ཀ་ཁ་འབྲི་ཀློག་ལ་བརྩོན་དུས།།

ཁ་འཁྱམས་གང་ཐོས་སུ་མ་གསན།།

ག་ལེ་ཞི་སློབ་ཀྱིས་ངང་ནས།།

ང་ཚོའི་ཤེས་ཡོན་ལ་འབད་རོགས།།

ཅ་ཅོལ་ཟ་ཟིང་གི་ཁྲོད་ན།།

ཆ་ལུག་འདྲ་མིན་དེ་མཐོང་དུས།།

ཇ་མའི་ཞབས་གཡོག་དུ་མ་རྒྱུགས།།

ཉ་བེ་ཉོ་བེ་རང་ལུས་འགྲོ།།

ཏ་ལེའི་མཛངས་མ་དང་འཕྲད་ཐབས།།

ཐ་ཤལ་སྤྱོད་ངན་དག་སྤངས་ནས།།

ད་ལྟའི་སྐལ་བཟང་གི་དུས་ལ།།

ན་ཚོད་གཞོན་པ་ཚོའི་འོས་འགན།།

པ་ཕའི་རྒྱུད་བཞག་གི་ནོར་བུ།།                                                                                                                                                 ཕ་ཕ་ཆོས་གཙང་མ་དེ་སྐྱོང་ཐབས།།

བ་རེ་བོ་རེ་དེ་བྱེད་ནས།།

མ་ཡར་ངན་པ་བཞིན་མ་བྱེད།།

ཙ་རི་གནས་ཆེན་གྱི་ལོ་རྒྱུས།།

ཚ་གྲང་དཀའ་ངལ་ལ་མ་འཛེམས།།

ཛ་དྲག་དུས་རབས་ཞིག་ཡིན་ཀྱང་།།

ཝ་མོའི་སྙིང་སྟོབས་བཞིན་མ་ཞེན།།

ཞྭ་མདོག་རྩོད་དབང་དེ་བྱུང་དུས།།

ཟ་ཁང་ཆུང་ཁང་དུ་མ་ལུས།།

འ་འུར་ཟ་ཟིང་གི་ངང་ནས།།

ཡ་ཐོག་མིང་པོ་ཡི་གྱེར་བསྟན།།

ར་མདའི་རྗེས་ལམ་དེ་དེད་ནས།།

ལ་ལུང་བརྒྱ་ཕྲག་གི་རྒྱུད་པས།།

ཤ་ཟད་རུས་སྐམ་དུ་གྱུར་ཀྱང་།།

ས་མཐར་མི་ཚེ་དེ་རྫོགས་རོང་།།

ཧ་པའི་ལས་སྤྱོད་བཞིན་མི་བྱེད།།

ཨ་ཕའི་རྗེས་བཞག་གི་ནོར་ལ།།

ཧ་ཅང་ཧམ་པ་རེ་སྐྱེས་དུས།།

ཨ་ཇོའི་སེམས་པ་དེ་མ་ཞོན།།