སྦྲ་ཆེན་བོན་གྱི་རྒྱལ་ཁམས།
།དཔལ་མདོ་ཁམས་རྔུལ་རྫ་ཟལ་མོ་ཡི་སྒང་རྒྱུད།
།གནས་སྦྲ་ཆེན་ས་ཡི་ཐིག་ལེ་ཡི་ཁྱོན་དུ།
།སྔར་ད་ནས་ཐོད་དཀར་སྲས་པོ་ཡི་གདུལ་ཞིང་།
།ལུགས་འཛིན་པའི་ཞུ་སྤ་རྨེའུ་ཁྱུང་སོགས་གདན་སར།
།མཚན་སྙན་ལྡིར་རིན་ཆེན་རྣམ་གསུམ་གྱི་རྟོགས་ལྡན།
།དགེ་འདུས་པ་གྲྭ་སློབ་རྒྱ་མཚོ་དེ་འཁྱིལ་འདྲས།
།བོན་རྒྱུ་འབྲས་ཐེག་དགུའི་ཉིང་བཅུད་ལ་རོལ་ནས།
།འགྲོ་རབ་མང་གདུལ་བྱའི་སྐྱབས་མགོན་དུ་བརྗིད་དོ།
།ཡིད་བརྟན་པའི་དད་མོས་ལྷ་ཆོས་ལ་ཕུལ་ཏེ།
།ལས་མ་གོལ་རྒྱུ་འབྲས་བླང་འདོར་དུ་བརྩོན་པས།
།ཕྱུག་ལོངས་སྤྱོད་འཛད་མེད་གཏེར་ཁ་ཡི་འབྱུང་གནས།
།བསྟན་སྦྱིན་བདག་འབྱོར་ལྡན་ཀླུ་དབང་གི་བང་མཛོད།
།ཨ་ལ་ལ་ཡིད་འོང་ཕུན་ཚོགས་ཀྱི་ཞིང་འདིར།
།སྲིད་འཁོར་བའི་གཡང་ས་མ་བསྒྲལ་གྱི་བར་དུ།
།དགེ་དེ་ལྟར་ཡུན་བསྲིང་བཀྲ་ཤིས་ཀྱི་ཁ་གཡང་།
།ངག་འགྱུར་ཁུག་ལམ་ནས་སྨོན་ཚིག་འདི་ཕུལ་ལོ།
