རྩོམ་འདི་ཁྱུང་པོའི་ཡུལ་སྐད་ཕྱོགས་བསྡུས་ལས་ཟུར་འདོན་ཞུས་པ་ཡིན་ལ་དྲ་གཟིགས་པ་རྣམས་ནས་དགེ་འདོན་སྐྱོན་སེལ་གང་ལེགས་སྐྱབས་འཇུག་མ་ཆུང་ཞུ། ཟིན་བདག་ནས།
ལེའུ་ལྔ་པ།
སྒོ་ནོར་གྱི་སྐོར།
ཁེས། གཡག་སྟེ། འདི་ལ་ཁལ་ཡང་ཟེར།
འབི། འབྲི།
ཡར་མ། ཡར་རུའི་མ་འབྲི།
དྲུས་མ། བེའུའི་མ་འབྲི།
ཐུས་མ། སོ་གཉིས་བཞི་ཅན་གྱི་འབྲི།
གཡེག་འུ། གཡག་གུ་སྟེ། སོ་གཉིས་བཞི་ཙམ་གྱི་གཡག
འཁར་སྡིག་མ། འཁོར་མ་མྱོང་བའི་འབྲི་སོ་བཞི་མ།
འབི་ལྕམ་མ། བུ་སྐྱེ་རྒྱུ་མེད་པའི་འབྲི།
སྐམ་རག བཞོན་མ་མ་ཡིན་པའི་ཟོག་ཡན་པ།
སྐམ་ཁྲི་མ། འབྲི་སོགས་སྦྲུམ་མ་སྟེ། ཁོག་ཏུ་བུ་ཡོད་པའི་མ་འབྲི།
བེའུ་ར། བེའུ་དྭ་སྟེ། མ་ཤི་བའི་བེའུ། རྟེའུ་ར་སོགས་ཀྱང་འདྲ། སྤྱིར་ཟོག་ལ་ན་རིམ་གྱི་མིང་ལ། ༡ བེའུ། ༢ ཡར་རུ། ༣ ཕོ་ལ་ཤེད་པོ་མོ་ལ་ཤེད་མོ། ༤ སོ་གཉིས། ༥ སོ་བཞི། ༦ སོ་དྲུག ༧ ཁ་ཚང་། ༨ དྲུས་གཅིག་སོགས་ཟེར།
ཆུང་གཡག གཡག་ཐུག་སྟེ། བྱ་མ་བཅད་པའི་གཡག
སྐྱ་ཁེས། བྱ་བཅད་པའི་གཡག
ཚེ་ཧོ། ཚེ་ཐར་བཏང་བའི་ཕྱུགས་རིགས་ཏེ། ར་ཚེ་ཧོ་ལྟ་བུ།
ཨ་ཡུ། རྭ་མེད་པའི་གཡག་སོགས་ཏེ། ར་ཨ་ཡུ་ལྟ་བུ།
ཨ་འབོ། རྣ་བ་ཚད་མ་ལོན་པའི་རིགས་ཏེ། ལུག་ཨ་འབོ་ལྟ་བུ།
སྣ་ལོ། སྣ་ཕུག་པའི་གཡག་ཡུ་བོ།
རྨོ་ཁེས། ཞིང་རྨོ་བྱེད་ཀྱི་གཡག
རྒོད་མ། བུ་ཡོད་པའི་རྟ་མོ།
རྒོད་ལྕམ་མ། རྟེའུ་སྐྱེ་རྒྱུ་མེད་པའི་རྟ་མོ།
རྟ་གསེབ། བྱ་མ་བཅད་པའི་རྟ་ཕོ།
རྟི་ལི། རྟེའུ། རྟ་ལ་ན་རིམ་གྱི་མིང་ལ། ༡ རྟེའུ་ལི། ༢ བར་ལའམ་ཅོག་བྲེག ༣ གཟིས་བའམ་སྒ་རྒྱག་ཕོ་ལ་འཐོར་རུ་མོ་ལ་འཐོར་མོ། ༤ ཕོ་ལ་བཞི་བོ་མོ་ལ་བཞི་མོ། ༥ ན་དང་པོ། ༦ ན་གཉིས་པ་སོགས་ཟེར།
དྲིས། དྲེལ།
མ་མོ། མོ་ལུག་ཆེ་བ།
ཤབ་པོ། ཕོ་ལུག་སྟེ། ཤབ་གཟན་ཡང་ཟེར།
ཐུག་རེ། ཐུག་སྦྲེ་སྟེ། བྱ་མ་བཅད་པའི་ལུག་ཕོ།
ལུག་འུ། ལུ་གུ། ལུག་ལ་ན་རིམ་གྱི་མིང་ནི། ༡ ལུག་འུ། ༢ ལ་ག ༣ ཕོ་ལ་ཐང་ངེ་མོ་ལ་ཚེར་མོ། ༤ཕོ་ལ་སྙིས་པ་མོ་ལ་མ་སྙིས། ༥ ཕོ་ལ་ཧྲུག་པ་མོ་ལ་མ་ཧྲུག ༦ ཆིབ་གཅིག་སོགས་ཟེར།
ཅོ་ལོ། ར་ཐུག
ར་མ། མོ་ར་ཆེ་བ།
ར་ཧོ། ཕོ་ར་ཆེ་བ།
རེའུ་ཚེ། རེའུ་སྟེ། འདི་ལ་རེའུ་མུག་ཀྱང་ཟེར། ར་ལ་ན་རིམ་གྱི་མིང་ནི། ༡ རིས་ཚེ། ༢ ཕོ་ལ་ཙི་རེ་མོ་ལ་ཙི་མོ། ༣ ཕོ་ལ་ར་ཧྲང་མོ་ལ་ར་སེར། ༤ ར་སྙིས། ༥ ར་ཧྲུག ༦ ཆིབ་གཅིག་སོགས་ཟེར།
གུ་རུ། བོང་བུ། གུ་རུ་ལ་ན་རིམ་གྱི་མིང་ནི། ༡ གུ་རྟེའུ། ༢ བར་ལ་འམ་དབྱར་གཉིས། ༣ དབྱར་གསུམ། ༤ དབྱར་བཞི། ༥ ན་དང་པོ་སོགས་ཟེར།
སྐོར་ཁྱི། སྒོ་ཁར་འདོགས་པའི་ཁྱི།
ཡན་ཁྱི། མ་བསྐོར་བའི་ཁྱི་སྟེ། ཁྱི་འཁྱམས་ཀྱང་ཟེར།
བུས་ཁྱི། རྣ་བ་མར་དཔྱངས་པའི་ཁྱི་ཞིག
ཇོ་ར། རྣ་བ་ཡར་བསླངས་པའི་ཁྱི་རིགས་ཞིག
ཤ་ཁྱི། རྔོན་བྱེད་པར་སྤྱོད་པའི་ཁྱི།
འཛམ་ཁྱི། འཛམ་བས་འཁྲིད་པའི་ཁྱི།
ཨོ་ཡོ། ཁྱིའུ་སྟེ། ཨོ་ཀོག་ཀྱང་ཟེར། ཁྱི་ལ་ན་རིམ་གྱི་མིང་ལ། ༡ ཨོ་ཕྲུག ༢ ཨོ་ཧྲང་། ༣ ཨོ་ལག ༤ ཡན་ཁྱི་ཆེ་བའོ།
ཕོ་ཁྱུག་མོ་ཁྱུག ཁྱིའུ་ཕོ་མོ།
གླ་ངེ་། གླང་།
རྒ་གླང་། གླང་ཐུག
བ་གུ། བ་གླང་།
བ་ཧྲོ། བ་ཡི་ཕྲུ་གུ་སྟེ། འདི་ལ་བ་ཡུ་ཡང་ཟེར། བ་གླང་ལ་ན་རིམ་གྱི་མིང་ལ། ༡ ཕོ་ལ་གླང་རྟེའུ། མོ་ལ་གླང་དགའ།༢ ཡར་བུ། ༣ ཡན་ཟོག་དང་བརྩི་ཚུལ་འདྲ།
བ་ཡུ། མཛོ་ཕྲུག
རྟོ་ལེ། མཛོ་མོའི་བུ།
ངར་ར། རྟོ་ལེའི་བུ། དེའི་བུ་ལ་ངུར་མོ་ནས། ཤང་ཤང་། ཅིས་དྲིད། ལྡུང་ལྡུང་། གཡང་གི་བ་ཡུ་ཁྲ་དགའ་སྟེ། དེ་ཟོག་དངོས་སུ་འགྱུར་ཟེར།
