དུས་རབས་ཀྱི་སློབ་གསོའི་ལམ་ལུགས་ནི་འཛམ་གླིང་རྒྱལ་ཁབ་སོ་སོ་དང་མི་རིགས་སོ་སོ་ཆོས་ལུགས་ཀྱི་གྲུབ་མཐའ་སོ་སོ་ལ་མེད་དུ་མི་རུང་བ་ཞིག་ཆག་ཡོད་པས།དེས་ན་དུས་རབས་ཀྱི་ན་གཞོན་ཞིག་ལ་མཚོན་ན་གཙོ་བོ་སློབ་གསོ་དང་རིག་གནས་ལྡན་དགོས་ལ།རིག་གནས་དང་སློབ་གསོ་ནི་མི་རིགས་ཤིག་ལ་ཚང་དགོས་བའི་ཆ་རྐྱེན་དང་པོ་རེད།དེའི་རྐྱེན་གྱི་ས་གནས་ཁག་ལ་སློབ་གྲ་དང་དགོན་པ་ཁག་ལ་བཤད་སྒྲུབ་ཀྱི་འཆད་ཉན་འཛུགས་པ་ནི་མི་རིགས་ཡར་ཐོན་གཏོང་བའི་རླབས་ཆེན་གྱི་ལས་དོན་ཞིག་ཡིན་པར།མ་ཚད་མ་འོང་པའི་འོད་སྟོང་ལྡན་པའི་མདུན་ལམ་ལ་རྒྱང་འབོད་བྱེད་མཁན་གྱི་ཕོ་ཉ་ལྟ་བུ་ཡིན་པས་ང་ཚོ་ངེས་པར་དུ་ཤེས་དགོས་པ་ནི་ཡང་དག་པའི་རིག་གནས་དང་སློབ་གསོའི་ལམ་དུ་ཞུགས་དགོས་ལ།རིག་གནས་དང་ཡོན་ཏན་ནི་འགྲོ་བ་མིའི་རྒྱན་ཆ་དངོས་ཡིན་པ་རེད།འདི་ལ་འབད་བརྩོན་གྱི་སྤོབས་པ་ནི་ནམ་ཡང་ཞན་མི་རུང།ད་ལྟའི་དུས་འདི་ལ་ཆོས་ལུགས་ཐམས་ཅད་འདྲ་མཉམ་ཡིན་པས་འདྲ་མཉམ་གྱི་ལྟ་བའི་ངོ་ནས་ཕན་ཚུན་ལ་བགྲོ་གླིང་དང་བསམ་བློ་བརྗེས་རིས་མཛད་རྒྱུ་གལ་ཆེའོ།
