སྒྲིག་འཇུག...
སྤྱི་བསྒྲགས།
    སྒྲིག་འཇུག...
ལི་ཐོ།
    སྒྲིག་འཇུག...
ཆེད་སྒྲིག་རྣམ་དབྱེ།
    སྒྲིག་འཇུག...
པར་མཛོད།
ཟིན་ཐོ་གསར་བ།
    སྒྲིག་འཇུག...
དཔྱད་གཏམ་གསར་བ།
    སྒྲིག་འཇུག...
ཆེམས་གསར་བ།
    སྒྲིག་འཇུག...
ནང་འཇུག
དྲ་གྲོགས།
    སྒྲིག་འཇུག...
སྦྲེལ་མཐུད།
ཟིན་བྲིས་ཆ་འཕྲིན།
    སྒྲིག་འཇུག...
བཅུ་པ། | 2017/4/26 16:41:00
བཅུ་པ། སྐུ་གདུང་བཞུ་དུས་ལ་དཔྱད་པ། གྲགས་པ་རྒྱལ་མཚན་ཅན་རྣམ་ཐར་པད་མོའི་ཕྲིང་བ་ལས། ༼་་དེ་ནས་དགོངས་ཞག་བཞི་བཅུའི་བར་དུ། ཉིན་རེ་བཞིན་དུ། མང་ཇ་གསུམ་རེ་ཙམ་དང་། མཆོད་པའི་བྱེ་བྲག་མང་དུ་ཕུལ་ལོ། ཕྱིར་བྱ་ལོ་ལ་སྤུར་བཞུས་ཏེ། རྟེན་རིང་སྲིལ་མང་དུ་བྱོན་ནོ།་་༽ཞེས་གསུང་ལ། མཁན་ཉི་མས། ༼་་དེ་ནས་དགུ་ཟླ་གསུམ་གྱི་བར། ཕྱག་བསྐོར་མཆོད་པ་གྲངས་མེད་ཕུལ། ཧོར་ཟླ་དང་པོའི་ཚེས་ལྔ་འམ། འདུལ་རྩིས་ཚེས་པ་བརྒྱད་ཀྱི་ཉིན། གདུང་བསྲེགས་ལས་བཞི་རྒྱུན་ལྔ་དང་།་ ཀློང་རྒྱས་དཀྱིར་འཁོར་ཞལ་ཕྱེས་ཏེ། སྐུ་གདུང་ཞུགས་ལ་བཞེན་ཙམ་ན།་་༽ཞེས་གསུང་པར་དཔྱད་ན། སྐུ་གཤེགས་པའི་དུས་ཚོད་དབྱར་ཟླ་ཐ་ཆུང་གི་ཚེས་བརྒྱད་ནས་བརྩིས་པས། དགུན་ཟླ་གསུམ་མཚམས་ཧོར་ཟླ་དང་པོ་འཁེལ་་ཐབས་མེད་པའི། སྐུ་གཤེགས་པས་དུས་ཀྱི་དབྱར་ཟླ་ཐ་ཆུང་དེ། འདུལ་རྩིས་ལྟར་ན། དབྱར་ཟླ་ཐ་ཆུང་ཧོར་ཟླ་བདུན་ཡིན་པའི། ཧོར་ཟླ་བདུན་ཚེས་བརྒྱད་ལ་སྐུ་གཤེགས་པ་དང་། དེ་ནས་ཞག་གསུམ་དྲོས་བཞི་ཚེས་བཅུ་གཅིག་ཉིན་ནས། དགུང་ཞག་ཞེ་དགུ་རྩིས་ན། ཧོར་ཟླ་དགུ་པའི་ཚེས་གཅིག་ཉིན། ཞེ་དགུ་ཚང་། དེ་ནས་དགུན་ཟླ་གསུམ་རྩིས་ན། ཧོར་ཟླ་བཅུ་གཉིས་ཚེས་གཅིག་ཉིན། ཟླ་བ་གསུམ་ཚང་ནས། སྟོན་པ་གཤེན་རབ་སྐུ་འཁྲུངས་པའི་ཟླ་བའི་དུས་ཆེན་དང་བསྟུན་ནས། བོད་ཟླ་དང་པོའམ་ཧོར་ཟླ་བཅུ་གཉིས་པའི་ཚེས་ལྔ་འམ་བརྒྱད་ཉིན། སྐུ་གདུང་བཞུས་ཡོད་དམ་སྙམ། འདི་དག་ནི་ཕྲན་གྱི་བསམ་ཚུལ་ཙམ་ཞུས་པ་ལགས་སོ། སྤྲེའུ་ལོའི་བོད་ཟླ་གཉིས་པའི་ཚེས་བཅོ་ལྔ་ཉིན། སྐད་ཕྲིན་མཉམ་མེད་བགྲོ་གླིང་ཅེས་པའི་ཚོགས་གཙོས། བགྲོ་གླིང་གི་ཆ་ཤས་ལེན་ནས། བགྲོ་གླེང་བྱེད་དགོས་ཞེས་པས། བཀའ་མངག་ལྟར། ཞར་ཞོར་དཔེ་ཆ་འགའ་ལ། བལྟ་ཙམ་བྱས་ཏེ། ཚེས་ཉི་ཤུ་དྲུག་ཉིན་གློག་ཡིག་ཐོག་ཏུ་བྲིས་ཏེ་སྤེལ་བའོ། 
དཔྱད་གཏམ་སྤེལ་བ།
སྒྲིག་འཇུག...
སྒྲོམ་གཞི་སྒྲིག་བཟོ་བ། མཁའ་ཚེ།
Powered by Oblog.