ལྡིར་རི་རི།
དཔྱིད་ཟླ་གསུམ་པའི་དུས་བཞུག་རྫོགས།
དབྱར་ཟླ་དང་པོའི་དུས་འགོ་ཚུགས།
དུས་ཚོད་འདི་གཉིས་བར་གསེང་ནས།
དབྱར་རྩྭ་དགུན་འབུ་བརྐོ་དུས་ཟིན།
དབྱར་རྩྭ་དགུན་འབུའི་ཕ་ཡུལ་ལ།
ཟིང་ཆ་ཆེ་བའི་དུས་ལ་སླེབས།
རྒན་པོ་རྒན་མོ་རྒྱ་གྲོང་འགྲིམ།
སྦི་རག་ལྦུ་བ་ཕྱུར་རུ་རུ།
དབྱར་རྩྭའི་ཕ་ཡུལ་ཕོ་སར་འགའ།
འཕྲུལ་རྟ་ཞོན་དུས་འགྱ་འགྱུར་ཆེ།
གཅིག་པུར་ཚེ་སྲོག་གཅེས་སྤྲས་མེད།
ཉིན་མཚན་མེད་པར་ལྡིར་རི་རི།
འདི་ན་ཡོད་པའི་བུ་མོ་ཚོར།
དབྱར་རྩྭ་དྲིན་ཆེན་བཀའ་དྲིན་གྱིས།
ཕ་མ་མི་མཁོ་དུས་ལ་སླེབས།
ཟླ་བ་གཅིག་གཉིས་མཐོ་སང་སང་།
རྒྱ་ཡི་ཟ་ཁང་ཡིན་ན་ཡག
བོད་ཀྱི་ཇ་ཁང་ཡིན་ན་ཡུག
ཉིན་ཞག་རིང་ལ་ཚོམ་ཁ་ཆེ།
དགྱ་ལོ་དམར་པོ་ཤ་ར་ར།
གོས་བཙོང་ཚོང་ཁང་ནང་དུ་འགྲོ
ཚོང་རྟགས་ཆེ་ཆུང་ཁོ་ན་བཤད།
གོང་ཚད་མི་འཛེམ་ཉོ་མཁན་མང་།
སྤུས་ཚད་མི་བལྟ་གྱོན་ཤར་ཤར།
དུས་ཚོད་འདིའི་ནང་སློབ་ཆུང་རྣམས།
སློབ་གྲྭར་མི་འགྲོ་འཆམ་འཆམ་གཏོང་།
ལོ་འཁོར་གཅིག་གི་སྦྱོང་འབྲས་དེ།
ཟླ་བ་གཅིག་ནང་མེད་ལ་ལ།
སྤྱི་གླིང་སྤྲོ་སང་གཏང་ཟེར་ནས།
ཁོར་ཡུག་འབག་བཙོག་ཅི་ཡང་བྱེད།
ཆུ་དང་ཆུ་ཕྲན་དུ་མའི་ནང་།
སྐྱག་དང་སྐྱག་གཅིན་ནུ་རུ་རུ།
དགུན་འབུ་ཐོབ་པའི་སྣང་བ་དེས།
མིག་རྒྱང་རིང་དུ་གཏང་མ་ཐུབ།
མ་འོངས་མདུན་ལམ་དེར་བོར་ནས།
ལ་རྒྱའི་འབོད་སྒྲ་འུ་རུ་རུ།
སྒོར་མོ་མང་ན་སྣང་བ་མཐོ།
སྒོར་མོའི་འབྲས་བུ་སྡུག་བསྔལ་དངོས།
སྒོར་མོ་ཡོད་ན་དཔའ་རྩལ་ཆེ།
སྒོར་མོའི་བཀའ་དྲིན་ཡིན་འདོགའདོག
- ཟིན་ཐོ་གོང་མ།བདེ་སྡུག་ལ་བལྟས་པའི་མྱོང་ཚོར། །
- ཟིན་ཐོ་འོག་མ།མ་བརྗེད།
བཀའ་ལུང་འདྲེས་མའི་ཁུར་ཆེན་གྱད་ཀྱིས་བཏེགགཡག་རྒོད་རོག་པོའི་ངར་ལྷབ་ལྡིར་རི་རི།ཧི་བོན་མཚེར་སའི་སྟེང་དུ་སླེབས་བསྡད་གདའ།
རྩ་ཆུ་དྭངས་མ་ཚོགས་པའི་གླིང་ཁ་ལ།
ང་ཚོ་མཉམ་དུ་འཚོ་བ་རོལ་ནས་འགྲོ།
སྟེང་གི་བསོད་བློ་མིང་པས་བྲིས་པ་ཡིན།
སྙན་ངག་ཐོག་མར་འབྲི་མཁན་ཞིག་གིས་ཆ་ནས་བཤད་ན་བསླབ་བྱ་ཡག་པོ་གནང་འདུག་བཀྲ་ ཤིས་བདེ་ལེགས་ཞུ་ ༼དམུ་ར་རྒོད་ནས་༽
དག་ནོར་གིས་མིག་ཟུང་ཅུང་ན་བ་ལས་དེ་མིན་ཡག་གི་ཟེར་རྒྱུ་ཡིན།གྲོགས་པོ་གཡག་རྒོད་ལགས་སྙན་རྩོམ་ཡག་པོ་འདུག་མུ་མཐུན་ནས་སྤེལ་བའིི་བཀྲ་ཤིས་བཟང། ཚ་བའི་ཁྱུང་འབྲུག་སེང་གེ་ནས།
ཕེབས་པ་བཟང་ལ་སྙན་རྩོམ་ཡང་བཟང་། འོན་ཀྱང་དག་ཆ་ལ་དོ་སྣང་དགོས་འདུག་ལགས། མ་འོངས་པར་འདི་བཞིན་གོང་འཕེལ་འགྲོ་བའི་སྨོན་འདུན་ཞུ།