ཁྱུང་རབས་ལོ་རྒྱུས་གོང་མཐུད་  

ཁྱུང་པོ་སྤུ་ལ་ཁའི་གདུང་རབས་རིམ་བྱོན་གྱི་སྐོར་བཤད་པ་ལ་ཁྱུང་ཨ་བླ་གཞོན་ནུའི་དུས་སོག་བཟའ་ཨི་ཟི་མའི་སྲས་ལྷ་གཉེན་མགོན་གྱི་ལྕམ་ཨུ་ཤང་དཀར་ལ་སྲས་གཉིས་འཁྲུངས་ཕྱིས་སུ་བོད་ཡུལ་བྱང་རྩེ་སྒང་དུ་ཕེབས་ནས་དེར་བེ་རི་ཨ་ཡག་གི་བུ་མོ་བདེ་སྐྱིད་ལྷ་མོ་ལ་སྲས་ཕུར་བུ་མགོན་འཁྲུངས།  དེའི་ལྕམ་བེར་བཟའ་ལ་སྲས་ཆེ་བ་དད་པ་རྒྱལ་མཚན་དབུ་ལ་ཐོག་བརྒྱབ་ཀྱང་མ་སྐྱོན་པས་ཁྱུང་རྒོད་ཐོག་རྡུག་དུ་གྲགས་ལ་བཙུན་པ་ཡིན། ཆུང་བ་དཔོན་ཚང་རིན་ཆེན་དཔལ།  དེའི་དབུ་བཟའ་ལ་སྲས་ཆུང་བ་ཚུལ་ཁྲིམས་རིན་ཆེན་བཙུན་པ་ཡིན། སྲས་ཆེ་བ་གཡུང་དྲུང་འོད། དེའི་སྲས་ཆུང་བ་ཡོན་ཏན་རྒྱལ་མཚན་བཙུན་པ་ཡིན།  ཆེ་བ་བསོད་ནམས་འོད་ཟེར། དེའི་སྲས་ཁྱུང་པོ་ཨ་དར་སོགས་སོ།   དེའི་སྲས་རྒྱུད་ལ་ཕྱིས་སུ་སྤུ་ལ་བླ་མ་ཚང་ཞེས་འབོད་དོ། 

   མུ་འགོད་