བུ་མོའི་ལས་དབང་། 

སྦྲ་ནག་དང་ལྷས་རའི་གྲུ་ཟུར་དེ་ནས།

སྟར་ཐག་དང་གཞོ་ཟོམ་ལག་འཇུ་ཞིག་གིས།

འོ་ཞོ་ཡི་གཏེར་ཁ་དར་གྱིས་ལེན་ཞིང་།

བིའུ་ལུག་སྟོང་གི་ལས་དབང་འཚོལ་བ་བུ་མོའི་ལས་དབང་།

འཛུམ་མདངས་དཀར་དམར་གྱི་ལངས་ཚོ་ངོན་བཞིན།

ལྗོན་ལྗོན་རྩྭ་ཐང་གི་སྤང་ཁ་ཞིག་ནས།

འབྲུ་དྲུག་ནས་འབྲས་ཀྱི་ལོ་ཡག་ཁྲོད་ནས།

སྙེ་མ་བརྔ་ཆས་ལག་ལ་ཐོག་པ་བུ་མོའི་ལས་དབང་།།

ཕ་མ་དང་ཉེ་འབྲེལ་གྱིས་བཀོད་སྒྲིགས་བཙན་པོས།

བུ་མོའི་ཡིད་སེམས་དེ་སྡུག་གིས་མནར་བཞིན།

མགྱོགས་འགྲོས་རྟ་ཕོ་ཡི་གོམ་པ་དང་ལྷན་དུ།

ས་ཕྱོག་གཞན་ཞིག་གནས་ལ་འགྲོ་བ་བུ་མོའི་ལས་དབང་།

                                                      ༢༠༡༡ ༨ ༡ ཉིན་བྲིས།