སྙན་ལམ་དུ་གསོལ་དོན།
མེ་ཏོག་ལྷ་སྐལ་གཅིག་ཏུ་ཕོག་པའི་གཡུང་དྲུང་གི་མཆེད་གྲོགས་རྣམ་པར་སྙན་གསན་འབུལ་དོན། ཕྲན་གྱིས་སྐྱབས་རྗེ་ཡོངས་འཛིན་རིན་པོ་ཆེས་མཛད་པའི་《བོད་ཡུལ་གནས་ཀྱི་ལམ་ཡིག་གསལ་བའི་དམིགས་བུ་》ལ་གཙོ་བོའི་གཞི་བཟུང་ཞིང་། གཤེན་གྱི་དགེ་སྦྱོང་བ་གཡུང་དྲུང་དར་རྒྱས་ལགས་མི་ལོ་བཞི་ལྷག་ལ་གནས་མཇལ་ལ་ཕེབས་ཏེ་ས་གནས་ངོ་མའི་གནས་སྟང་དང་ཐག་ཉེ་རིང་། དེང་དུས་ཀྱི་རྫོང་ཤང་གང་གི་ཁོངས་གཏོགས་ཡིན་མིན། དེང་དུས་ས་ཆ་དེར་མིང་ག་རེ་འབོད་ཀྱི་ཡོད་མེད་སོགས་མཐོང་བ་མངོན་དུ་གྱུར་པའི་བོན་གྱི་སྒྲུབ་གནས་ཁག་རེ་རེ་བཞིན་འདིར་འབྲི་བར་མི་ལོངས་ཀྱང་། མདོར་བསྡུས་ན་སྟོད་མངའ་རིས་སྐོར་གསུམ་ནས་བར་དབུས་གཙང་རུ་བཞི་སོགས་གཙོ་བྱས་པའི་ཉམས་མྱོང་གི་ཟིན་ཐོ་བཏབས་པ་དེས་ཁ་སྐང་། རང་གི་ཤེས་ཚོད་དང་ཐུབ་ཚོད་ཀྱིས་ལེགས་བསྣོན་བྱས་ཏེ། པར་རིས་སྦྲག་མའི་ལམ་ཡིག་ཅིག་གྲ་སྒྲིག་ཞུ་བཞིན་ཡོད་པས་རང་རིགས་ལ་ཞེན་པ་དཀར་ཞིང་ཁ་ཕྱོགས་གཅིག་པའི་གཡུང་དྲུང་གི་་སྤུན་ཟླ་རྣམ་པའི་ཕྱག་ཏུ་མངའ་བའི་འབྲེལ་ཡོད་ཀྱི་བརྙན་པར་གང་ཡོད་ཅིག་མཐུན་སྦྱོར་གནང་བར་འཚལ་ཞེས་གུས་པས་རེ་འདུན་ཞུ་བཞིན་ཡོད་ལ། བརྙན་པར་བསྐུར་སའི་སྣོད་ཕྲན་གྱི་ཡིག་སྒམ་དང་། སྒེའུ་ཁང་གང་བདེར་གནང་རོགས་གནང་།
གློག་རྡུལ་ཡིག་སྒམ།
zizhushan@yahoo.cn
སྒེའུ་ཁུང་ཁ་བྱང་། 2212650008
ལག་ཁྱེར་ཁ་པར། 18989955388
གུས་པ་ལྗང་ཤེར་བསྟན་ནས་སྤྲེང་།
