རང་གཞན་གཉིས་ལ་ཕན་པའི་གཏམ།

རང་རིགས་རང་གི་ཉར་དགོས་རང་ཚུགས་བཟུང་།

རང་སྐད་རང་གི་བཤད་དགོས་རང་ཡིག་སྦྱོང་།

རང་གོས་རང་གི་གྱོན་ནས་རང་སྲོལ་འཛིན།

རང་རིགས་ཁ་བ་ཅན་གྱི་སྤུན་ཟླ་རྣམས།

གཞན་ལ་གནོད་པ་མ་བྱེད་རང་རིགས་བུ།

གཞན་ལ་འཕྱ་དམོད་མ་བྱེད་རང་ཁ་ཚོམ།

གཞན་ལ་ཨ་གསར་མ་བྱེད་རང་ཚུགས་ཟུང་།

གཞན་ཕམ་རང་རྒྱལ་མ་བསམ་དྲང་བདེན་བསྐྱོད།

རང་གཞན་གཉིས་ལ་ཕན་པ་བྱམས་སྙིང་ཡིན།

རང་གཞན་གཉིས་ཀྱི་མཐུན་སྒྲིལ་གཙོ་སེམས་ཡིན།

རང་གཞན་ཀུན་ལ་དགོས་མཁོ་རང་ཚུགས་ཡིན།

རང་གཞན་གཉིས་ལ་ཕན་ན་བཟང་པོ་ཡིན།

༢༠༡༣  ༡༠  ༢༡ ཉིན་ཆབ་མདོ་རུ་བྲིས།