གངས་རིའི་བུ་རྒྱུད།
དབུ་རྩེ་གངས་ཀྱིས་བརྒྱན།
སྤྲིན་སྨུག་མགུལ་དུ་འཁྱིལ།
ཨ ཨ
རི་བོ་ཇོ་མོ་གླང་མ། ཁ་བ་དཀར་པོ། གངས་དཀར་ཏི་སེ།
ཁ་བ་ཅན་གྱི་བླ་རི། འཛམ་གླིང་ཧྲིལ་བོས་སྨོན་ས་རེད།
བརྟན་བརླིང་བརྗིད་གསུམ་ཁྱེད་ཀྱི་རྒྱན་དུ་མཆེད།
ཨོ། ང་ཚོ་ནམ་ཡང་ཁྱེད་ཀྱི་དབུ་རྩེ་རུ་བསྐྱོད་པའི་བུ་རྒྱུད་ཡིན་ཡ།
བུ་རྒྱུད་ཡིན།
གསེར་གྱི་རྒྱ་ཕིབས་མཛེས།
དངུལ་གྱི་དྲིལ་བུ་སྙན།
ཨ ཨ
ཕོ་བྲང་པོ་ཏ་ལ། ཡུམ་བུ་བླ་མཁར། གུ་གེའི་མཁར་ཤུལ།
ཁ་བ་ཅན་གྱི་ཕོ་བྲང༌། འཛམ་གླིང་ཧྲིལ་བོས་སྨོན་ས་རེད།
བརྗིད་མཛེས་མཚར་གསུམ་ཁྱེད་ཀྱི་རྒྱན་དུ་མཆེད།
ཨོ། ང་ཚོ་ནམ་ཡང་ཁྱེད་ཀྱི་ལོ་རྒྱུས་སྒྲུག་མཁན་གྱི་བུ་རྒྱུད་ཡིན་ཡ།
བུ་རྒྱུད་ཡིན།
རླབས་རྒྱུན་བྲག་ལ་བརྡབས།
གླུ་སྒྲས་གནམ་ས་གཤེགས།
ཨ ཨ
ཡར་ཀླུང་གཙང་བོ། རྒྱལ་མོ་རྔུལ་ཆུ། རྨ་ཀླུང་རིང་མོ།
ཁ་བ་ཅན་གྱི་འཐུང་ཆུ་རེད། འཛམ་གླིང་ཧྲིལ་བོས་སྨོན་ས་རེད།
དྭངས་བསིལ་གཙང་གསུམ་ཁྱེད་ཀྱི་རྒྱན་དུ་མཆེད།
ཨོ། ང་ཚོ་ནམ་ཡང་ཁྱེད་ཀྱི་བཞུར་རྒྱུན་ལ་འཁྱུད་པའི་གངས་རིའི་བུ་རྒྱུད་ཡིན་ཡ།
བུ་རྒྱུད་ཡིན།
- ཟིན་ཐོ་གོང་མ།དྲན་པའི་གླུ་ཆུང༌།
- ཟིན་ཐོ་འོག་མ།ཟླ་བ་སྒྲོལ་མ།
རྩོམ་འདི་ཡག་པོ་འདུག ཁྱུང་དཀར་ཟླ་བ་འདིར་ཕེབ་པར་བཀ་ཤིས་བདེ་ལེགས།
སྐུ་ཉིད་རྒྱུན་དུ་ཕེབས་པར་སྙིང་ནས་དགའ་བསུ་ཞུ་ལགས།