ཁྱེད་དང་ངའི་བར་ཐག །
ངས་ཁྱེད་ལ་གུས་བཀུར་བྱ་དོན། རིགས་རུས་གཅིག་ལས་མཆེད་ཅིང་ཕུགས་བསམ་དང་ལས་རིགས་གཅིག་པས་ཡིན།
ཡིན་ནའང་།ཁྱེད་ཀྱི་སེམས་ནང་ང་རང་ནི་གང་ཡང་མི་ཤེས་པའི་དུད་འགྲོ་ལས་སྡུག་པ་ཞིག་བརྩི་ཡི་འདུག
དེ་ལྟར་ཡིན་ན་ཆོག་གི རྒྱུ་མཚན་ནི་གུས་པར་ཤེས་ཡོན་དང་འཇོན་ཐང་མེད་པས་རེད་སྙམ།
ངས་ཁྱེད་ལ་རྒན་ལགས་ཞེས་འབོད་དོན།
ཁྱེད་ནི་ང་ལས་ལོ་ན་ཚོད་ཀྱི་རྒན་པ་དང་།ཤེས་ཡོན་དང་ལག་ལེན་ཉམ་མྱོང་ཕྱོགས་གང་སར་ནི་ང་ལས་ལྡབ་འགྱུར་གྱི་ཆེ་བས་ཡིན།།
ཡིན་ནའང་།ཁྱེད་ཀྱིས་མི་འགའ་ཤས་ཀྱི་ཤོད་སྒྲོས་ལ་ཉན་ཏེ་ཁེངས་དྲེགས་དང་ཟུར་ཟས་ངའི་ཡ་ཆུང་སེམས་ཀྱི་ལྡིང་ཁོང་ནས་ཕྱུར་བའི་རེ་བ་དེ་སྟོང་ཟད་ཅུང་ཕྱིན་སོང་།
ངས་ཁྱེད་ལ་རེ་བ་ཡོད་དོན། དེ་སྔོན་ངས་ཁྱེད་ལ་ཕན་པ་འདི་ཞེས་བཏགས་མ་ཐུབ་ཡང་།དེ་བས་ཀྱང་གནོད་པ་སྤུ་རྩེ་ཙམ་ཡང་སྐྱེལ་རྒྱུ་མ་བྱུང་། ངེད་གཉིས་ཉིན་སྲིབ་ཀྱི་དབྱེ་བ་མ་གཏོགས་གྲོང་བརྡར་གཅིག་གི་འོག་ཏུ་སྔ་ཕྱི་བྱུང་ནས་འཚར་ལོང་སོང་བའི་གྲོང་མི་ཞིག་ཡིན་པས་སོ།
ཡིན་ནའང་། ཁྱེད་ཀྱི་སེམས་ནང་དེ་ཚོའི་འདུ་ཤེས་དེ་ཙམ་ཡོད་ཚོད་མི་འདུག་པས་ངས་སྐད་ཅོར་ག་ཚད་རྒྱབ་ཀྱང་ཕན་ཐོག་ཡོད་ཚོད་མ་རེད།
ངས་ཁྱེད་ལ་བརྗོད་འདོད་པ་ནི།
ཁྱེད་ཀྱིས་ང་ལ་དོན་མེད་ཀྱི་ལྟ་ཚུལ་མཐོང་ཆུང་མེད་ན་ངས་ཁྱེད་ལ་ནམ་ཡང་བརྩེ་བའི་བཤེས་གཉེན་ཞིག་བྱས་པར་འདོད།
གལ་སྲིད་མུ་མཐུད་ནས་མཐོང་ཆུང་དང་བརྙས་བཅོས་ཡོད་ན་ཁྱེད་ཀྱི་འོག་ཏུ་མགོ་བོ་ནམ་ཡང་མི་རྒུ ར་
རྒྱུ་མཚན་ནི་ང་རང་ཡང་་དྲིན་ཆེན་ཕ་མ་གཉིས་པོས་གཞན་དང་འདྲ་བའི་དབང་པོ་རྣམ་ལྔ་ཆ་ཚང་གནང་ཡོད་པས་ཡིན།
༢༠༡༡.༨.༡༧དགོང་མོར་དྲྭ་ཁང་དུ་ཤ་མར་བྲིས་སོ།
