། ཟླ་བ་༦་པའི་ཚེས་༢༡་ཉིན། རྫོང་སྤྱི་བདེ་ཅུས་ཀྱི་ཅུས་ཀྲང་གཞོན་པ། ཚེ་དབང་དོན་འགྲུབ། ཉེས་དོན་ཉེན་རྟོགས་རུ་ཆེན་གྱི། རུ་དཔོན་ཚེ་རིང་བསོད་ནམ། ནག་རུ་བསམ་གཏན་གླིང་དགོན་པ། དོ་དམ་ཨུ་ལྷན་གྱི་ཀྲུའུ་རིན་ལྷག་པ་བཅས། དགོན་པར་ཡོང་ནས། ཕྲན་ལ་ནང་གྲོས་བྱེད་དགོས་པས། སློབ་གསོ་བཏང་བྱུང་བ་སྟེ། དེ་ཡང་ཉེས་དོན་ཉེན་རྟོགས་རུ་ཆེན་གྱི། རུ་དཔོན་ཚེ་རིང་བསོད་ནམ་གྱིས་བཤད་རྒྱུར། སྤྱིར་གྱོད་དོན་འདི་ཐག་གཅོད་ན་མི་ཐུབ་རྒྱུ་མེད་ནའང་། ཇུས་ཀྲང་གཞོན་པ་ཚེ་དབང་དོན་འགྲུབ་དང་། ཞེ་གཞུང་ཤང་གི་ཧྲུའུ་ཅི་ཉི་གྲགས་པ་གཉིས་ཀྱིས། དགོན་པ་ནང་དུ་ཁྱེད་ཚོ་ནང་གྲོས་འབྱུང་ཐབས་བྱེད་དགོས། ཟེར་བ་ལྟར་ད་ལྟ་ང་ཚོ་འདིར་སློབ་གསོ་རྒྱབ་མི་འོང་བ་ཡིན་སོགས། བཤད་དེ་ཕྱིན་སོང་ཚེས་༢༤་ཉིན། དེ་སྔའི་ཞིང་འབྲོག་ཅུས་ཀྱི་ཀྲང་ཟུར་པ། འབོ་ནོར་བུ་དང་༼་་འབོ་ནོར་བུ་ནི་བོན་བསྟན་སྤྱི་ལ་ལྷག་བསམ་དག་པའི་གང་ནུས་ཀྱི་ཞབས་ཞུ་སྒྲུབ་མཁན་ཞིག་དང་། ཕྲན་གྱི་ཕ་རྒན་དམ་པའི་ཡོན་བདག་རེད་ལ། ངས་དགའ་ས་ཡག་ས་ཡིན་ལ། དེ་སྔོན་དགོན་པ་དང་ཕྲན་ལ་རོགས་རིམ་ཆེན་པོ་བྱེད་མྱོང་བས། ང་ལ་ཤིན་ཏུ་དཀའ་དྲིན་ཆེན་པོ་ཡིན་ལ། ཕྲན་ལ་བློ་དཀར་སེམས་དཀར་བྱེད་མཁན་ཞིག་རེད།་་༽། ཀྲུའུ་རིན་ལྷག་པ། ཚུན་ཀྲང་ཨ་ར། ༼་ ཚུན་ཀྲང་ཨ་ར་ནི། བོན་གྱི་བསྟན་པ་སྤྱི་ལ་ལྷག་བསམ་དཀར་ནས། ཕན་བདེ་སྒྲུབ་འདོད་ཡོད་མཁན་ཞིག་རེད་ལ། ཁྱད་པར་དུ་ནག་རུ་དགོན་པའི་བསྟན་ལ། ལྷག་བསམ་ཤིན་ཏུ་དཀར་ཞིང་། དགོན་འདི་བསྟན་སྦྱིན་ཆེན་མོ་དང་། མི་དམངས་མང་ཚོགས་ཀྱིས་དབུ་ཁྲིད་འཇོན་ཐང་ཅན་ཞིག་རེད་ལ། དེ་སྔོན་ནག་རུ་དགོན་ལ་བརྟན་རྩ་དང་ཀ་རིང་ཞལ་འདེབས་ལ། སྒོར་ཁྲི་གསུམ་ལྷག་དགོན་པར་ཕུལ་བས་མ་ཚད། ད་ལོ་སླར་ཡང་འདུ་ཁང་ནང་ལྷ་བཞེང་བྱེད་དང་། གསེར་ཁྲི་རྒྱ་ཕེགས་བཟོ་བྱེད། སྒོར་ཁྲི་དྲུག་ཐོ་འགོད་མཛད་སོང་ལ་དུས་རྒྱུན། ཁོང་གི་དགོན་པར་འདུ་འཚོགས་ཀྱི་ཆེད་དང་། ལྕི་ཤིང་ཞལ་འདེབས་སོགས། སྣེ་ཁྲིད་དང་སློབ་གསོ་དཔེ་སྟོན་བཅས་མཛད་པ་དང་། ཕྲན་གྱི་དགོན་པར་འགན་ཁུར་རིང་དགོན་པར་ཞབས་ཞུ་དང་རོགས་རིམ་རྒྱབ་སྐྱོར་བཅས། ཆེན་པོ་བྱས་བྱུང་བའི་མི་དྲིན་ཅན་ཡིན།་་༽ཀྲུའུ་པུ་རྣམ་རྒྱལ་༼་་ རྣམ་རྒྱལ་ནི། སྔོན་མ་ཕྲན་སྒེར་ལ་ཡབ་དང་གཅེན་པོ་ཞིང་ལ་ཕེབས་དུས། རོགས་རིམ་ཆེན་པོ་བྱེད་མྱོང་ལ། དེ་བཞིན་ངས་དགོན་པར་འགན་ཁུར་བའི་རིང་ལ། ལོ་མང་ལ་དགོན་པར་རྒྱབ་སྐྱོར་དང་རོགས་རིམ་བྱས་ཏེ། འདུ་འཚོགས་དང་ལྕི་ཤིང་སོགས་ཞལ་འདེབས་དང་། དེ་བཞིན་དགོན་པར་བརྟན་རྩ་ཕུལ་བ་སོགས། དབུ་ཁྲིད་ཀྱིས་དགོན་པར་ཞབས་ཞུ་སྒྲུབ་པས། བཤོ་སྲོལ་ལེགས་པོ་བཞག་ཡོད་པས་ཕྲན་ལ་དྲིན་ཆེན་པོ་ཡིན།་་༽བཅས། དགོན་པར་འོང་སྟེ། དང་པོ་ནོར་བུ་ཡིས། བཤད་རྒྱུར། སྒྲུབ་གྲྭའི་དགེ་སློབ་འགས། བླ་མ་བརྡུང་བ་འདིས་རྐྱེན་པས། ཡག་པོ་མ་རེད་ན། སྒྲུབ་གྲྭ་མེད་པ་བཟོ། རྡོ་རྒྱོབ་མཁན་གྲྭ་པ་འགའ་ཤས། བཙོན་ལ་ལོ་གྲངས་ཐག་གཅོད་བྱེད། དགོན་པ་སྒོ་ཐེལ་རྒྱབ་རྒྱུ་རེད་ཟེར་བ་ཐོས། དེ་འདྲ་བྱུང་ན་ཤིན་ཏུ་དཔེ་མི་སྲིད་པ་རེད། ད་ནག་རུ་དགོན་འདི། དེ་སྔ་མི་ལོ་སྟོང་ཕྲག་གསུམ་གྱི་སྔོན་དུ། བླ་མ་སྙ་ཆེན་གྱིས། ཕྱག་བཏབ་ནས། ད་བར་དར་རྒུད་ཅི་རིགས་ཀྱི། རྩ་མེད་མ་སོང་བར་གནས་པ་དང་། དམངས་གཙོ་བཅོས་བསྒྱུར། མ་བྱས་སྔོན་དུ། ནག་རུ་དགོན་དུ། བླ་མ་གྲགས་སྡིས་དང་། མཁན་ཚུལ་ཁྲིམས་ཕུན་ཚོགས། རྣམ་གཉིས་ཀྱིས། སྒྲུབ་གྲྭ་གཙུག་ཀྱང་། སྒྲུབ་གྲྭ་མཐར་མ་ཕྱིན་པ་རེད། ད་ལྟ་བླ་མ་ཁྱེད་ཀྱི་སྐབས་ལ། དགོན་པར་གནས་སྤོས་བྱས་ཏེ། གསར་དུ་བཏབ་དང་། སྒྲུབ་གྲྭ་ཚུགས་པ་སོགས། མ་འོང་པ་ལ། བྱས་རྗེས་ཅུང་ཟད་བཞག་ཡོད་པ་རེད། འོན་ཀྱང་དོན་རྐྱེན་འདིས། རྡོ་རྒྱབ་མཁན་གྲྭ་པ་ཐམས་ཅད་བཙོན་ལ་ཚུད་པ་དང་། དེ་མིན་གྲྭ་འཛིན་མེད་པའི་གྲྭ་པ་ཚང་མ་དགོན་པ་ནས་ཕུད་པ། སྒྲུབ་གྲྭ་བཏོར་བ། དགོན་པ་སྒོ་ཐེལ་རྒྱབ་པ་སོགས་བྱས་སོང་ན། ཁོ་ཚོ་རྡོ་རྒྱབ་མཁན་ཐམས་ཅད་ཀྱིས་དགོན་པ་ལ། གནོད་པ་ཆེན་པོ་ཞིག་བསྐྱལ་འགྲོ་བ་རེད། དེ་འདྲ་ཡིན་དུས། བླ་མ་ཁྱེད་ད་ཐིང་སྐུ་སྒྲོངས་མི་འདུག་པས། དེ་ང་ཚོའི་བསོད་ནམ་རེད། ད་ཁྱེད་ཀྱིས་གྲྭ་པ་འདི་དག་ལས། དངུལ་ཟ་རྒྱུའི་བསམ་མནོ་རྩ་བ་ནས་མ་གཏོང་། གྲོས་འགྲིག་ཐབས་མཛོད། བླ་མ་ཁྱེད་ལ་རྒྱུ་དངུལ་གྱི་བཤོལ་འདུག་རྒྱུ་མ་རེད་དུས། དགོན་པ་འདི་ལ་བསམ་མནོ་གཏོང་དགོས། གྲྭ་པ་དེ་ཚོ་ནི། དགོན་པ་ཆག་འཇིགས་ལ་བསམ་མནོ་གཏོང་མ་རེད། མི་དེ་ཚོ་ང་ཚོའི་ཤེས་གསལ་ལྟར་རེད། ད་ལྟ་དགོན་པའི་འདིའི། བླ་མ་ཁྱེད་ཡིན་དུས་ཁྱེད་ཀྱིས། དགོན་པའི་ཁེ་ཕན་ལ་བསམ་མནོ་བཏང་དགོས། དེ་སྔ་དགོན་པའི་དོན་དུ་ལོ་མང་པོ་ལ། ཚེགས་དཀའ་ལས་རྒྱབ་སྟེ། འགན་ཁུར་ནས་བསྟན་པ་སྐྱོང་ཚུལ་ལ་བསམ་མནོ་ཐོངས། མ་འོང་པ་ལ་བསྟན་པ་དགོན་པ་དར་རྒུད་ཅི་འོང་མི་ཤེས་ནའང་། མདོར་བསྡུས་ནས་ཞུས་ན། བླ་མ་ཁྱེད་ཀྱིས་སྐུ་རིང་ལ་དགོན་པ་འདི། དེ་སྔ་ཡན་ཆད་གང་ལ་གང་འཚམས་ཀྱིས། ཡར་རྒྱས་གོང་འཕེལ་སོང་བསྡད་པ་རེད། ད་ལྟ་རྐྱེན་ཆག་སྒོ་ཆེན་པོ་འདིས། དགོན་པ་ལ་གནོད་སྐྱོན་འགྲོ་ཐག་ཆོད་རེད། གནོད་སྐྱོན་ཆག་སྒོ་འདི་སློང་མཁན་ནི། སྒྲུབ་གྲྭ་བ་དགེ་སློབ་ཐམས་ཅད་རེད་དེ། རྐྱེན་ཆག་སྒོ་འདི་ཕར་བཟློག་ཐུབ་མཁན། བླ་མ་ཁྱེད་ལས་མི་འདུག་པས། ད་ལྟ་བླ་མ་ཁྱེད་ཀྱི་བསམ་མནོ་དང་བྱ་བ་ལ། རག་ལས་འདུག་པས། ཁྱེད་ཐུགས་རྒྱ་ཆེ་ཆེ་མཛད་རོགས། ཁྱེད་ཀྱི་བྱམས་བརྩེ་དང་སྙིང་རྗེ་བྱས་ནས་གནོད་ལེན་ཕན་པས་འཇལ་ཏེ། སྒྲུབ་གྲྭ་བ་ཐམས་ཅད་ལ་ནང་གྲོས་འགྲིགས་ཐབས་བྱས་ཏེ་ནང་གྲོས་འགྲིགས་སོང་ན། གྲྭ་ཡན་ཐོ་མེད་པ་ཐམས་ཅད་དགོན་པ་ནས་ཕུད་རྒྱུ་མ་རེད་ལ། དེ་མིན་གྱོད་ཐུག་སོང་ན་ཁྱེད་ལ་རྡོ་རྒྱོབས་མཁན། གྲྭ་པ་འདི་དག་དགོན་པ་ནས་ཕུད་པས་མ་ཚད། དེ་མིན་གྲྭ་ཡན་ཚོ་ཡང་དགོན་པ་ནས་ཕུད་རྒྱུ་གཏན་གཏན་རེད་འདུག་ ངས་སྐད་ཆ་དྲིས་པས་ཤེས་སོང་བས། ད་འགག་རྩ་བླ་མ་ཁྱེད་ལ་ཐུག་ཡོད་འདུག་ཟེར། དེ་ནས་རྣམ་རྒྱལ་དང་། ཨ་ར་ཡིས་ཀྱང་སྐད་ཆ་དེ་འདྲ་རང་། བླ་མ་ཁྱེད་ཀྱིས་དགོན་པ་སྤྱི་དོན་ལ་བལྟ་དགོས་ཟེར་བྱུང་། དེ་མཚམས་ད་སྨན་བཅོས་སོགས། འགྲོ་སོང་ག་ཚད་སོང་ཟེར་བས།  སྤྱིར་འགྲོ་སོང་དངུལ་ཁྲི་དགུ་ལྷག་སོང་། སྨན་བཅོས་ལ་འགྲོ་སོང་ སོགས་རྩིས་ན། སྒོར་ཁྲི་དྲུག་ལྷག་སོང་འདུག་ལབ་པ་ཡིན་ལ། ད་རུང་ཕྲན་གྱིས་ངས་གནས་ཚུལ་འདིས་འབྱུང་རྩ་ནི། ཡས་རབ་རང་ཡིན། དང་པོ་བླ་ཁྲི་བཤིག་མཁན་དང་། དེ་རྗེས་ང་ལ་ཁུ་ཕྱུར་སྔོན་ལ་རྒྱོབ་མཁན། དེ་རྗེས་སྔོན་ལ་རྡོ་རྒྱོབས་མཁན་སོགས། མདོར་ན་རྩོད་པ་འདི་ཡི་གཏེ་བོ་ནི་ཡས་རབ་ཁོ་རང་ཡིན་ལ།  ཡས་རབ་ཀྱིས། ང་ལ་ཁུ་ཕྱུར་རྒྱབ་སོང་བ། དངོས་སུ་མཐོང་མཁན་མང་པོ་ཡོད་རེད་ལ། རྫོང་ཆོས་དོན་ཅུས་ལ་ཡས་རབ་ཁོས། དང་པོ་ངས་ཐོང་རྩ་ནས་འཇུས་ཏེ།  མགོ་དང་ཁ་ངོར་ཁུ་ཕྱུར་རྒྱབ་པ་ཡིན། དེ་ནས་རྡོ་གཉིས་བླང་སྟེ་རྒྱོབས་རྩིས་བྱས་པ་ཡིན། ཞེས་ཁས་བླང་སོང་ལབ་པས། ཀྲུའུ་རིན་ལྷག་པ་དང་མཁན་པོ་བསམ་དགེ་གཉིས་ཀྱིས། ཡས་རབ་ཀྱིས་ཁྱོད་ལ་རྡོ་རྩ་བ་ནས། རྒྱོབས་མྱོང་ཡོད་མག་ཟེར་བས་ངས་ཁྱེད་གཉིས་ཀྱིས། ད་རུང་རྫུན་བཤད་ནས་བཀབ་བསྡད་པས། ཁྱེད་གཉིས་ངོ་ཚ་རྒྱུ་ལས་གཞན་ཅི་ཕན། སྐད་ཆ་བཤད་དུས་དེན་པ་བདེན་ཐུབ། ཕྱི་མ་ད་གང་མི་འགལ་བ་བཤད་དགོས། དེ་མིན་གཅིན་ཚེ་བློ་དགུ་ཚད་དེ་རྫུན་རྐྱང་པ་བཤད་ནས། རྒྱུ་འབྲས་མ་སྲུང་ན་སུས་ཉན་ཤེས་ལབ་པ་ཡིན། བསམ་དགེའི་རེད་རེད། ད་འདི་ཐག་ཆོད་ཚར་ནས། ལས་དོན་འོང་རོགས་རྫོ། གློ་གྲོད་ཁ་ཁ་ཕྲལ། འགའ་རེ་སྡོད་ས་དང་། འགའ་རེ་འགྲོ་ས་བྱེད་པ་ལས། འདི་འདྲ་རང་བྱས་བསྡད་ན་ཕན་པ་མི་འདུག་ཟེར་བས། ཕྲན་གྱིས་ལོ་འདུག་ང་འགྲོ་ཆོག་ལབ་པ་ཡིན། དེ་ནས་ཁོ་ཚོ་སྒྲུབ་གྲྭར་ཕྱིན་སོང་། སྒྲུབ་གྲྭའི་དགེ་སློབ་ཚོས། ང་ཚོ་ལ་དངུལ་མེད། ད་གནས་ཚུལ་ལྷག་ཚར་དུས། དངུལ་མེད་རྫོ་ས་ཡོད་རྒྱུ་མ་རེད། བླ་མ་ལ་སྒོར་ཁྲི་གསུམ་བཤགས་འོང་། དེ་ནི་ང་ཚོའི་༼་་བསྲི་ལེ་གླ་ལེ་བྱས་ཏེ་བཤགས་འོང་ཟེར། ་་་་༽སྡེ་ལ། སློང་མོ་བྱེད་པའམ། ཡང་ན་གླ་པ། བྱེད་ནས་བཤགས་འོང་། དེ་མིན་བཙོན་ལ་འཛུལ་དགོས་ཐུག་ནའང་། དངུལ་བཤགས་རྒྱུ་མེད་ཅེས། ལབ་འདུག་པས། དེར་ངས་བསམ་པར་ད་ཁོ་ཚོ་བཙོན་ཁང་ལ་བཅུག་སྟེ། ང་ལ་དངུལ་ཕྲན་བུ་རག་ཀྱང་ཕན་པ་ཅི་མི་འདུག་ལ། དགོན་པ་འདིར་ཚུགས་ཟིན་པའི་སྒྲུབ་གྲྭ་འདིའང་འཐོར། སྟབས་ཉེས་ན་དགོན་པའང་སྒོ་ཐེལ་ན། དངོས་གནས་ངས་དགོན་པ་ལ་ཕན་པ་བས། གནོད་པ་ཆེ་འགྲོ་བ་འདུག་དེ་ལས་ད་དགོན་པ་འདི་ལ། གནོད་པ་མི་འགྲོ་བའི་ཆེད་དུ་ངས་གྱོང་རྒུད་ཁུར་བསྡད་ན། དགེ་བ་དང་བསོད་ནམ་དཔག་མེད་ཡོད་རྒྱུ་རེད་སྙམ་པས། ངས་འདི་ལྟར་བཤད་པ་ཡིན་ང་ད་ལོ་ཤི་ན་ནི། སྒྲུབ་གྲྭའི་དགེ་སློབ་ཚོས་བསད་པ་ཁས་ལེན་དགོས། ལྷ་ས་དང་ཁྲི་འདུ་སྨན་ཁང་གིས། ཕྲན་གྱི་མགོ་བོའི་རྩ་སྣད་འདུག་ཟེར་ལ། གླད་པར་ཁྲག་ཏོག་ཙམ་འདྲེས་འདུག་པས། ལོ་གཅིག་གི་ནང་ལ། ནད་སླར་ཡང་ཐུ་བས་ཉེན་ཁ་ཡོད་རེད། ལོ་གཅིག་བརྒལ་ཐུབ་ན་རྐྱོན་མ་རེད་ཟེར་བྱུང་བས། ཕྲན་ཤི་ན་མི་སྟོང་བཤགས་ས་མེད་ནའང་། ང་བསད་པ་ཁས་ལེན་དགོས། ད་ཁྲི་གསུམ་སྟེང་སྟོང་གསུམ་སྣོན་དགོས། དེ་འཕྲོའི་འགྲོ་སོང་ངས། གྱོང་ཁུར་འདུག་ལབ་པ་ཡིན། དེར་སྒྲུབ་གྲྭ་དགེ་སློབ་ཚོ། གྲོས་བྱས་རྗེས། སྒོར་སུམ་ཁྲི་སུམ་སྟོང་སྟེར་བྱུང་། འོན་ཀྱང་དེའི་ནང་རྣ་བ་དང་མིག་གིས། གྱོང་སོབ་རྒྱུ་སོགས་གང་ཡང་། བཤད་མེད་པས་རྗེས་སུ་ཁྲིམས་ཁང་ལ། ཞུ་དགོས་བྱུང་ནའང་ཞུ་ཆོག་རེད་ཟེར། དེ་ལྟར་འཇུག་སྒྲིལ་བ་རེད། ཕྲན་གྱི་རེ་བ་ལ་གོང་ནས་ལས་དོན་ཚོ་ཆུང་བབས་ནས། ཕྲན་གྱི་རེ་བ་དང་ཁོང་རྣམ་པའི་བསམ་ཚུལ་ལྟར་ཕྲན་དགོན་པ་ནས་དགོང་པ་གནང་པའི་རེ་བ་བཅང་བཞིན་ཡོད་ལ།