ཐུགས་བསྐྱེད་སྨོན་ལམ་ཞུ་བ།
བསྟན་པའི་དོན་ཆེན་སྒྲུབ་བཞིན་པའི་༧སྐྱབས་རྗེ་སྨན་རིའི་མཁན་སློབ་རྣམ་གཉིས་གཙོས་པའི་གཞིས་བྱེས་གང་ན་བཞུགས་པའི་བོན་གྱི་སྐྱེས་ཆེན་དམ་པ་རྣམས་དང་བོན་འབངས་ཡོངས་ལ་ཆེད་དུ་ཞུ་དོན།
ཁྱུང་ཡུལ་བསྟན་པའི་སྒྲོན་མེ་དཔལ་ལྡན་༧ཀོ་རྒྱལ་དགོན་གྱི་མཆོག་སྤྲུལ་༧ཟླ་བ་གྲགས་པ་༧རིན་ཆེན་ཕུན་ཚོགས་རིན་པོ་ཆེ་སྐུ་ཞི་བར་གཤེགས་ནས་ལོ་འཁོར་གཅིག་འཁོར་མཚམས་བོད་ཆུ་སྦྲུལ་ལོའི་ཟླ་བ་གཉིས་པའི་ཚེས་བཅུ་ཉིན་སྐུ་གདུང་རིན་པོ་ཆེ་ཀུན་རིག་ལས་བཞི་རྒྱུན་ལྔའི་དཀྱིལ་འཁོར་ཞལ་ཕྱེ་ནས་ཞུགས་ལ་འབུལ་རྒྱུ་ཡིན་ལ། དེའང་གདུང་འདེབས་མཆོད་འབུལ་དུ་ངེད་སྡེ་དགོན་གཉིས་དང་ཕྱོགས་མཚམས་དད་སྦྱིན་རྣམས་ཀྱི་ལས་བཞི་ཆ་དགུ་ཅུ་ལྷག་གིས་མཆོད་འབུལ་ཚོགས་བསགས་སྒྲུབ་ཀྱིན་ཡོད་པས་དེ་དུས་ཁྱེད་རྣམས་པས་རང་ཅག་བོན་གྱི་བསྟན་འཛིན་གང་ན་བཞུགས་པ་རྣམས་སྐུ་ཚེ་བསྐལ་བརྒྱར་བརྟན་པ་དང་༧རིན་པོ་ཆེ་གང་ཉིད་ཀྱི་ཡང་སྲིད་ཟླ་བ་གཞོན་ནུ་བསྟན་པའི་དོན་ཆེན་སྒྲུབ་ཕྱིར་གསེར་ཞལ་མྱུར་དུ་ཤར་བའི་ཐུགས་བསྐྱེད་བླ་མེད་གནང་བར་སྙིང་ནས་རེ་བསྐུལ་ཞུ་རྒྱུ་བཅས།
ཁྱུང་ཡུལ་ཀོ་རྒྱལ་དགོན་འདུས་སྤྱིས་སོར་བཅུ་སྙིང་ཁར་སྦྱར་ཏེ་ཕུལ།