ཟིན་བྲིས་ལི་ཐོ།
སྒྲིག་འཇུག...
སྤྱི་བསྒྲགས།
སྒྲིག་འཇུག...
ཆེད་སྒྲིག་རྣམ་དབྱེ།
སྒྲིག་འཇུག...
ཟིན་ཐོ་གསར་བ།
སྒྲིག་འཇུག...
དཔྱད་གཏམ་གསར་བ།
སྒྲིག་འཇུག...
ཆེམས་གསར་བ།
སྒྲིག་འཇུག...
འཚོལ་བཤེར།
སྦྲེལ་མཐུད།
ཐོན་བྲིས་སྤྱི་བསྡོམས།
སྒྲིག་འཇུག...


 
བག་མ་བསུ་མཁན་གྱི་གཡང་བཤད།
[ 2015/4/13 17:58:00 | By: ཨ་ཀྲོང་རིན་རྒྱལ། ]
 

བག་མ་བསུ་མཁན་གྱི་གཡང་བཤད།

འོ་ལགས་སོ། །དེ་རིང་གནམ་ལ་སྐར་མ་བཟང་།  དེ་རིང་ས་ལ་དུས་ཚོད་བཟང་། དེ་རིང་བར་ན་བཀྲ་ཤིས་བཟང་། དེ་རིང་བཟང་གསུམ་རྟེན་འབྲེལ་འགྲིག །ངའི་དྲི་མེད་རས་དཀར་གཡང་ཁུག་འདི། །འཛམ་གླིང་གཡང་གི་བང་མཛོད་ཡིན། །ཁ་དོག་དཀར་པོར་འདུག་པ་འདི། གཙང་རིགས་ཀྱི་ཁ་འཛིན་ཡོད་པའི་རྟགས། རིན་ཆེན་རིས་ཀྱིས་སྤྲས་པ་འདི། །འདོད་རྒུ་ཡིད་བཞིན་འབྱུང་བའི་བརྡ། །ཉི་ཟླ་གཉིས་ཀྱིས་བརྒྱན་པ་ནི། །སྙན་གྲགས་འཛམ་གླིང་ཁྱབ་པའི་བརྡ། །ཕྱི་རིམ་ལྕགས་རིས་བསྐོར་བ་ནི། །མི་མཐུན་གཡུལ་ལས་རྒྱལ་བའི་དོན། །ནང་ན་འདུག་པའི་གཡང་ཆ་འདི། །ཨ་ཡག་ནས་ཀྱི་ཕ་དང་གཅིག དར་ཡག་ནས་ཀྱི་མ་དང་གཉིས།  རྒྱ་མོན་ནས་ཀྱི་བང་མཛོད་གསུམ།  འབྲུ་ཁ་ར་ནས་ཀྱི་གཡོག་མོ་བཞི།  ཁྲ་བོ་ནས་ཀྱི་ཞང་པོ་ལྔ།  དམར་ཁྲ་ནས་ཀྱི་ཁུ་བོ་དྲུག སྔོ་ཆུ་ནས་ཀྱི་དགེ་མ་བདུན། བདུན་གསུམ་འཛོམས་པའི་འབྲུ་རིགས་ཡིན། །དང་པོ་བྱུང་ཁུངས་ཤེས་མ་ཤེས། དང་པོ་བྱུང་ཁུངས་མ་ཤེས་ན། འོག་ཕྱོགས་ཀླུ་ཡི་ཡུལ་ནས་བྱུང་། དབུ་ནག་མི་ཡིས་རེ་འབོད་བྱས། ཞེ་བུ་ཁྱི་ཡིས་གདན་འདྲེན་ཞུས། སྒང་པ་བོད་ཀྱིས་ལོངས་སུ་སྤྱད། །དེ་ལ་སྦྲང་དཀར་རྩམ་པ་བྱུང་། སྐྱེ་འགྲོ་གསོ་བའི་ཉིང་བཅུད་ཡིན། ལྷ་སྲུང་མཆོད་པའི་ཕུད་ཅིག་ཡིན། གཡང་ཁུག་ནས་ཀྱིས་གང་བ་འདི། །མི་ནོར་ཟས་གསུམ་གང་བའི་བརྡ། བཙན་ཕྱུག་འཕན་གསུམ་གང་བའི་བརྡ། ཕྱྭ་གཡང་དཔལ་གསུམ་གང་བའི་བརྡ། ཤེས་རིག་ཡོན་ཏན་གང་བའི་བརྡ། དཔལ་འབྱོར་ལོངས་སྤྱོད་གང་བའི་བརྡ། སྟེང་དུ་སྦྲོན་པའི་མདའ་དར་འདི། །གཡང་ར་བ་སྒོ་བཞིའི་གཞི་རྟེན་ཡིན། །མདའ་སྟོང་གནམ་དུ་བསྟན་པ་འདི། །མངའ་ཐང་དགུང་དང་མཉམ་པའི་བརྡ། །སྒྲོ་མིག་ཐང་གསུམ་སྒྲོན་པ་འདི། །མི་ནོར་ཟས་གསུམ་འཕེལ་བའི་རྟགས། །སྙུགས་མ་ཚིག་གསུམ་ཡོད་པ་འདི། །ལུས་ངག་ཡིད་གསུམ་བཟང་བའི་རྟགས། །མཚལ་དམར་མདངས་དང་ལྡན་པ་འདི། །གཟི་བརྗིད་བཀྲག་མདངས་ལྡན་པའི་བརྡ། །མདེ་འུ་ལྕགས་ལ་བྱས་པ་འདི། །ཚེ་སྲོག་ལྕགས་ལས་སྲ་བའི་རྟགས། །དར་ཚོན་སྣ་ལྔས་བརྒྱན་པ་འདི། འགོ་བའི་ལྷ་ལྔས་སྐྱོབས་པའི་བརྡ། །དེ་རིང་འདི་རུ་རྟེན་བཙུགས་པས། །ཕོ་སྲོག་བྲག་ལས་སྲ་བར་ཤོག། མོ་རྒྱུད་དར་ལས་འཇམ་པར་ཤོག། གཡང་ར་བ་སྒོ་བཞི་འཁོར་བར་ཤོག། བཙན་ཕྱུག་འཕན་དར་འཛོམས་པར་ཤོག །མི་ནོར་ལོངས་སྤྱོད་རྒྱས་པར་ཤོག །དུས་རྣམས་ཀུན་ཏུ་བཀྲ་ཤིས་ཤོག། །རང་རང་གང་ལ་མོས་པའི་ཤིས་སྨོན་བརྗོད། །

དགེ་བཤེས་དྲང་རྣམ་གྱིས་བསྡུ་སྒྲིག་བྱས།

 
 
ཆུ་ཤེལ་དབང་བོ།
[ 2015/12/20 15:33:10 | By: 2066682549@qq.com(སྐུ་མགྲོན) ]
 
2066682549@qq.com(སྐུ་མགྲོན)ཆུ་ཤེལ་དབང་བོ།
དྲི་མེད་རྣམ་དག་ལགས། ལྷད་མེད་ཀྱི་ཐུགས་སྟོབས་རེ་རེའི་སྦྲང་ཆར་གྱིས།
གཡུང་དྲུང་བོན་གྱི་བསྟན་པའི་མེ་ཏོག་གི་མྱུག་གསར་དེ།
མདའ་རྒྱང་གཡའ་རི་ཡི་ཡང་རྩེར། ཁ་འབུས་ཤིང་ལྷུག་པར་བཞད།
དྲི་མེད་རྣམ་དག་ལགས། ལྷག་རླུང་དང་འཚུབ་མ་ཡི་ཁྲོད་དུ། སྐྱེ་འགྲོའི་མུན་པ་སེལ་བའི་སྒྲོན་མེ་སྟེ། བསིལ་ལྗོངས་ཀྱི་ཞིང་འདེར། བྱམས་བརྩེ་ཡི་འོད་མདངས་སྦྱིན། དྲི་མེད་རྣམ་དག་ལགས། ཞུམ་མེད་ཀྱི་སྙིང་སྟོབས་རེ་རེས། མཛད་མེད་ཀྱི་ཕྱག་རྗེས་རེ་རེས། རིགས་དྲུག་གི་འགྲོ་བ་མཐའ་དག། འཁོར་བ་ཡི་དོང་ལས་སྐྱོབ།
དྲི་མེད་རྣམ་དག་ལགས། གཞན་ཕན་གྱི་ལྷག་བསམ་དཀར་བོ།
ཆུ་ཤེལ་གྱི་དབང་བོ། ག་པུར་གྱི་དབང་བོ། རྒྱུ་སྐར་གྱི་རྒྱལ་པོ།


______རྒྱ་གཡུ་གྲུ་དཀར་ནས།
 
 
དཔྱད་གཏམ་སྤེལ་བ།
སྒྲིག་འཇུག...
Powered by Oblog.