གངས་དཀར་ཏི་སེའི་འོད།
                                 སྨན་བླ་སྐྱབས། 

  གངས་དཀར་ཏི་སེའི་འོད་ཀྱིས་ནམ་མཁའི་སྐར་ཆེན་དེ་ཚོ་གསལ་ལྷང་ལྷང་། #འདིའི་ཡར་སྔོན་མདུན་ངོས་སུ་འཆར་ཐུབ།#

ཡེ་ཤེས་སྤྱན་དང་འདྲ་བའི་སྐར་ཆེན་དེ་ཚོ་གསལ་ལྷང་ལྷང་།

རྣམ་དཔྱོད་རྩལ་གྱིས་མཐོ་བའི་སེམས་ཀྱི་སྐར་ཆེན་

བདག་གི་མེས་པོ་ཚོ།

སྟོང་བའི་དབྱིངས་ནས་ཡེ་ཤེས་སྤྱན་གྱིས་འགྲོ་བ་ཡོངས་ལ་

གཟིགས་གནང་རོགས།

ཤེས་རིག་འོད་ཀྱིས་བཏབ་པའི་

མེ་ཏོག་ཆུང་ཆུང་འདི་ཡང་འཛམ་བུ་གླིང་ལ་འབུལ་གནང་རོགས།
 
གངས་དཀར་ཏི་སེའི་འོད་ཀྱིས་གཡུ་ཡི་མཚོ་མོ་དེ་ཚོ་ཁྲ་ལམ་ལམ།

རེ་བའི་མིག་ཆུང་འདྲ་བའི་མཚོ་མོ་དེ་ཚོ་ཁྲ་ལམ་ལམ།

མི་སེམས་འོད་ཀྱིས་ཁེངས་པའི་གནའ་བོའི་རིགས་རྒྱུད་

མགོ་ནག་བོད་པ་ཚོ།

རྔུལ་ཆུའི་དོག་པ་འཛམ་བུ་གླིང་གི་སེམས་ཅན་ཀུན་ལ་

འབུལ་གནང་རོགས།

དབྱངས་གསལ་སོ་བཞིའི་ཟས་རིན་

ལག་རྗེས་ཆུང་ཆུང་འདི་ཡང་ཁ་བ་ཅན་གྱིས་བཞེས་གནང་རོགས།

དྲ་བ་ཞིག་ལས་དྲངས།