ཧི་བོན་ཟིན་བྲིས།

             གཏོ་ཡི་བཀའ་སྒྲོམ།

སྤྱི་བསྒྲགས།
    སྒྲིག་འཇུག...
ལི་ཐོ།
    སྒྲིག་འཇུག...
ཆེད་སྒྲིག་རྣམ་དབྱེ།
    སྒྲིག་འཇུག...
པར་མཛོད།
ཟིན་ཐོ་གསར་པ།
    སྒྲིག་འཇུག...
དཔྱད་གཏམ་གསར་པ།
    སྒྲིག་འཇུག...
ཆེམས་གསར་པ།
    སྒྲིག་འཇུག...
ནང་འཇུག
དྲ་གྲོགས།
    སྒྲིག་འཇུག...
སྦྲེལ་མཐུད།
ཟིན་བྲིས་ཆ་འཕྲིན།
    སྒྲིག་འཇུག...
གྱ་སྟོན་གྱི་ཤིས་སྨོན་བཀྲ་ཤིས་རེ་ཁ། | 2014/8/28 18:53:00

ཐོད་དཀར་སྲས་ཀྱི་བསྟན་སྲོག་འཚོ་བའི་ཞིང་།།

དམ་པ་གོང་མས་བྱིན་གྱིས་བརླབས་པའི་གནས།།

མདོ་སྨད་ཐེ་ཆུའི་བྲག་དཀར་ཉེ་ཕྱོགས་སུ།།

རྟེན་བཟང་པ༵ད་མ༵འི་འཛུམ་མདངས་ལྷུག་པར་གྲོལ།།

ཤེས་པའི་གཞི་མ་ཡི་གེ་འབྲི་ཀློག་དང་།།

ཕྱི་ནང་གསང་གསུམ་སྒོ་བཞི་མཛོད་ལྔ་སོགས།།

བཅུ་ཕྲག་རིག་པའི་གནས་ཆེན་མཐའ་དག་གི །

གདམས་ངག་བུམ༵་པ༵་གང་བྱོའི་ཚུལ་དུ་གསན།།

ཐོས་བསམ་སྒོམ་པའི་ཆུ་གཏེར་ལེགས་འཁྱིལ་ཞིང་།།

འཆད་རྩོད་རྩོམ་པའི་རླབས་ཕྲེང་མཁར་གཡོས་ནས།།

ཕན་བདེའི་རིན་ཆེན་མཛོད་ལ་དབང་བསྒྱུར་བའི།།

སློབ་ཚོགས་གསེར༵་ཉ༵འི་ཁྱུ་ཚོགས་ཕྱོགས་མཐར་ཁྱབ།།

དུས་ངན་རླུང་འཚུབ་དྲག་ཏུ་འཕྱོ་བའི་ཁྲོད།།

སྡོམ་གསུམ་པད་མོའི་དྲི་བསུང་མ་ཡལ་ཞིང་།།

རང་གཞན་དོན་གཉིས་མཐར་རུ་མ་བོར་བར།།

གྱེར་བསྟན་རྒྱལ༵་མཚ༵ན་མི་ནུབ་མཁའ་རུ་འཕྱར།།

ཐུན་མོང་བཅུ་ཕྲག་རིག་པའི་གནས་ཆེན་དང་།།

ཐུན་མིན་མདོ་སྔགས་སེམས་གསུམ་བོན་སྡེ་ཡི།།

གསལ་འགྲེལ་མཁས་རྒུ་དགྱེས་པའི་དཔལ་འབར་བའི།།

རྩོམ་རིག་དུང༵་སྒྲ་གོ་ལའི་ཁྱོན་དུ་བསྒྲགས།།

ཕྱི་རུ་མདོ་དོན་ཟབ་མོའི་གདར་ཤ་ཆོད།།

ནང་དུ་བསྙེན་སྒྲུབ་ཡི་དམ་ལྷ་ཞལ་ཁུམས།།

གསང་བ་ཡེ་དབྱིངས་བླ་མེད་དགོངས་རྩལ་རྫོགས།།

ཐུགས་བཅུད་དཔ༵ལ་བེའུ༵ར་བརྒྱད་ཁྲིའི་བོན་བཅུད་བལྟམས།།

འཆད་པས་གདུལ་བྱའི་རེ་བ་ཡིད་བཞིན་བསྐངས།།

རྩོད་པས་ལོག་རྟོག་མ་རིག་དྲུངས་ནས་ཕྱུངས།།

རྩོམ་པས་རྒྱལ་བསྟན་གསལ་བའི་སྒྲོན་མེ་བཏེགས།།

བཀའ་ཡི་འཁོར༵་ལོ༵ས་བསྟན་འགྲོའི་ལེགས་ཚོགས་བསྐྱངས།།

                    ཁྱེད་ཀྱི་གསང་གསུམ་མཚན་དཔེའི་དཔལ་ཡོན་ལ།།

ཉེར་འཚེའི་དྲི་རྡུལ་ཙམ་གྱིས་མ་གོས་པར།།

མི་འགྱུར་གཡུང་དྲུང་གཏམས་པའི་བྲག་ཐོག་ཏུ།།

གཟུགས་སྐུའི་གདུག༵ས་དཀ༵ར་སྲིད་མཐར་བརྟན་གྱུར་ཅིག །

          སྙིགས་དུས་གཡུང་དྲུང་བོན་གྱི་བསྟན་པ་རིན་པོ་ཆེར་མཆོག་ཏུ་བཀའ་དྲིན་ཆེ་བའི་སྐྱེས་ཆེན་སྐྱང་སྤྲུལ་དྲི་མེད་འོད་ཟེར་རིན་པོ་ཆེ་མཆོག་དགུང་གྲངས་བརྒྱད་ཅུར་ཕེབས་པའི་དུས་ཚིགས་དང་བསྟུན་རིན་པོ་ཆེ་མཆོག་བསྟན་དང་འགྲོ་བའི་མགོན་དཔུང་དམ་པར་སྐུ་ཚེ་མི་འགྱུར་གཡུང་དྲུང་ཚེ་མཐའ་ཡས་པའི་ངོ་བོར་བཞུགས་སུ་གསོལ་བའི་ཤིས་སྨོན་དང་བཅས་ལྷོ་མཐའ་ནས་ཁྱུང་དཀར་དགེ་བཤེས་སྨོན་ལམ་མཐར་ཕྱིན་པས་གུས་ཕུལ།།

                              ཐ་ཚན་མུ་ཙུག་སྨར་རོ།།

རྩོམ་ཡིག་འདི་སྐྱང་སྤྲུལ་རིན་པོ་ཆེའི་གྱ་དེབ་ཚེ་རིང་ལོ་བརྒྱ་ནང་འཁོད་ཡོད།

དཔྱད་གཏམ་སྤེལ་བ།
སྒྲིག་འཇུག...
Powered by Oblog.