༄༅།།ཉེ་ཆར་སྟེང་ཆེན་རྫོང་སློབ་འབྲིང་དུ་ཁམས་གསུམ་སྣང་གསལ་ཞེས་པའི་སྤོས་ཤིག་ལེགས་གྲུབ་བྱུང་བ་ཉིད་ཤར་རྫའི་བཀའ་འབུམ་ལས་དྲངས་ཏེ་ཚངས་པ་སྤོས་སྦྱོར་ནང་འཁོད་པའི་སྨན་སྦྱོར་གྱི་གཙོར་བྱས་པ་དང་སྔོན་

བྱོན་མཁས་པའི་ལུང་རྒྱུད་དང་བདག་གི་སློབ་དཔོན་དགེ་སློང་གཡུང་དྲུང་ཉི་མ་མཆོག་གིས་ལོ་མང་རིང་སྨན་སྦྱོར་བཟོ་རྩལ་གྱིས་མྱོང་བས་རྒྱན་ཞིང་སྦྱོར་ནས་བཟོས་པའི་སྤོས་ཉིད་རྫོང་སློབ་འབྲིང་དུ་གཟའ་སྐར་འཕྲོད་བཟང་

ཐོག་གཞོན་དར་མིང་བཀྲ་ལེགས་ཤིང་གསོ་རིག་ལས་ལ་འཇུག་པའི་ལས་མི་དང་པོ་བ་ཉེར་གཅིག་གིས་བདུན་ཕྲག་གསུམ་གྱི་རིང་དཀོན་མཆོག་གསུམ་ལ་མཆོད་པར་དམིགས་བྱས་ནས་དགའ་དད་མོས་པའི་སྒོ་ནས་ཞུགས་ཤིང་

ལྷག་ཏུ་སློབ་དཔོན་དངོས་ཀྱིས་ལག་ལེན་ཁག་ང་ཚོར་ཐོབ་དམིགས་ཀྱི་ཀུན་སློང་ཐོག་སློབ་སྟོན་མཛད་ནས་བཟོས་པའི་སྤོས་འདི་ཙན་དན་དཀར་དམར་དང་ནྰ་གི། གླ་རྩི། ཁ་ཆེ་གུར་གུམ། ཨ་གར་སོགས་སྨན་སྣ་༥༧ཙམ་འདུས་ཡོད་ལ་སྨན་སྣ་སོ་སོ་ནས་ཀྔང་རྒྱུད་ནང་བསྟན་པ་ཇི་བཞིན་སྦྱོར་བཟོ་ཚད་ལྡན་བྱས་ཡོད་པ་དཔེར་ན།ནྰ་གི་གཅིག་ཉིད་ཀྱང་ཉིན་༡༣རིང་རློན་འདུལ་བྱས་ལ་དེ་བཞིན་སྨན་རྐྱང་གཞན་

རྣམས་ཀྱང་སྐམ་རློན་འདུལ་ཚུལ་སློབ་དཔོན་གྱིས་མཛུབ་སྟོན་ཇི་བཞིན་ལག་ལེན་བྱས་ནས་བཟོས་པའི་ཚངས་པ་སྤོས་ཀྱི་སྦྱོར་བ་འདིས་ནུས་པ་ནི་ཤར་རྫའི་གསུངས་འབུམ་ལས།
ཕྱི་ནང་གི་དཀྱིལ་འཁོར་གང་ལའང་དུད་པ་ཕྱུངས་ལ་དྲིའི་མཆོད་པ་འབུལ་བའི་པན་ཡོན་ནི། གདོན་བགེགས་བསྐྲད་དེ་ནད་རིམས་འཇོམས།
མི་དང་མི་མིན་དབང་དུ་འདུས།
བདེ་གཤེགས་རྒྱ་མཚོའི་ཐུགས་མཆོག་མཉེས།
དམ་ཙན་རྒྱ་མཚོའི་ཐུགས་དམ་བསྐང་།
གཙང་རིགས་རྣམས་ཀྱིས་སྡོང་གྲོགས་བྱེད་།
སྡོམ་པ་དམ་ཚིག་ཆག་ཉམས་སོབ།
འགྲོ་དོན་དགེ་བ་སྨིན་པར་འགྱུར། ཞེས་གསུངས་སོ།།