ཡ་ཆུང་སེམས་ཀྱི་སྙིང་གཏམ།

ཀྭ་ཡེ་གསོན་དང་ང་ཡི་དྲྭ་གྲོགས་ཚོ། །

ཁ་ནས་དོན་ཡོད་བགྲོ་གླེང་མི་བཤད་པར། །

ག་ས་གང་གི་འདྲ་པར་འབྲེལ་མེད་རྣམས། །

ང་ཚོའི་ཚོགས་པ་ནང་ལ་བསྐུར་དོན་གང་། །

ཅ་ལག་ཅི་འདྲ་རང་ལ་ཡོད་ན་ཡང་། །

ཆ་ལུགས་ཚུལ་བཞིན་རང་སར་མི་སྡོད་པར། །

ཇ་དང་སྐོམ་ཆུ་གང་འདྲ་བཏུང་བ་དང་། །

ཉ་ཤ་སོགས་ཀྱི་འདྲ་པར་མ་བསྐུར་རོགས། །

ཏ་བག་ནང་གི་ཟས་རིགས་སྣ་ཚོགས་དང་། །

ཐ་གྲུ་ཡངས་པའི་མཛེས་ལྗོངས་འདྲ་མིན་དང་། ། 

ད་ལྟའི་ས་ཆ་གང་སར་སོང་བ་དང་། །

ན་ཀ་ལི་སོགས་འདྲ་པར་མ་བསྐུར་རོགས། །

པ་ཊུ་རྣམ་པའི་ལེགས་བཤད་ཐམས་ཅད་དང་། །

ཕ་མཐའ་རིག་གཞུང་བགྲོ་གླེང་མི་གནང་པར། །

བ་འཇོ་མཁན་གྱི་ལྟ་བ་བཟུང་བའི་ངང་། །

མ་ལུས་ཡོངས་ཀྱི་འདྲ་པར་མ་བསྐུར་རོགས། །

ཙ་རི་ཙ་གོང་བསྐོར་བའི་ལོ་རྒྱུས་དང་། །

ཚ་དམྱལ་རྣམས་ལ་སྡུག་བསྔལ་ཆེ་བ་སོགས། །

ཛ་ཡས་གསུང་བ་ལ་སོགས་མི་བཤད་པར། །

ཝ་མོ་སོགས་ཀྱི་འདྲ་པར་མ་བསྐུར་རོགས། །

ཞྭ་དཀར་གྱེར་གྱི་བསྟན་པའི་འབྱུང་ཁུངས་དང་། །

ཟ་རང་མེ་འབར་མཆོག་གི་རྣམ་ཐར་སོགས། །

འ་ཅག་རྣམས་ཀྱིས་དེ་དོན་མི་གླེང་བར། །

ཡ་མེད་སྤྱོད་པའི་འདྲ་པར་མ་བསྐུར་རོགས། །

ར་བ་གངས་ཀྱིས་བསྐོར་བའི་བོད་པ་ཚོས། །

ལ་རྒྱ་བཟུང་བའི་ཁ་ཕྱོགས་ལོ་རྒྱུས་སོགས། །

ཤ་ཞེན་ངང་ནས་བགྲོ་གླེང་མི་བྱེད་པར། །

ས་ཆ་མང་པོའི་འདྲ་པར་མ་བསྐུར་རོགས། །

ཧ་ཅང་ལོ་རྒྱུས་ལྡན་པའི་མི་རིགས་འདིའི། །

ཧ་ཅང་བྱམས་སེམས་ལྡན་པ་ལ་སོགས་དང་། །

ཨ་མའི་བརྩེ་བ་ཟབ་མོ་མི་བརྗོད་པར། །

ཨ་མར་བརྡུང་བའི་འདྲ་པར་མ་བསྐུར་རོགས། །