་ཁྱབ་པ་སྒྲུབ་པའི་ཚེ། དུ་བ་ཡོད་ན་མེ་ཡོད་པའི་ཁྱབ་པའི་དོན་དེ། སྤྱིར་དུ་བ་ཡོད་ན་མེ་ཡོད་པའི་ཁྱབ་པའི་དོན་ནམ། གཞི་དེ་ན་དུ་བ་ཡོད་ན་མེ་ཡོད་པའི་ཁྱབ་པའི་ དོན་ཡིན།
༣ རྗེ་ཡི་ཚད་མ་ལས། །དེ་འོད་ལས་ནི་དེ་རྟོགས་བློ། །རྗེས་དཔག་མ་ཡིན་རྗེས་དཔག་དཀའ་ཞེས་གསུངས་འདུག་པས། ནོར་བུའི་འོད་རྟགས་སུ་བཀོད་ནས། ནོར་བུ་སྒྲུབ་བྱའི་བོན་དུ་བཟུང་བའི་གཏན་ཚིག་ཡང་དག་གཅིག་བཞག་སྟེ། གཞན་དུ་ཐོས་པའི་སྟོབས་ཀྱིས་སྤུ་རིས་ཟིན་པའི་མི་འགལ་ལོ་ཞེས་པའི་ལུང་དོན་དེ་དེ་ལ་འགྲེལ་ཚུལ་ཡོད་དམ་མེད། །
དྲྭ་གྲོགས་རྣམ་པ་ཚོ་རང་གི་ཤེས་རིག་ལ་ཡར་རྒྱས་དང་གཞན་ལ་ཕན་སེམས་ཀྱི་བསམ་བློས་ཀུན་ནས་སློང་སྟེ་ཁོ་བོའི་མཆད་རྭ་རུ་ཕེབས་ཤོག།
- ཟིན་ཐོ་གོང་མ།ང་བགྲོད་སའི་ལམ་བར་གྱི་འཕྲང་ཆུང་།
- ཟིན་ཐོ་འོག་མ།སྐྱིད་སྡུག་གི་ཚོར་སྣང་།
དྲེ་བཙུན་སྦྱིན་པ་དང་བོན་སྨྱུག་གཉིས་ཀྱིས་དྲི་བ་དྲིས་ལན་སྐོར་ལ་དངོས་གནས་ལྟད་མོ་ཧ་ལས་དགོས་པ་ཞིག་འདུག།། གྱེར་སྨྱག་ནས།།
དྲེ་བཙུན་སྦྱིན་པ་ལགས་། ཁྱེད་ཀྱི་རྗེ་ཡི་ཚད་མ་དང་བཟང་རྒྱལ་རྟགས་རིགས་སོགས་ཀྱི་ཡིག་ཆ་དཀའ་གནད་ཆེ་ས་ནས་དྲི་བ་བཀོད་པ་ཡག་པོ་
འདུག་། མི་མཐུད་ནས་དྲི་བ་བཀོད་རོག་གནང་། བཀྲ་ཤིས་བདེ་
ལེགས་། སྟོད་འགག་སྔོན་པོའི་འོག་གི་བོན་ཕྲུག་ནས་།
དྲེ་བཙུན་སྦྱིན་པ་བཀྲ་ཤིས་བདེ་ལེགས། དྲི་བ་དང་པོ་དེའི་ཐད་ཚད་མ་རིགས་གཏེར་ལས། ངེས་རུང་རྟགས་མིན་ཐེ་ཚོམ་ཕྱིར། །ངེས་པ་རྟགས་ཡིན་གོ་བྱེད་ཕྱིར། །ཞེས་གསལ་བ་ལྟར་དེ་གཉིས་གདམ་ངར་འདོད་པའི་ལུགས་ཤིག་སྔར་ནས་ཡོད་བཟོ་འདུག་པ་ལྟར་རྗེས་ཀྱང་དེ་གསུངས་པ་ཙམ་ལས་རྗེ་ཡི་དགོངས་པ་དངོས་ནི་འབྲུག་གིས་བཞག་པ་ལྟར་ངེས་པ་གཅིག་པུར་འཐད་པ་ཡིན། འདིའི་སྐོར་ཁོ་བོས་ཟིན་བྲིས་ལོགས་སུ་བྲིས་ཡོད་པས་དེར་གཟིགས་པར་ཞུ། སྤྱིར་ཁྱེད་ཀྱིས་དཔེ་ཆའི་སྐོར་ལ་དོ་སྣང་ལེགས་ཙམ་མཛད་ཚུལ་ཡོད་འདུག་པས་ཡི་རངས་ཞུ་བཞིན་ལགས། བོན་གྲོགས་བསྟན་རྣམ་ནས།གཤམ་དུ་དྲེ་བཙུན་སྦྱིན་པ།་ལགས་ཀྱིས་ལན་སློག་པ་ནི་
རྒན་ལགས་ཕེབས་པ་སྙིང་ཐག་པ་ནས་ཐུགས་རྗེ་ཆེ་ཆེ། ། དེ་རིང་ང་ཚོའི་འཛིན་གྲྭ་སྤྱི་ཡིས་ཚེ་དབང་བོད་ཡུལ་མ་ཡི་ཚོགས་འཁོར་འབུལ་བཞིན་ཡོད་པས་ཁོམ་པ་འདྲ་བྱུང་མ་སོང་། རྗེས་སུ་ཁྱེད་ཀྱིས་བྲིས་པ་སོགས་མཇལ་ནས་འདིའི་སྐོར་ལ་དཀའ་འདྲི་ཞུ་ཆོག་པ་གྱིས། སྦྱིན་པ་གཙུག་ཕུད་ནས་ཕུལ། །
རྒན་ལགས་ཕེབས་པ་སྙིང་ཐག་པ་ནས་ཐུགས་རྗེ་ཆེ་ཆེ། ། དེ་རིང་ང་ཚོའི་འཛིན་གྲྭ་སྤྱི་ཡིས་ཚེ་དབང་བོད་ཡུལ་མ་ཡི་ཚོགས་འཁོར་འབུལ་བཞིན་ཡོད་པས་ཁོམ་པ་འདྲ་བྱུང་མ་སོང་། རྗེས་སུ་ཁྱེད་ཀྱིས་བྲིས་པ་སོགས་མཇལ་ནས་འདིའི་སྐོར་ལ་དཀའ་འདྲི་ཞུ་ཆོག་པ་གྱིས། སྦྱིན་པ་གཙུག་ཕུད་ནས་ཕུལ། །
ཡང་རྗེ་ཡི་ཚད་མ་ལས་དེ་འོད་ལས་ནི་དེ་རྟོགས་བློ། རྗེས་པ་མ་ཡིན་རྗེས་དཔག་དཀའ། ཞེས་གསུང་པའི་དོན་རང་འགྲེལ་ལས། ནོར་བུའི་འོད་ཀྱི་རྟགས་ལས་ནོར་བུ་རྟོགས་པའི་བློ་ཞེས་གསུངས་འདུག་པ་མཐོང་མོད་། འོན་ཀྱང་རྗེ་རིན་པོ་ཆེས་ནོར་བུའི་འོད་དེ་ནོར་བུའི་ཁྱད་བོན་རུ་འདོད་པ་ཡིན་རྒྱུ་རེད་བསམ་གྱིན་འདུག དེས་ན་ནོར་བུའི་འོད་ངེས་ན་ནོར་བུ་ངེས་དགོས་པ་རྗེ་རིན་པོ་ཆེས་ཁྱད་བོན་གྱི་མཚན་ཉིད་འཇོག་སྟངས་ལ་བལྟས་ན་གསལ་བས་ན། ནོར་བུའི་འོད་ཀྱི་རྟགས་ལས་ནོར་བུ་རྟོགས་པའི་བློ་ཞེས་ཚིག་བསྡུས་ནས་གསུང་པ་ལས་དོན་དུ་དེ་ནོར་བུའི་འོད་ཀྱི་རྟགས་ལས། ས་ཕྱོགས་དེར་ནོར་བུ་ཡོད་པར་རྟོགས་པའི་བློ་ཞེས་གོ་བར་འགྲེལ་ན་མི་ཆོག་གམ་སྙམ།གཞན་གྱི་དྲི་བ་ཞིག་ནི་ངེས་རུང་ཞེས་པ་དེ་སྒྲ་བྱས་པ་ཡིན་མིན་ཐེ་ཚོམ་ཟ་བའི་རྒོལ་བ་ལྟ་བུ་གོ་དགོས་སམ་མི་དགོས། དེ་ལ་ལན་ཞིག་མགྱོགས་པོར་གནང་རོགས་ཞུ།གཤམ་དུ་དྲེ་བཙུན་སྦྱིན་པ།་ལགས་ཀྱིས་ལན་སློག་པ་ནི་
ཁོ་བོའི་དཔྱད་མཆན་ལ་ཞིབ་བལྟས་གནང་བ་སྙིང་ཐག་པ་ནས་ཐུགས་རྗེ་ཆེ་ཞུ། ། འདིར་ངེས་རུང་ཞེས་པ་ནི་ཐེ་ཚོམ་ཟ་བའི་རྒོལ་བ་ལ་གོ་ཡང་གོ་བའི་ཁྱབ་པ་མེད་དམ་སྙམ། ། མ་གཞི་ཐག་གདའ་ ག་ནས་ཆོད་བསམ་ཚུལ་ཙམ་ཡིན་རྒན་ལགས། །
ཁོ་བོའི་དཔྱད་མཆན་ལ་ཞིབ་བལྟས་གནང་བ་སྙིང་ཐག་པ་ནས་ཐུགས་རྗེ་ཆེ་ཞུ། ། འདིར་ངེས་རུང་ཞེས་པ་ནི་ཐེ་ཚོམ་ཟ་བའི་རྒོལ་བ་ལ་གོ་ཡང་གོ་བའི་ཁྱབ་པ་མེད་དམ་སྙམ། ། མ་གཞི་ཐག་གདའ་ ག་ནས་ཆོད་བསམ་ཚུལ་ཙམ་ཡིན་རྒན་ལགས། །
ཉིད་ཀྱི་དྲི་བ་གསུམ་པ་དེའི་དངོས་བསྟན་ལ། ནོར་བུའི་འོད་རྟགས་སུ་བཀོད་ནས། ནོར་བུ་བསྒྲུབ་བྱའི་བོན་དུ་བཟུང་བའི་གཏན་ཚིགས་ཡང་དག་ཅིག་བཞག་སྟེ། གཞན་དུ་ཐོས་པའི་སྟོབས་ཀྱིས་སྤུ་རིས་ཟིན་པས་མི་འགལ་ལོ། ཞེས་པའི་ལུང་དོན་དེ་ལ་འགྲེལ་ཚུལ་ཡོད་དམ་མེད་ཅེས་གསུངས་པ་དེ་ལ་ལན་ཕུལ་བ་ཡིན། མ་གཏོགས་ནོར་འོད་ཀྱི་རྟགས་ལས་ནོར་བུ་རྟོགས་པའི་རྗེས་དཔག་སྐྱེ་བྱེད་ཀྱི་ཚུལ་གསུམ་ཞོག་ཅེས་བརྗོད་པ་མཐོང་མ་བྱུང་བས་དགོངས་འགལ་མེད་པར་ཞུ།འོ་ལགས་སོ་དྲེ་བཙུན་ལགས་ཉིད་ཀྱི་ཟིན་ས་ན་ཕེབས་གྲངས་མང་བ་དེ་ཤིན་ཏུ་ལེགས་འདུག ངེས་རུང་ངམ་ངེས་པ་ཞེས་པའི་[ངམ]་དེ་གདམས་ང་ཡིན། གོང་དུ་མཆན་བཀོད་ཚུལ་གྱིས་གསལ་ཡོད། དོན་དུ་ངེས་རུང་དང་ངེས་པ་གང་རུང་ཡིན་ན་སྤྱིར་ཕྱོགས་བོན་གྲུབ་ས་འཇོག་རྒྱུ་ལས་རྒོལ་བ་དེས་ངེས་རུང་ཡིན་ན་རྒོལ་བ་དེའི་ངོར་ཕྱོགས་བོན་གྲུབ་ས་ལ་མི་འཇོག་པ་དེའང་གོང་གི་མཆན་ལས་གསལ་བས་མཆན་དེ་དག་བལྟ་ཡག་གྱིས་དཔྱད་ཡག་གྱིས་ཞེས་ཞུའོ། དེས་ན་གཞུང་གཅིག་གི་མགོ་མཇུག་ལ་འགལ་འདུ་འགྲོ་བའི་ཉེན་ཁ་ཡང་མེད་པར་སྙམ་སྟེ་རྗེས་སུ་ཞུ་ཆོག
ཁོ་བོས་ནི་འདི་ལྟར་སྙམ་སྟེ། ངེས་རུང་ཞེས་ངེས་ལོ་བའམ་ཆོག་པ་ཙམ་ལ་འཇོག ཐེ་ཚོམ་ཟ་བའི་རྒོལ་བས་ངེས་རུང་ཡིན་ཡང་། ངེས་རུང་ངམ་ངེས་པ་མིན་པས་ཕྱོགས་བོན་གྲུབ་པ་མི་འགྱུར་རོ། ། རྟགས་རིགས་ལས་ཀྱང་འདིར་ངེས་རུང་ཞེས་པ་སྒྲ་བྱས་པ་ཡིན་ཐེ་ཚོམ་ཟ་བའི་རྒོལ་བ་ལྟར་བུ་ལ་གོ་དགོས་སོ་ཞེས་གསུངས་པས་དེ་འདྲའི་རྒོལ་བ་དེ་ལ་ངེས་རུང་ཞེས་པའི་དོན་ཚང་བ་ཙམ་ལས། ངེས་རུང་ངམ་ངེས་པ་ཞེས་པའི་དོན་མ་ཚང་སྟེ། ངེས་རུང་དང་ངེས་པ་གཉིས་ཀ་མ་ཡིན་པའི་ཕྱིར། དེས་ན་གཞུང་གོང་འོག་གཉིས་དོན་ཁ་ཁ་འགྲེལ་ཐབས་མེད་པས་སོ། །དྲྭ་གྲོགས་བོན་སྨྱུག་ལགས། ཡང་བཀྲ་ཤིས་བདེ་ལེགས་གཅིག་ཞུ་རྒྱུ་ཡིན། དྲེ་བཙུན་ང་ཡིས་ནོར་བུའི་འོད་ཀྱིས་རྟགས་ལས་ནོར་བུ་རྟོགས་པའི་རྗེས་དཔག་སྐྱེད་བྱེད་ཀྱི་ཚུལ་གསུམ་ཞོག་ཞུས་པ་ལས། ། གཞི་དེ་ན་ནོར་བུ་ཡོད་པ་རྟོགས་པའི་རྗེས་དཔག་ཞོག་ཅེས་ཞུས་མེད། རྒྱུ་མཚན་དེས་ན་ནོར་བུ་སྒྲུབ་བྱིའི་བོན་དུ་བཟུང་བ་དང་ནོར་འོད་རྟགས་སུ་བཀོད་པ་འཐད་མོད་ཀྱང་། དེ་ལ་བརྟེན་ནས་སྐྱེས་པའི་རྗེས་དཔག་དེ་ནོར་བུ་རྟོགས་པའི་རྗེས་དཔག་ཇི་ལྟར་སྒྲུབ། །འཁྱམས་པོ་བ་དང་བོན་སྨྱུག་རྣམ་གཉིས་ཕེབས་པ་ལ་བཀྲ་ཤིས་བདེ་ལེགས་གྲངས་མང་ཞུ།། ཡིན་ནའང་ཁོ་བོས་འདྲི་རྒྱུ་ཞིག་ལ་རྗེའི་ཚད་མ་རྣམ་འགྲེལ་ལས་ཕྱོགས་ཀྱི་བོན་གྱི་མཚན་ཉིད་གསུངས་སྐབས་ངམ་ཞེས་པ་དེ་གདམ་ངའི་ཚིག་ཡིན་ནམ་མིན། ཡིན་ན་ངེས་རུང་དང་ངེས་པ་གང་གདམ་གདམ་ཆོག་པ་ཞིག་དགོས་པས་ཡིད་དཔྱོད་ཙམ་དུ་ངེས་པ་དང་དོན་འགྱུར་གྱི་ཐེ་ཚོམ་ཟོས་པའི་གང་ཟག་གི་ངོར་ངེས་པ་གདམ་ན་ཆོག་གམ། གདམ་ངའི་ཚིག་མིན་ན་གང་ཡིན། ། གདམ་ངའི་ཚིག་ཡིན་ཡང་གང་གདམ་གདམ་མ་ཆོག་ན། དཔེར་ན་དུད་ཚང་ཞིག་གི་ཁྱིམ་དུ་སླེབས་སྐབས་ཤ་ཟ་འམ་མར་ཟ་ཞེས་བཤད་ཀྱང་ཤ་མ་བྱིན་པ་དང་ཅིས་མི་མཚུངས། །བཟང་རྒྱལ་རྟགས་རིགས་ལས་སྒྲ་བྱས་པ་ཡིན་མིན་ཐེ་ཚོམ་ཟ་བའི་རྒོལ་བ་ལྟར་བུ་ལ་དགོངས་པ་སེམས་སོ་ཞེས་གསུངས་པས་རྒོལ་བ་དེས་ཀྱང་ངེས་རུང་ཡིན་ཀྱང་རྒོལ་བ་དེའི་ངོར་ཕྱོགས་བོན་གྲུབ་པ་ཤིན་ཏུ་མི་འཐད་དེ། གཞུང་དེ་ཉིད་ལས་གསུངས་པའི་ཕྱོགས་བོན་གྱི་མཚན་ཉིད་ལ་གཟིགས་ན་ཤེས་དགོས་ས་རེད། དེ་མིན་ན་གཞུང་གཅིག་གི་མགོ་མཇུག་ལ་འགལ་འདུ་འགྲོ་བའི་ཉེན་ཁ་ཆེ་བས་སྨྱུག་ཁ་ཏོག་ཙམ་སྒྱུར་ན་བཟང་ངམ་སྙམ།། རྗེས་སུ་མཇལ་ཆོག དྲེ་བཙུན་སྦྱིན་པ་འབོད་པ་དེས་རྫོང་ཐོག་ཏུ་བྲིས། །
ཡང་དྲེ་བཙུན་སྦྱིན་པ་ལགས་ལ་དྲི་རྒྱུ་ཞིག་ནི། བཟང་རྒྱལ་རྟགས་རིགས་ལས། ངེས་རུང་ཞེས་པ་ནི་སྒྲ་བྱས་པ་ཡིན་མིན་ཐེ་ཚོམས་ཟ་བའི་རྒོལ་བ་ལྟ་བུ་ལ་དགོངས་པར་སེམས་སོ། །གསུངས་པ་དེ་ཁ་ཕོར་ནང་ནས་ལན་གཅིག་སྤྱོད་པའི་ཤོག་ཕོར་ལྟ་བུ་ཞིག་ཡིན་ནམ།འོན་ཀྱང་ནོར་བུའི་འོད་ངེས་མ་ཐག་ནས་ནོར་བུ་ངེས་པས་ཁྱབ་པའི་ཕྱིར་ཞེས་བྲིས་འདུག་པ་དེར་ཁྱེད་ནས་ཀྱང་ཚིག་སྐྱོན་ཏོག་ཙམ་ཞིག་ཤོར་འདུག་སྙམ། གང་ལགས་ཤེ་ན། ནོར་བུའི་འོད་ངེས་པའི་སྔོན་དུ་ནོར་བུ་ངེས་དགོས་པ་ལས་ནོར་བུའི་འོད་ངེས་མ་ཐག་ནས་ནོར་བུ་ངེས་ན། ལྟོས་གཞི་དང་ལྟོས་པ་གོ་ལྡོག་པའི་སྐྱོན་ཡོད་དམ་སྙམ།གོང་གི་དཔྱད་མཆན་བཞི་པ་གནང་མི་ལགས། ནོར་བུའི་འོད་རྟགས་སུ་བཀོད་པའི་རྟགས་ཡང་དག་ཡིན་ན་ནོར་བུའི་འོད་དང་གཅིག་ཡིན་དགོས་པར་གུས་པས་ཀྱང་འདོད་པ་ཡིན། འོན་ཀྱང་ཁར་སོང་མཆན་བཀོད་སྐབས་ཚིག་ལ་ཞིབ་ཆ་མ་ཐོན་ནས་ཚིག་གྲོགས་སྦྱར་མང་སོང་བས་དགོངས་འགལ་མེད་པར་ཞུ། དེ་མ་གཏོགས་སྐབས་འདིར་རྟགས་ལ་ནོར་བུའི་འོད་ཡོད་པའི་ཕྱིར་ཞེས་བཀོད་ཆོག ཡང་རྒྱུ་མཚན་དེ་ལ་བརྟེན་ནས་སྐྱེས་པའི་རྗེས་དཔག་དེ་གཞི་དེར་ནོར་བུ་ཡོད་པར་རྟོགས་པའི་རྗེས་དཔག་ལས་ནོར་བུ་རྟོགས་པའི་རྗེས་དཔག་མིན་པར་གུས་པས་ཀྱང་འདོད་ཆོག འོན་ཀྱང་སྦྱོར་བ་དེ་ནོར་བུ་བསྒྲུབ་བྱའི་བོན་དུ་བཟུང་བའི་རྟགས་སྦྱོར་ཡིན་རུང་སྟེ། ནོར་བུ་བསྒྲུབ་བྱའི་བོན་དུ་བཟུང་བའི་གཞན་དོན་རྗེས་དཔག་གིས་བསྐྱེད་པའི་རྗེས་དཔག་ཚད་མ་ཡིན་ན་ནོར་བུ་རྟོགས་པའི་རྗེས་དཔག་ཚད་མ་ཡིན་མི་དགོས་སྙམ། དཔེར་ན་མེ་བསྒྲུབ་བྱའི་བོན་དུ་བཟུང་བའི་རྟགས་སྦྱོར་ལ་བརྟེན་ནས་སྐྱེས་པའི་རྗེས་དཔག་ཚད་མ་ཡིན་ན་མེ་ལ་ཚད་མ་འགྲོ་བའི་ཁྱབ་པ་མེད་པ་བཞིན་ཡིན། དེ་ཡང་མེ་ངེས་ལ་དུ་ལྡན་ལར་མེ་ཡོད་མེད་ཤེས་འདོད་ཞུགས་པའི་གང་ཟག་གི་ངོར། དུ་ལྡན་ལར་བོན་ཅན། མེ་ཡོད་དེ། དུ་བ་ཡོད་པའི་ཕྱིར་ཞེས་པའི་རྟགས་སྦྱོར་དེ་མེ་བསྒྲུབ་བྱའི་བོན་དུ་བཟུང་བའི་རྟགས་སྦྱོར་ཡིན་པ་གང་ཞིག རྟགས་སྦྱོར་དེས་བསྐྱེད་པའི་རྗེས་དཔག་ཚད་མ་དེ་མེ་ལ་ཚད་མ་མ་ཡིན་པ་ཤེས་གསལ་བཞིན་ནོ། ཞེས་པ་ནི་གུས་པའི་བསམ་ཚུལ་ཙམ་ཞིག་རང་གཞན་གཉིས་ཀར་བསམ་བློ་བརྗེ་རེས་ཀྱི་ཆེད་དུ་ཕུལ་བ་ཡིན་པས་གཟིགས་པར་མཛོད་ཅིགའཁྱམས་པོ་བ་ལགས་དགའ་བསུ་ཞུ། ཉིད་ཀྱིས་གསུངས་པ་ལ་མངོན་པར་བསྟོད་དོ། གུས་པའི་བསམ་ཚུལ་དང་ཉིད་ཀྱིས་དགོངས་ཚུལ་མཐུན་པོ་བྱུང་སོང་། ངས་དེ་གཉིས་དགོངས་པ་མི་མཐུན་པར་གླེང་བ་ལ། ཟིན་བདག་ནས་ཁ་ཕོར་བདག་པོ་མ་རྒྱབ་པའི་ཉེས་པ་བཀལ་སོང་བ་དེ་ལ་གུས་པས་ལན་ཞིག་ཕུལ་འདོད་ཆེ་རུང་དུས་ཚོད་ཀྱིས་མ་འདང་བས་དེ་རིང་བར་དུ་དྲ་བར་སླེབས་མ་སོང་། དེས་ན་ངས་འདི་ནས་ཟིན་བདག་ལ་འབུལ་དགོས་པའི་སྐད་ཆ་ཞིག་ནི། སྤྱིར་ཁ་ཕོར་བདག་པོ་རྒྱག་མིན་གྱི་སྐད་ཆ་དེ་གཅིག་བྱས་ན་ལུགས་སྲོལ་འཛིན་སྟངས་ཤིག་རེད་པས་ལོས་ཁས་ལེན་དགོས། ཡང་གཅིག་བྱས་ན་མཚན་ཉིད་པའི་ཨུ་ཚུགས་ཀྱི་སྐད་ཆ་ཞིག་ཀྱང་རེད་སྙམ། འོན་ཀྱང་གུས་པར་ཁ་ཕོར་བདག་པོ་མ་རྒྱབ་པའི་ཉེས་པ་དེ་ཡང་མེད་དེ། གོང་དུ་ཨ་མའི་བུ་ཡིས་ལན་བརྒྱབས་པ་བཞིན་ངེས་རུང་ཞེས་པ་དེ་ནི་སྒྲ་བྱས་པ་ཡིན་མིན་ཐེ་ཚོམས་ཟ་བའི་རྒོལ་བ་ལྟ་བུ་ལ་གོ་དགོས་པ་བཟང་རྒྱལ་ཉིད་ཀྱི་དགོངས་པ་ཡིན་པར་ང་ཚོས་ཤེས་དགོས་ཚོད་རེད། དེས་ན་རྗེ་རིན་པོ་ཆེས་སྤྱིར་བཏང་གི་ཕྱོགས་བོན་གྱི་མཚན་ཉིད་བཞག་པ་ཡིན་ལ། བཟང་རྒྱལ་གྱིས་སྒྲ་མི་རྟག་པར་རྗེས་དཔག་ཚད་མས་ངེས་ཁ་མའི་རྒོལ་བའི་ངོ་ལ་དགོངས་ནས་མཚན་ཉིད་བཞག་པ་ཡིན་པས་ཨུ་ཚུགས་ཀྱིས་བཙན་སྒྲིག་བྱེད་པ་ལས་དགོངས་པ་སོ་སོར་འགྲེལ་ན་བསམ་བྱུང་།དྲི་བ་དང་པོའི་ལན། གཞུང་གོང་འོག་གཉིས་པོ་དེ་གཞི་གཅིག་ལ་འགྲེལ་མི་རུང་སྟེ། དེ་གཉིས་དགོངས་པ་མི་མཐུན་པས་སོ།། རྒྱུ་མཚན་ནི། གཞུང་འོག་མའི་བྱེད་པོ་རང་གིས་གཞུང་གོང་མའི་དོན་ལ་དགོངས་པ་བླང་ནས་སྒྲ་བྱས་པ་ཡིན་མིན་ཐེ་ཚོམ་ཟ་བའི་རྒོལ་བ་ལྟ་བུ་ལ་དགོངས་པ་སེམས་སོ་ཞེས་གསུངས་སོ། འོན་ཀྱང་རྒོལ་བ་རང་ཉིན་གྱིས་ངེས་དགོས་དང་མི་དགོས་ཀྱི་ཁྱད་པར་སོ་སོར་གྲུབ་པའི་ཕྱིར། གཞུང་གོང་མའི་འདོད་ཚུལ་ལ་ངེས་ཆོག་ཆོག་ཡིན་ལ་སྐབས་དེར་མ་ངེས་པ་ལ་གོ་དགོས་ཞེས་ཟེར་སྲོལ་ཡང་ཡོད། གཞུང་འོག་མའི་འདོད་ཚུལ་ལ་ངེས་པར་དུ་རྒོལ་བ་རང་གིས་རྟོགས་དགོས་པ་བསྟན་པའི་ཕྱིར། རྒྱུ་མཚན་དེས་ན་གོ་བ་སོ་སོའོ་སྙམ། འཁྱམ་པོ་བ་ཞིག་གིས།གཉིས་པའི་དྲིས་ལན་དེ་ལ་ཞལ་མཇལ་འདྲ་བྱུང་ན་ཞུ་ཆོག་པ་གྱིས་མ་གཏོགས་མགོ་ཉོབ་པོ་འདུག ༣ ནོར་བུའི་འོད་རྟགས་སུ་བཀོད་པའི་རྟགས་ཡང་དག་ཡིན་ན་ནོར་བུའི་འོད་དང་གཅིག་ཡིན་དགོས་སམ་མི་དགོས། དགོས་ན་ཕོ་བྲང་གི་སྒོ་སྟེང་ན་ནོར་འོད་འཕྲོ་བ་དེ་ནོར་བུའི་འོད་དང་གཅིག་འགྱུར་ལ། མི་དགོས་ན་ཡང་བཟང་རྒྱལ་རྟགས་རིགས་ལས་བྱས་པའི་རྟགས་ཀྱིས་སྒྲ་མི་རྟགས་སྒྲུབ་པའི་རྟགས་ཡང་དག་ཡིན་ན་བྱས་པ་དང་གཅིག་ཡིན་དགོས་པ་རྟགས་གཞན་པ་ཀུན་ལ་རིགས་འདྲེའོ་ཞེས་གསུངས་པའི་ཕྱིར། །ཡང་རྒྱུ་མཚན་དེ་དག་ལ་བརྟེན་ན་སྐྱེས་པའི་རྗེས་དཔག་དེ་གཞི་དེར་ནོར་བུ་ཡོད་པ་རྟོགས་པའི་རྗེས་དཔག་ལས་ནོར་བུ་རྟོགས་པའི་རྗེས་དཔག་མ་ཡིན་པའི་ཕྱིར་ཏེ་ནོར་བུའི་འོད་ངེས་མ་ཐག་ནས་ནོར་བུ་ངེས་པའི་ཁྱབ་པའི་ཕྱིར། །ཟིན་ས་འདི་རུ་མཉམ་དུ་བསྐྱོད་དང་སྐྱོད་བཞིན་པའི་དྲྭ་གྲོགས་བོན་སྨྱུག་ཕེབས་པ་ལ་དགའ་བསུ་ཡིད་རང་ཡོད། ལགས་ཀྱིས་སྒྲ་བྱས་པ་ཡིན་མིན་དོན་འགྱུར་གྱི་ཐེ་ཚོམ་ཟོས་པའི་སྒོར་བའི་ངོར་བྱས་པ་སྒྲ་མི་རྟག་པ་སྒྲུབ་པའི་ཕྱོགས་བོན་རུ་སྒྲུབ་འདུག དེ་ལྟར་ན། བཟང་རྒྱལ་རྟགས་རིགས་ལས་རང་ཉིད་ཕྱོགས་བོན་ཅན་དུ་སོང་བའི་གང་ཟག་གིས་རང་ཉིད་ཤེས་འདོད་བོན་ཅན་སྐྱོན་མེད་ལ་ཇི་ལྟར་བཀོད་པ་བཞིན་དུ་ཡོད་པ་ཉིད་དུ་དངོས་སུ་ངེས་པ་ཞེས་པའི་ཕྱི་མ་ངེས་པ་དེ་ལ་རྣམ་བཅད་ཡོངས་གཅོད་ཀྱི་དགོས་པ་གཉིས་ལས་རྣམ་བཅད་དུ་སྒྲ་བྱས་པ་ཡིན་མིན་ཐེ་ཚོམ་ཟ་བའི་རྒོལ་བའི་ངོར་བྱས་པ་སྒྲ་མི་རྟག་སྒྲུབ་པའི་ཕྱོགས་བོན་ཡིན་པ་ཤུགས་ལས་ཁེགས་པར་འགྱུར་ཏེ། དེས་བྱས་པ་སྒྲའི་སྟེང་དུ་ཡོད་པར་མ་ངེས་པའི་ཕྱིར། དེ་སྒྲ་བྱས་པ་ཡིན་མིན་ཐེ་ཚོམ་ཟ་བའི་རྒོལ་བ་ཡིན་པའི་ཕྱིར་ཞེས་རྒྱུ་མཚན་ཡང་དག་ཏུ་བཀོད་པས་གྲོགས་པོས་ཉིན་ལྟར་བེད་སྤྱོད་གནང་དང་གནང་བཞིན་པའི་སྐུ་ཟུར་གྱི་ཁ་ཕོར་གཅེས་སྤྲས་བྱེད་ན་བཟང་ངམ་སྙམ ། ། ཁོ་བོས་ནི་འདི་ལྟར་སྙམ་སྟེ། ངེས་རུང་ཞེས་ངེས་ལོ་བའམ་ཆོག་པ་ཙམ་ལ་འཇོག ཐེ་ཚོམ་ཟ་བའི་རྒོལ་བ་དང་ངེས་པའི་རྒོལ་བ་གཉིས་ཀའི་ངོར་ངེས་ཆོག་པས་སོ། །དྲེ་བཙུན་ལགས་ཁམས་བཟང་། ༼དྲི་བ་དང་པོ་དེ་ལ༽་རང་གིས་ཁྱུག་ཙམ་ཞིག་བལྟས་ཏེ་བསམ་ཚུལ་ཞིག་བྲིས་ན། དེ་གཉིས་དོན་དག་གཅིག་ཐོག་ཏུ་འགྲེལ་རྒྱུ་ཡོད་དེ་དེ་གཉིས་ཀ་ཕྱོགས་བོན་གྱི་དོན་ལ་འགྲེལ་དགོས་པའི་ཕྱིར་ཞེས་ཀུ་རེའི་ཚུལ་དུ་ཕུལ་བ་ནི་དྲི་བ་པོར་འདྲིས་ཆེ་བའི་སྟབས་ཀྱིས་ཡིན་ཡང་གོ་རྒྱུ་ཅུང་ཟད་ཡོད་ན་ཆོག ཡིན་ནའང་རྗེ་རིན་པོ་ཆེས་རྟགས་ཤེས་འདོད་བོན་ཅན་ལ་ཡིད་དཔྱོད་ཙམ་གྱིས་ངེས་པའམ། དོན་འགྱུར་གྱི་ཐེ་ཚོམ་ཟོས་པའི་གང་ཟག་གི་ངོར་ཕྱོགས་བོན་གྲུབ་པར་བཞེད་འདུག་སྙམ་ཏེ་ངེས་རུང་ཞེས་པའི་ཚིག་ལ་ལྷན་པ་མང་པོ་འདེབས་ས་མེད་པས་སོ།༼དྲི་བ་གཉིས་པ་དེ་ལ་༽སྤྱིར་དུ་བ་ཡོད་ན་མེ་སྔོན་སོང་བའི་ཁྱབ་པའི་དོན་ཡིན་པར་འདོད། ༼དྲི་བ་གསུམ་པ་དེ་ལ་༽ནོར་འོད་རྟགས་སུ་བཀོད་ནས་ནོར་བུ་སྒྲུབ་བྱའི་བོན་དུ་བཟུང་བའི་རྟགས་ནི། རྒྱལ་བུ་ཀུན་འོད་ཀྱི་ཕོ་བྲང་ནང་བོན་ཅན། དེར་ནོར་བུ་ཡོད་དེ། ཕོ་བྲང་གི་སྒོ་སྟེང་ན་ནོར་འོད་ཡོད་པའི་ཕྱིར། ཞེས་སུ་བཀོད་པ་དེ་ཡིན། གཞན་དུ་མཐོང་བའི་སྟོབས་ཀྱིས་སྤུ་རིས་ཟིན་པས་མི་འགལ་ཞེས་གསུངས་པ་ལྟར། སྐབས་སུ་བབ་པའི་ཕྱི་རྒོལ་ཡང་དག་དེས་ནོར་བུ་དེའི་འོད་མ་ངེས་ཀྱང་དེ་སྔོན་ནོར་བུའི་འོད་མཐོང་མྱོང་བའི་བྱེད་པ་མ་ཉམས་པའི་སྟོབས་ཀྱིས་སྐབས་དེའི་འོད་མཐོང་མ་ཐག་ནས་ནོར་འོད་ངོ་ཤེས། ཤེས་མ་ཐག་ནས་འོ་འདིར་ནོར་བུ་ཡོད་ཟིག་བསམ་པའི་རྗེས་དཔག་ཚད་མ་སྐྱེས་པའི་དོན་ཡིན་པར་བསམ། འཐད་མིན་དཔྱོད་ཅིག །
མེད་མེད་་་་་་