ཁོད་སྤུངས་དར་རྒྱས་དགོན་པའི་འདུ་ཁང་སོགས།དགོན་འདི་ཐོག་མར་ཕྱག་འདེབས་པ་པོ། མཁན་ཆེན་བསྐལ་བཟང་ཉི་མ།
ཀ་དག་སྐྱེ་མེད་བོན་སྐུའི་གཞི་དབྱིངས་ཀྱི་ངང་ལས། །ཁ་དོག་འོད་དཀར་འཆང་བ་འགག་མེད་ཀྱི་ལོངས་སྐུ། །ག་ནས་གསོལ་བ་འདེབས་ལ་ཆུ་ཟླ་ལྟར་སྟོན་པ། །ང་ཡི་བླ་མ་གཡུང་དྲུང་འཆང་དབང་ལ་ཕྱག་འཚལ། །ཅ་ཅོ་འདུ་འཛི་དབེན་པའི་རི་སུལ་དུ་འགྲིམས་ཏེ། །ཆ་ལུགས་བདུན་ལྡན་ཚུལ་གྱིས་བསམ་གཏན་ལ་བརྟེན་ནས། །ཇ་ཆང་ཟས་གོས་འདོད་ཆུང་ཆོག་ཤེས་ཀྱིས་སྤྱོད་ལ། །ཉ་མོ་མཚོ་ལྟར་བླ་མའི་གདམས་ངག་དང་མ་བྲལ། །ཏ་ཐཱ་ག་ཏའི་རྣམ་འཕྲུལ་མཚན་ལྡན་གྱི་བླ་མ། །ཐ་མལ་སྣང་ཚུལ་བསྟན་ཀྱང་སངས་རྒྱས་སུ་མཐོང་སྟེ། །ད་ལྟའི་དལ་འབྱོར་རྟེན་ལ་སྙིང་པོ་ཞིག་བླངས་ན། །ན་ག་འཆི་བྲོད་བྱུང་ཚེ་ཐར་ལ……
གང་བཟང་གང་སྙན་གྱི་ཁ་གཡང་མིན་པར། ། རླབས་ཆེན་ལས་དོན་ལ་མཛད་འཕྲིན་ཟབ་པའི། ། མི་བུ་གདོང་དམར་བས་བཀུར་འོས་རྣམ་པ། ། འདིར་བཤད་སྙིང་ཁོང་གི་རེ་བར་གསོན་དང༌། །
ཁ་བཤད་ཁ་ཙམ་ལ་གསོན་ཤུགས་རྒྱས་ཀྱང༌། ། ལག་ལེན་ལག་བསྟར་ལ་རེ་བ་ཆུང་བའི། ། ང་བོ་ང་རྒྱལ་གྱི་མགོ་འཕང་མཐོ་རྣམས། ། འདིར་བཤད་སྙིང་ཁོང་གི་རེ་བར་ཉོན་དང༌། །
བཀྲ་ཤིས་པའི་ཉི་མ། ཕུན་སུམ་ཚོགས་པའི་ཉིན་མོ་འདི་ལ་ཧི་བོན་ཟིན་བྲིས་ལེགས་གྲུབ་བྱུང་སོང་། འདིའི་ང་ཚོ་གཡུང་དྲུང་བོན་ལ་མཚོན་ན་བཀྲ་ཤིས་པའི་དོན་བཟང་ཡིན་འདུག ལྷག་པར་དུ་ ང་ཚོའི་བོད་མི་རིགས་ཀྱི་རིག་གནས་ཡར་རྒྱས་གོང་འཕེལ་འགྲོ་བཞིན་པ། དེར་བརྟེན། བདག་ཀྱང་ཟིན་བྲིས་སུ་གསར་དུ་བཞུགས་པ་ཡིན་པས་རྒྱ་ཆེ་བའི་དྲ་གྲོགས་དག་གཟིགས་ཕེབས་གནང་བ་དང་ང་ཚོ་ཚང་མ་ཕན་ཚུན་བགྲོ་གླེང་སོགས་བྱེད་རྒྱུའི་རེ་བ་སོགས་ཡོད་པས་ཚང་མས་དགོངས་བཞེས་རེ་གནང་བར་ཞུ།