ཨེ་ཛིའི་ནད་ལ་དོགས་གཟབ་གནོངས།
སྤྱིར་ཨེ་ཛིའི་ནད་དེ་འགོས་པར་བརྒྱུད་ལམ་གསུམ་ཡོད་པར་སྨྲ་ནའང་། བོད་ཀྱི་ཁོར་ཡུག་ལ་མཚོན་ན་ཆེའི་གཙོ་བོ་ནི་ཕོ་མོའི་ལུས་འབྲེལ་བརྒྱུད་ནས་འབྱུང་བར་
འགྱུར་བ་ཤས་ཆེ་བས་དེའི་ཕྱོགས་ལ་གཙོ་བོར་མཉམ་འཇོག་གནང་དགོས་པ་དང་། དེ་དང་ཞོར་དུ་བརྒྱུད་ལམ་གཞན་དག་ལའང་ཐུགས་གཟབ་བྱེད་དགོས་པ་སོགས་ཀྱི་
སྐོར་ལ་ན་ནིང་སི་ཁྲོན་བོད་སྐད་བརྙན་འཕྲིན་ཁང་གི་བྱམས་པའི་ཁ་བརྡ་ལེ་ཚན་དུ་དེའི་
ཕྱོགས་ཀྱི་ཁ་བརྡ་ཞིག་བྱས་ཡོད་པས་དེ་ལ་གཟིགས་ཞིབ་གནང་བ་དང་། དེ་མིན་ད་དུང་ནད་འདིའི་སྐོར་གྱི་ཤེས་བྱ་རྒྱ་བོད་དབྱིན་གསུམ་གྱི་འཕྲིན་དྲྭ་སོ་སོ་ནང་
གང་མང་ཡོད་སྲིད་པས་རང་གིས་ཤེས་པ་དང་གཞན་ལ་བརྒྱུད་སྒྲོག་གང་མྱུར་མ་བྱས་ཚེ། ད་དུང་བོད་ཀྱི་ཡུལ་གྲུ་ཕལ་ཆེ་བ་ན། སློབ་གསོའི་གོ་རྟོགས་ཞན་ལ། ཡིག་རྨོངས་ཀྱི་གནས་སྐབས་ཡིན་པ་སོགས་ཀྱིས་ཕྱོགས་འདིར་དོ་སྣང་བྱེད་ཤེས་མཁན་ཡང་
ཤིན་ཏུ་ཉུང་བར་སྣང་ངོ་།།དེའི་ཕྱིར་རིགས་མཐུན་ཡོངས་ཀྱིས་མ་ཕབ་རང་བབས་ཀྱི་
འོས་འགན་རེ་དང་དུ་བླངས་ནས་རང་ནུས་གང་ཡོད་རེ་འདོན་དགོས་ངེས་སྙམ་མོ།།
|
ན་བུན་གླིང་གི་སེམས་ཞེས་པའི་བོད་ཡིག་ཟིན་བྲིས་ལས་ནང་འདྲེན་བྱས། |
