བརྩེ་འཕྲིན་དུང་ཡིག་མ། 

        བསྟན་འཛིན་ཡེ་ཤེས།  

ངའི་སེམས་ནང་གི་མེ་ཏོག་ལྷ་མཛེས། ། 

ཁྱོད་མ་མཇལ་ལོ་ཟླའི་རིང་ལ། །

ལུས་སེམས་ལ་ན་ནད་མེད་པར ། །

སྔར་བཞིན་དུ་བདེ་བར་གནས་སམ། །

ང་རང་ཉིད་སློབ་ལ་བྲེལ་ཞིང་། །

ཤེས་རིག་གི་བདུད་རྩི་འཐུང་བཞིན། །

དགེ་སློབ་ཚོའི་བྱམས་བརྩེའི་འོག་ལ། །

རིག་གཞུང་གི་ཐང་ནས་བགྲོད་ཡོད། །

ཁྱོད་ངེད་གཉིས་ཕན་ཚུན་བར་ལ། །

ལ་ལུང་པ་མང་པོས་ཆོད་ཀྱང་། །

འགྱུར་མེད་ཀྱི་དམ་བཅའ་བརྟན་པོ། །

རྡོ་བརྐོས་རི་མོ་བཞིན་གནས་ཡོད། ། 

སྔོན་བསགས་དང་ལས་དབང་ཞིག་གིས། །

བརྗེད་དཀའ་བའི་བརྩེ་གྲོགས་གྱུར་ཐལ། ། 

ཁྱོད་མ་འགྱུར་བྲག་རི་བཞིན་གནས་དང་། །

ང་མི་འགྱུར་ཐང་དཀར་བཞིན་ལོས་འཁོར། ། 

ངེད་གཉིས་ཀྱི་ལྷད་མེད་བརྩེ་དུང་། །

དུས་ནམ་ཡང་འགྱུར་བ་མེད་པར། །

བེད་སྐྱིད་ཀྱི་དགོད་སྒྲའི་ཁྲོད་ནས། །

མི་ཚེ་འདིར་མཐའ་འཁྱོངས་ཡོངས་ཤོག །