ཁྱེད་ཀྱི་འཁྲུངས་སྐར་ལ་རྟེན་འབྲེལ་ཞུ།  

                                                  ཧི་བོན་ཟིན་བྲིས་ལ་ཕུལ་བ།

རེབ་སྐྱིད་ཡར་འཕེལ།

རྟེན་འབྲེལ་ཞུ།

དགུང་སྔོན་པོའི་འདབ་འོག་ནས།  ས་དོག་མོའི་བང་ཁ་ནས།

ཁྱེད་ཀྱིས་ལྷབ་ལྷུབ་གཤོག་པ་ག་ལེར་བརྐྱངས་ཏེ།

སྤྲིན་དཀར་པོའི་ཡང་སྟེང་ནས་འག་རླུང་གདོང་གིས་བསུ་བཞིན།

འཇིག་རྟེན་མི་ཡུལ་འདིར་སླར་ཡང་མིག་ཞགས་རེ་འཕེན་དུས།

རྟེན་འབྲེལ་ཞུ། ལས་ཀླུང་གི་ཁ་གཡང་གསོན་པོ་ཁྱོད་དང་མཉམ་པར་ཤོག

རྟེན་འབྲེལ་ཞུ།

ཧི་མ་ལ་ཡའི་དབུ་རྩེ་ནས། མ་ཕམ་གཡུ་མཚོའི་ལྟེ་བ་ནས།

སྙན་ལྷང་ལྷང་གི་འཁྲུངས་སྐད་མཆེད་ཅིང་།

འཛུམ་ལྷང་ལྷང་གི་ཞལ་རས་མངོན་ཏེ།

ཞི་མཐུན་གྱི་སེམས་པ་འཁྱེར་ནས།

དྲྭ་རྒྱའི་སྐུད་ལམ་ན་བསྒྲོད་དུས།

རྟེན་འབྲེལ་ཞུ། ཁྱེད་ཀྱི་སྐུ་ཚེ་ཡུན་རིང་བརྟན་པར་ཤོག