བོན་ལུགས་སུ་སྲིད་པའི་འཇིག་རྟེན་ཆགས་རབས་སྡོམ་ཚིག

ཁྲོ་བོ་དབང་ཆེན་གྱི་གཞུང་གི་ཀླད་དོན་ལས་བླ་དཔེ་གཉིང་བ་ཇི་བཞིན་བྲིས།  ཞེས་པ་ལས།   ཉ་ལོ་ལྔ་ཅི་ཡང་མི་སྲིད་ཅི་ཡང་མ་བྱུང་ཙམ་ན།   ནམ་ཀ་སྟོང་པ་ལས་འོད་ཀྱི་འཁོར་ལོ་རང་སྒྱུར་ཅིག་དུ་བསྲིད།   འོད་ཀྱི་འཁོར་ལོ་དེ་རང་གིས་རང་བསྒྱུར་བའི་ཤུགས་དང་རླབས་ལས།   རླུང་ཕྱད་དང་ཕྱོད་དུ་བསྲིད།  རླུང་དེ་ཡིས་བསྐྱོད་ཅིང་བསྒུལ་བས་མེ་རུ་བསྲིད།  ཚ་བའི་མེ་དང་གྲང་བའི་རླུང་གཉིས་འཐབས་པའི་བར་ནས།   རླན་ཆུ་རུ་བསྲིད།  ཆུ་ལ་ཕྲ་རབ་ཀྱི་རྡུལ་ཆགས་པས་གསེར་གྱི་ས་གཞི་བསྲིད།  དེ་ནི་རྒྱུ་འབྱུང་བ་ཆེན་པོ་ལྔའོ།  རྒྱུ་འབྱུང་བ་ལྔའི་རྫུ་འཕྲུལ་ལས།  སྲིད་སྐོས་ཕྱ་དང་གསུམ་ཡང་དེ་ལས་སྤྲུལ་ཏེ་བསྲིད།  དམུ་བདུད་མཚམས་དང་གསུམ་ཡང་དེ་ལས་སྤྲུལ་ཏེ་བསྲིད།   ཀླུ་གཉན་ས་བདག་གསུམ་ཡང་དེ་ལས་སྤྲུལ་སྟེ་བསྲིད།  བགེགས་བསྲིན་བྱུར་དང་གསུམ་ཡང་དེ་ལས་སྤྲུལ་སྟེ་བསྲིད།  མི་སྨྲ་གཤེན་དང་གསུམ་ཡང་དེ་ལས་སྤྲུལ་སྟེ་བསྲིད།  མ་བསྲིད་རྒུ་བསྲིད་ན།   ཞེས་གསུངས་སོ།