རྒྱལ་སྲས་མཆོད་པའི་མེ་ཏོག

གནས་མཆོག་མདོ་སྨད་ས་ཡི་ཐིག་ལེ་རུ།།

སྐྱེ་དགུའི་བསོད་ནམས་སྤྲིན་བྲལ་མཁའ་དབྱིངས་ནས།།

འཁྲུངས་པའི་འདྲེན་མཆོག་ཉི་གཞོན་འཛུམ་པའི་འོད།།

མཚན་བླ་མའི་སྐུ་མཆོག་རྨད་དུ་བྱུང་།།

མཁྱེན་པའི་ཡིད་ཀྱིས་ཤེས་བྱའི་དཀྱིལ་འཁོར་གསལ།།

ཚད་མེད་སྙིང་རྗེས་རིགས་དྲུག་ཀུན་སྙོམ་ངང་།།

བརྩེ་བས་གདུལ་བྱ་འགྲོ་ཀུན་གདུལ་སྐྱོངས་བའི་དཔལ།།

རྒྱལ་བ་གཉིས་པའི་ཞལ་ཚབ་ཨེ་མ་ཧོ།།

སྙིགས་མའི་དུས་འགྱུར་བསིལ་རླུང་འཚུབ་མའི་ཁྲོད།།

གཤེན་བསྟན་སྟོན་ཟླ་གསར་པའི་འཛུམ་ཕྲིང་ཟུང་།།

ནུབ་རིའི་ཕྱོགས་སུ་བཞུད་པའི་བསྐལ་ཁུག་དེར།།

སླར་ཡང་འདྲེན་པའི་རྒྱལ་སྲས་ཉི་མའི་མཚན།།

འཛམ་བུ་གླིང་དུ་རྒྱལ་བ་གཉིས་པ་ཞེས།།

གྲགས་སྙན་སྒྲ་དབྱངས་རིང་མོ་དགུང་དུ་སྙིགས།།

གང་དེའི་ཞལ་ཚབ་བསྟན་པའི་ཉི་མ་ཡི།།

མཛད་འཕྲིན་མཁའ་དབྱིངས་དབུས་ནས་རྒྱུ་སྐར་བཞིན།།

ཨེ་མ་འཁྲུལ་བྲལ་གཤེན་གྱི་རིང་ལུགས་དག།

སྐྱོང་བའི་རྣམ་འདྲེན་རྒྱལ་བའི་རྒྱལ་ཚབ་མཆོག།

ལྔ་སྙིགས་དུས་ཀྱི་བསྟན་འགྲོའི་མགོན་པོ་རུ།།

མི་འཇིག་ལྡོང་ལྔའི་ཁྲི་ལ་བཞུགས་པར་སྨོན།།

                                                          དྲྭ་ཁང་ཞིག་དུ་བྲིས།།