ཁ་བ་འབབ་ཐེངས་རེ་ལ།།

ཉི་མའི་དཀྱིལ་འཁོར་དྲན་ཡོང༌།།

ཉི་འོད་མེད་པའི་དུས་ལ།།

ལུས་སེམས་གཏིང་ནས་འཁྱག་འགྲོ །

རྒོད་པོ་འཕུར་ཐེངས་རེ་ལ།།

དྲིན་ཆེན་ཕ་ལོ་དྲན་ཡོང༌།།

དྲིན་ཆེན་ཕ་ལོའི་ཤེས་རྒྱ།།

ནམ་མཁའི་མཐའ་དང་མཉམ་ཡོད།།

མེ་ཏོག་བཞད་ཐེངས་རེ་ལ།།

དྲིན་ཆེན་མ་ལོ་དྲན་ཡོང༌།།

དྲིན་ཆེན་མ་ལོའི་སེམས་པ།།

མེ་ཏོག་ལས་ཀྱང་མཛེས་སོང༌།།

ཟླ་བ་ཤར་ཐེངས་ལ།།

སྙིང་གི་མཛའ་མོ་དྲན་ཡོང༌།།

མཛའ་མོའི་ཞེ་མདངས་བསམ་ན།།

ཡ་ཆུང་སེམས་པ་སྐྱོ་ཡོང༌།།

ཆང་ཕོར་འདེགས་ཐེངས་རེ་ལ།།

རྒྱང་རིང་གྲོགས་པོ་དྲན་ཡོང༌།།

གྲོགས་པོའི་མདངས་བརྩེ་བསམ་ན།།

སྐྱོ་བའི་དངན་པ་ཤོར་འགྲོ །
        ༼ བཀོལ་ཟིན། ༽