སྐྱབས་རྗེ་སྨན་རིའི་ཡོངས་འཛིན་རིན་པོ་ཆེའི་ཞབས་བརྟེན་གསོལ་འདེབས།།
ཨེ་མ་ཧོ། ཕྱི་ལྟར་བསླབ་གསུམ་འདུལ་བའི་བསྟན་པ་འཛིན། ནང་ལྟར་རྒྱུད་གསུམ་མཛོད་འཛིན་སྔགས་བསྟན་སྐྱོང་། གསང་བ་རྣམ་གྲོལ་རྫོགས་ཆེན་བསྟན་པ་སྤེལ།
ཡང་དག་དོན་གྱི་བླ་མར་གསོལ་བ་བདེབས།
འགྱུར་མེད་སྐུ་ཡི་མཚན་བཟང་རྟག་ཏུ་བརྟན།
ཟབ་ཡངས་གསུང་གི་བོན་སྒྲ་རྒྱུན་མི་ཆད།
གཡོ་མེད་ཐུགས་ཀྱི་དགོངས་པའི་རྩལ་ཆེན་རྫོགས། རྟག་པར་བོན་འཁོར་བསྐོར་ཏེ་བཞུགས་སུ་གསོལ།
བརྟན་གཡོ་འཁོར་འདས་སྲིད་ཞིའི་དྭངས་མའི་བཅུད། མ་ལུས་ཕྱྭ་ཚེའི་སྙིང་པོར་དྲིལ་བའི་རླུང་།
འཕོ་བྲལ་དབུ་མའི་སྲོག་ཏུ་རྟག་བརྟེན་ཏེ།
མི་ཤིག་གཡུང་དྲུང་སྐུ་མཆོག་འགྲུབ་པར་ཤོག
གསང་གསུམ་ཉིན་བྱེད་མཁའ་ལ་རྟག་ཏུ་ཤར།
ཕྲིན་ལས་འོད་ཟེར་བྱེ་བས་གླིང་བཞི་ཁྱབ།
ལས་ཅན་གདུལ་བྱའི་པད་ཚལ་རབ་ཏུ་རྒྱས།
སྨིན་གྲོལ་བསྟན་པ་མཁའ་མཐར་ཁྱབ་གྱུར་ཅིག
ཅེས་པའང་མཐའ་ཞུ་འོད་རྒྱས་པས་གསོལ་བ་བཏབས་སོ།
བསླུ་མེད་གཏན་གྱི་སྐྱབས་གནས་དཀོན་མཆོག་གསུམ། སྙིགས་མ་ལྔ་བདོའི་སྐྱབས་གཅིག་ཡབ་སྲས་ཡུམ།
བསྟན་པའི་སྲུང་མ་མཆོག་སྲིད་པའི་རྒྱལ།
རྒྱལ་ཀུན་འདུས་གཙོ་དྲིན་ཆེན་བླ་མ་མཁྱེན།
བརྩེ་གཅིག་གསོལ་བ་བཏབ་པས་རེ་འབྲས་སུ། གཡུང་དྲུང་བོན་བསྟན་སྐྱོང་བའི་བསྟན་འཛིན་གྱི། བར་ཆོད་ཀུན་སོལ་བསམ་དོན་མཐར་ཕྱིན་ཤོག།
